أفضل سعر للدولار بمكاتب صرافة فى أسكندريه

**د.أبونضال** · 16-04-2013 09:09 PM

المشاركة الأصلية كتبت بواسطة MaNoLa

على فكرة أنت غلبان جدا
الجنبه السودانى بـ 1.60 جنيه مصرى
يعنى الجنيه السودانى بأكثر من جنيه و نص مصرى

على فكرة الجنيه السوداني كان سعره قد تدهور جدا فعملوا جنيه جديد قيمته تساوي 1000 جنيه قديم .. ونفس الأمر حدث مع الليرة التركية عندما تدهورت قيمتها ووصل سعر المليون ليرة لدولار واحد قام رجب طيب سنة 2007 بطرح ليرة جديدة قيمة الليرة الواحدة تساوي دولارا واحدا أي أن الليرة الجديدة أصبحت تساوي مليون ليرة قديمة
وللقيام بمثل هذا الإجراء ينبغي أن تكون هناك طفرة اقتصادية تسمح بتجاوز الصدمة التي يحدثها مثل هذا الإجراء في الأسواق كظهور البترول في السودان أو تطور التصنيع المحلي في تركيا

**zangry** · 16-04-2013 09:16 PM

الغريبه ان سعر الدولار بيزيد كل يوم !! مش بيقل !! انهاردة ب 6.89 وكل يوم بيزيد

**aliabdo** · 16-04-2013 09:38 PM

لسه سائل عن الاطباء للصرافه من ساعه بنفس سعر البنك الاسبوع الى فات كان زياده جنيه عن سعر البنك
كمان سعر جرام الدهب 21 نزل 46 جنيه
اعتقد ان كل الكلام ده مؤقت لتهافت الناس الى محوشه دولار للبيع عشان كلام الجرايد يعنى باكتير شهر ولا اقل و يرجع سعر السوق زى ما هو

**sas5** · 16-04-2013 10:07 PM

الدولار رجع يرتفع اليوم مره ثانيه 7.46 سوق سوداء

**horas3000** · 16-04-2013 10:21 PM

الحقيقة المره
7.8 دلوقتي

**horas3000** · 16-04-2013 11:27 PM

المشاركة الأصلية كتبت بواسطة amrelsaqqa

بيع ولا شراء ، وفين ؟

بيع طبعا
القاهره
ربنا يستر بكره
الكلام اللي سمعته ان ال 5 مليار اللي دخلوا بخ كده
و رجعنا زي ما كنا

**MaNoLa** · 17-04-2013 04:13 AM

المشاركة الأصلية كتبت بواسطة MaNoLa

نهايه الموضوع بعد الفحص الشديد لكل الردود و الأراء الواقعية على الأرض و من ناس ثقة
من النهايه وقوع سعر الدولار بسبب فلوس ليبيا و قطر و الأقتصاد المصرى ثابت
يعنى فيه مخزون حوالى 5 مليار يتهئ لى فلوس ليبيا و قطر
طيب لما الـ 5 مليار دول يتسحبوا بسرعة جدا لأن سعر الدولار منخفض و فرصة لتجار الإستيراد هيحصل أية
هيزيد الدولار كمان عن المعدل الى وصله بزيادة فى حدود من 3% إلى 7%
يعنى لو كان الدولار وصل إلى 8 جنيه فى السوق السوداء فى الأسبوع الماضى
ممكن بعد أنتهاء المخزون و تدهور الأقتصاد أكتر هيوصل من 8.24 جنيه إلى 8.56 جنيه

و بالنسبه للحكومة الفاشلة كانت حاطة أمل على صندوق النقد الدولى
و غالبا مش هيتوافق عليه و دة بسبب كلامهم عن تراجع النمو فى مصر و دول الشرق الأوسط
و توقعات أخرى تخص تراجع النمو فى الشرق الأوسط و شمال أفريقيا

و على فكرة سقوط سعر الدولار مش دليل على أن الأسعار أو الأقتصاد المصرى أنتعش أو حالته جيدة لا سمح الله و أستحاله طبعا
دة دليل على أن المخزون زيادة و لما ينتهى المخزون دة هنرجع لأصلنا تانى

بكرر كلامى مرة أخرى للتأكيد
و أضيف أن ال 5 مليار الصدقة بتاعة الحكومة لم تصمد أكثر من شهر
و هيبقى الحد الأقصى فى السوق السوداء هيرتفع عن ما قبل
و مبروك علينا و عليكم النهضه الجديدة