الموضوع: ايهما افضل لزيت الفتيس ليكوى و لا فالفولين

المشاركة الأصلية كتبت بواسطة ahmedselaraby

علفكره يا أستاذ باسم , فيه مشكله فنيه فيه إظهار مشاركتك , أنا بشوف مشاركتى فقط و لكن بتوقيعك !!!!!!!
حصل ميكس ههههههههههههههه
و المشكله الفنيه ديه ممكن تخلينى أعمل شكر أو إعجاب لنفسى هههههههههه
يعنى أنا اللى كاتب المشاركه و بشكر نفسى عليها ههههههههههههه
و لما عملت إقتباس مع الرد , ساعتها بس عرفت أقرا اللى انت كتبته
يا ريت حد يقولنا نصلح الموضوع ده ازاى
بالنسبه بقه للموضوع للى بنتكلم فيه
انا عارف ان د/ المناهرى معاه اتوماتيك , ماتخافش عليا يا أستاذ باسم , انا نقيب مباحث منتدى نايل موتورز هههههههههههههههه
بس د/ المناهرى عامل دراسه كويسه أوى فى ليكوى مولى عشان كده بسأله
بس أنا عايز أعرف ليه سيادتك و بشمهندس حسام (واخد بالك من بشمهندس ديه مش بقولك نقيب مباحث) بتفضلوا فالفولين عن ليكوى مولى مع ان د المناهرى جربه و قال كويس و بعد كده جرب فالفولين و قال الاتنين زى بعض فل اداء
هههههههههههههههههههههه
هو علي فكرة الخواجة فالفولين مش قريبي هو مجرد معرفة من بعيد لبعيد
هو انت ليك الي جرب والا الي سمع يا حبيب قلبي انا جربت موبيل وليكوي مولي وكاسترول وفالفولين والاعضاء في المنتدي هنا جربو الشيل
وافضل زيت مع العربية هو شيل كاسترول وفالفولين بس لازم اي واحد فيهم يكون تخليقي وليس معدني
ومن الاخر الكتالوج الي كتبه الخواجة الي عمل العربية بيقول ايه يقول الاتي:
في الصفحة رقم169و 170 وايضا 190في الجزء العربي والصفحة رقم 196 و224 في الجزء الانجليزي وتحت عنوان اختيار نوع الزيت واخد بالك انته من اختيار نوع الزيت
sae 5w-30 اعلي من 30-درجة مئوية
sae 15w-40 اعلي من 15-درجة مئوية
مستوي sg:api او اعلي واخد بالك برده من حتة او اعلي ديه
الكمية 3لتر
يبقي التوكيل اما يقولي لازم موبيل اقله معلش اسف لا يوجد ما يؤيد ما تقول يا سيادة التوكيل
ولما التوكيل يحتلي زيت موبيل اكس اتش بي الي هو sae20w-50
يبقي حضرة التوكيل هو الي خالف تعليمات الصانع مش انا لان انا التزمت بالمواصفات وهو لم يلتزم

بس انا حبيت اسأله دلوقتى عشان هو لما كتب المشاركه ديه , كان لسه مغير لفالفولين فكان لسه ما إختبرهوش أوى

تجربة زيت ليكوي مولي مع السيارة غير جيدة ولا تقارن مع فالفولين او كاسترول او شيل

المشاركة الأصلية كتبت بواسطة ahmedselaraby

ههههههههههههههههههههههههه ههههههه
و لا مباحث و لا حاجه , أنا بس مخاوى جن ههههههههههههههههههههههههه ههههههه
و بقولك اهو ,, العربيه البى واى دى ديه راكبها عفريت
و هو اللى بيعمل كل الحاجات ديه
بس الوكيل مش عايز يصرح بكده عشان مايخوفش الناس منها
و العفريت ده راكب فى كل عربيه من عربياتنا حتى بالاماره بص فى مرايتك كده بص شوف مين قاعد فل كنبه ورا ههههههههههههههههههههههههه هه
و العفريت ده سببه ان فيه قسم فى غبور , القسم ده محدش يعرف عنه حاجه , زى جناح سرى كده , و القسم ده هدفه انه يحضر أعمال للسيارات المنافسه عشان يضربها فل سوق

