الموضوع: قطع غيار اكسنت rb لا تعليق

المشاركة الأصلية كتبت بواسطة Samir Elshahawy

أحنا بنقبل اي نقد عن أي عربية طالما النقد بمعرفة و علي أساس مش من مجرد سمع
و عموما هيونداي زيها زي أي شركة تانية لها مميزات و عيوب لأن مافيش حد كامل الكمال لله وحده

يا باشمهندس سمير :)

أنا مش عارف حضرتك اخدت بالك ولا لأ ؟
واذا كان كلامك ده موجه ليَّ أنا ولا لأ !!!!!!!!!!

ده مش كلامي ده كلام العضو sehsssss
في مشاركة رقم 84

المشاركة اللي حضرتك اقتبست منها مجرد رد على كلامه

استاذ احمد عادل انت قلت الى كان نفسى اقوله مش موضوع ماركات ابدا لان النهاردة العربية معاك بكره مش معاك انا من شهر بالزبط كنت ع وشك التغيير بسيارة جديدة و لما لاقيت اسعار السيراتو اللى هاجيبها زادت 3 او 4 تلاف لغيتها مع ان بتمنها ممكن اجيب تيدا مثلا بس كل واحد ليه حساباته قطع الغيار و انا علطول ف المحافظات اعادة البيع يعنى ليا عمى ربنا يكرمه عادى خسران ف فيكترا سى بتاع 70 الف ف اعادة البيع عادى و كمل و بدل ما يجيب مثلا فانتازيا حلوة و تمسك سعر جاب امبريزا دى ظروفه و انا ظروفى كشاب متسمحليش انى اخسر نص تمن العربية ف اعادة البيع عشان احط ع فلان او علان انما مثلا التيدا انا مقدرش اعيب فيها و الله صاحب المعرض كلمنى بنفسه و فكر سبب التراجع ان معيش فلوس الزيادة و عرض عليا الصنى بفرق اقل محترم و رفضت و عشان اهرب منه قلت له فيها مشاكل قال لا لحد شاسيه مش عارف 600 بعد كده مفيش و على ضمانتى و قفلت معاه نفس الكلام الصنى القديمة اللى كان وقت شراء الاكسنت الللى معايا فرق 4 الاف انا شاري الاكسنت 82 و الاكس صالون ايامها 86 87 و مرضتش ليه الكلام اللى فات دا ليه لان لما تيجى تنتقد عربية زى الصنى بيترد كانه مثلا الصنى معقداك و انها مثلا حلم كنت هاتموت و تجيبها معرفتش او انك محدث نعمة مسقتش عربيات قبل كده ههه و ده مش الواقع و عشان كده فكرت تانى ف السيراتو بس لغاية سعر معين مش عالمفتوح لان زى مالحاجة ليها مميزات ليها عيوب و انت بتفاضل بينهم و ملاحظاتك يا استاذ احمد بتلامس حقيقة ساعات بحس بيها ف بعض المواضيع

مش لوحدك يا أستاذ Habd اللي بتحس بالموضوع ده
ناس كتير زينا بس الناس بتشتري دماغها
عشان زي ما حضرتك وضحت

'' بيترد كانه مثلا الصنى معقداك و انها مثلا حلم كنت هاتموت و تجيبها معرفتش او انك محدث نعمة مسقتش عربيات قبل كده ههه ''

شوف حضرتك الهجوم
http://www.nilemotors.net/Nile/346982-a-2.html

والله أنا ما ليَّ مصلحة , أنا غاوي وجع دماغ يعني !!!!!!!!!!
والحمد لله فيه قدرة مادية إني اركب اللي أحسن منها

بس حرام الناس اللي بتتأذي دي , احنا منتدى كبير
و فيه ناس كتير بتشتري بناءا على الكلام اللي بتقراه هنا

لازم يبقى فيه حيادية أكتر من كده في تقييم الحاجة

هيجري إيه لو قلنا مثلا

1-الصني ارخص عربية في فئتها دلوقتي , هي و ال persona
2-عوامل أمان كويسة
3-option كويس
4-عربية واسعة وشنطتها كبيرة
5-التوكيل ليه فروع كتير وفاهم في العربية
6-اعتمادية عالية بغض النظر عن عيوب التجميع