و الحل يا أبو جنى
اننا ننزل كلنا كده احنا الأربعه , أنا و سيادتك و أستاذ باسم و بشمهندس حسام , ننزل شارع الجمهوريه و نجيب البتاع ده اللى بيتعلق عل ظهر و له خرطوم و اللى سيادتك نوهت عليه فى مشاركه قبل كده و نملاه سائل مضاد للعفريت نجيبه من عند شيخ متخصص فى كده , بس أهم حاجه السائل ده مايبقاش مضروب زى زيت موبيل اللى بيحطهلنا الوكيل , و نمسك عربيه عربيه , رشش فشاش , و ايديلو ادى ايديلو ادى اديلو ادى ,,,,, اديلو ادى ,,,, اديلو ادى

معاكم شاكب راكب في الموضوع ده وعلي فكرة مش هقول ان عندي نفس الحكاية
ولا فتيس بيعض....ولابلية درك بتكركر...ولادبرياج دواسته بتتقل...ولاجلد ماستر بيضرب...
بس خلاص .........
لحد ما العفريت يطلع ........
و دور الموتور و اطلع بالعربيه و ادعيلى ههههههههههههههههههههههههه

المشاركة الأصلية كتبت بواسطة khaabas

شوف يا كبير واقتبس من مشاركتك

اولا ده الطبيعى وده بيبقى نظام حماية للفتيس حفاظا على التروس
ولو الفتيس معاند معاك انصح تغير زيت الفتيس وهتحس بفرق كبير ان شاء الله لان المشكلة دى حصلت مع صديق واتحلت بتغير الزيت لان خلى بالك زيوت التليين وزيوت المصنع من اسوء انواع الزيوت على خلاف الفكر المتداول لان خواص التخزين فيها اعلى من التزييت

ولو عاوز زيت ملوش حل جرب زيوت الكاسترول ايدج وهتلاقية فى محطات طاقة او زور موقع كاسترول مصر واختار اقرب موزع معتمد يليه الشل
اما الليكوى مولى نسبة البخر فيها عاليه

كلام في الجول

المشاركة الأصلية كتبت بواسطة peter magdy

مساء الخير يا استاذ احمد
عايز اقول لحضرتك انت بتحكى قصة عربيتى ( انت بتسوقها من ورايا )
انا كنت محبط جدا من العربية بسبب الفتيس و لما رحت التوكيل اشتكى حسسونى انى الوحيد اللى بشتكى من الموضوع دة مع انى سألت كذا صاحب عربية و كلهم معادا واحد ان فى تقل فى الغيار الاول و التانى - ومش عايز اقولك مسكن التوكيل اشتغل - ورجعت ريما لعادتها القديمة
بس عايز اقولك سمعت ان النقل هيبقى اسهل شوية لحد 5000 كم
انا دلوقتى 3400 تقريبا و فعلا النقل اتحسن شوية فعلا
انا فكرت فعلا قلت اغير زيت الفتيس بس قلت بعد 5000 كم علشان يكون نزل كل رايش التليين و يكون الزيت الجديد على نظافة
بس استاذ حسام شتتنا بتغير الى 140 و التوكيل بغير ب 90

انت تاني بيتر تاني وتالت مش انا قولتك في المقابلة انت اكتر واحد هيتعبني في المجموعة ديه
افتح الكتالوج الي كتبه الخواجة الي عمل العربية بيقول ايه يقول الاتي:
في الصفحة رقم169و 170 وايضا 190في الجزء العربي والصفحة رقم 196 و224 في الجزء الانجليزي وتحت عنوان اختيار نوع الزيت واخد بالك انته من اختيار نوع الزيت
بالنسبة لزيت التروس لناقل الحركة
75w-90 منطقة باردة الشتاء
80w-90 منطقة باردة صيف
80w-90 h او 80w-140 منطقة دافئة طوال العام
الكمية 2.1 لتر
مستوي gl-4:api او اعلي
ونفهم من كده ايه ان ممكن تحت زيت 80w-90 او 80w-140 ',g طول العام
الشركات الي عنده لزوجة 140 موبيل ووطنية وايسو
بالنسبة لزيت الماتور اناشء الله هغيرة برة التوكيل ب زيت فالفولين 5000 كم بسعر 130 جنية
و دة رأى استاذ حسام بردة - هو شكر فى الزيت دة
النوع ده مش تخليقي
دلوقتى ناس بتقول على الاضافات اللى بتتحط على الزيت بتعلى كفائتة و بتهدى صوت الماتور
فأرجو اى حد جرب اى اضافة يقول
و هسأل استاذ هانى علشان هو حط اضافات من فترة و عايزين نعرف وصلت معاة لفين
ربنا يصبرك و يصبرنا

المشاركة الأصلية كتبت بواسطة ahmedselaraby

شوف يا باشا , الفيات فيها عالى و واطى , يعنى ماينفعش نقارن السيينا مثلا بالجراند بونتو و لا بال فيات 500
السيينا ديه كانت تقفيل مصرى و كان فيها العبر , على الأقل البى واى دى بتمشى , يعنى الفتيس خشن بس بتمشى ,, انما السيينا ديه مكانتش بتمشى هههههههههههه
قصدى يعنى ان السيينا كانت أعطالها كتير و ده بسبب نظام التبريد فيها و مشكلة السخونيه و الحراره و مشكلة سير الكاتينه ... الخ و مع ذلك أشهد لها ان فتيسها كان ناعم جدا و كنت فعلا بنقل الغيارات فى جزء من الثانيه و ده كان مهم جدا فل تسارع لأن مفيش طاقه مهدره , و ده كان بيعوض ضعف موتورها ال 1400 سى سى

شوف النهارده الخميس أهو , شوف انا عملت ايه ؟؟؟

طقت فى دماغى و نزلت شارع دمشق و بسأل عن الإضافات و الزيوت

و أخيرا فعلا اشتريت المنتج الامريكى اللى هو apro الذى يضاف على الفتيس , جبته ب 18 جنيه من محل اسمه "المدينه" على نفس صف السجان و قدام بنزينة التعاون , بس مش عارف أحطه بكره الجمعه و لا استنى شويه لحد صيانة ال5000 و لا على ال 3000 كم كده ازود و لا ايه , مش عااااارف.
تفاصيل المكان الي فيه الاضافة بتاعة ابرو للفتيس المانيول بالتفصيل الممل من فضلك
و رحت كمان جبت برافين أويل لحماية التابلوه و لمعانه و ده عرفته من الرابط ده
زيت البرافين بيلم تراب بسرعة في الاول هيديك لمعة جميلة بس لازم تتابعه كل يوم تلميع
http://www.nilemotors.net/nile/345578-a.html

يلا اهو كله بثوابه ههههههههههه

على فكره ,, م/ حسام كان دايخ على ال apro ده و مكنش عارف يجيبو منين ,, أدينى سبقتك و جبته و عرفتك مكانه كمان

الراجل اللى بيبيعه عنده منه كراتين , يعنى متقلقش خالص

و كمان سألت الراجل عن أفضل الزيوت ,, ففعلا اكدلى انه فالفولين ,, مع انه مابيبعوش و مش عنده و عنده ماركات تانيه لكن للأمانه هو قالى ان فالفولين ده أحسن زيت

و لكم التحيه

لسه برده مستنى د/ المناهرى يخش يدينا رأيه ,, لأنه مجرب و دارس