بس
1-شكلها قديم جدا من بره ومن جوه
2-ثباتها مش كويس
3-عدم توفر قطع غيارها وارتفاع أسعارها
ومحدش يقولي عمر افتراضي , دي قطع غيار هندي ومصري
مفيش مبرر للاسعار دي

4-فيها عيوب في التقفيل
5-كاوتش نوعه ردئ
6-فيها عيب في الفرامل (تيل و صاجة تيل و طنابير )
العيب في الخامات مش في كفائة الفرامل

7- صاج خفيف
8- العربية مكونات هندي و تجميع مصري
ما عدا الفتيس ياباني 100 % والموتور تجميع هندي


وعشان نبقى واقعيين برده

حتى لو قلنا إن فيه حاجات من العيوب دي متظهرش غير بالإستخدام
زي عيب الفرامل والثبات وعيوب التقفيل وعدم توفر قطع الغيار

كل ما تكلم حد يقولك ما احنا عارفين !!!!!!!!!!

طيب ليه الناس معملتش موضوع توضح العيوب دي زي ما عملوا مواضيع كتير توضح مميزاتها
وليه الدفاع وتوجيه الإتهامات لاي حد بيحاول يوضح العيوب دي


كل عربية ليها عيوب ومميزات
اللي حابب يشتريها على كده أهلا وسهلا

مش يبقى معمولها دعاية على إنها خارقة


تحياتي

فعلا و انا بشترى الايام اللى فاتت مندوب المعرض و هو رايح يفرجنى عالسيراتو والله ازبهل من المعلومات اللى بقولها ليه ع السيراتو مميزات و عيوب و يقولى ماش اء تعال اشتغل معانا هههه و الفضل يرجع للمنتدى و اخواتنا اللى مقصروش فى الكلام عن اى حاجة و كل حاجة نفس الكلام عن الاكسنت اللى معايا رايح و عارف فيها ايه و كل حاجة و شفتخا فى معرض اتوماك الاخبار باين قبل الثورة و اتفرجت ع الريو و فعلا زى ما كان مكتوب الريو كتفقيل احسن شوية و شفت اللوجان و الجين 2 و الساجا فى معرض المصرية عند احمد تيسيرو شفت الصنى و ركبتهم كلهم حتى اللانوس و الفيرنا اللى كنت شايلهم من دماغى ركبتهم و البيكانتو بس الشكل القديم و ع كل ده اخترت الاكسنت لانه اللى مناسبة طلباتى و هاقدر اتعايش مع عيوبها و مش هاتكون ماثرة عليا ده الحق اللى مفروض يتوفر لاى واحد بيدور ع عربية جديدة او حتى مستعملة و هو يوايم ظروفه مع امكانات و عيوب كل عربية شكرا لحضرتك ع الحوار

ههههههههههع علشان تعرفوا ان القسم الوحيد الديمقراطى هنا هو قسم هيونداى ههههع
عاوز تشتم فى هيونداى براحتك عاوز تشتم فى عربية تانية براحتك خالص ههههههههههههههههههههع

المشاركة الأصلية كتبت بواسطة ahmod

انا بس عايز اسال سؤال !!

هو التوكيل ليه الحق انه يغير اي حاجة في العربية بدون الرجوع لصاحب العربية !! ؟

وهل كل التوكيلات كدة !!! ؟؟

اصل انا متذكر ان مرة رحت توكيل اسكودا مع زميلي بيعمل صيانة للفانتزيا وبعد ماسبلهم العربية اتصلو بيه قالوله العربية محتاجة تغيير تيل امامي وسعره كذا نغير ولا لاء ؟؟؟

ولا الحوادث حاجة والصيانات الدورية حاجة تانية !!!!!!

المفروض طبعا يكلموه. دول بيتكلمو فعلا قبل ما يغيرو تيل الفرامل.