الموضوع: أفضل سعر للدولار بمكاتب صرافة فى أسكندريه

كمان ما ننساش ان البلد ليها مصادر متجددة من الدولار صناعة زراعة قناة سويس تحويلات عاملين بالخارج كده يعنى يعنى الشهر اللى فات الاحتياطى نزل 80 مليون دولار بس هل معنى كده ان البلد كلها استهلكت 80 مليون دولار ف شهر و لا كان فيه مصادر متجددة جابت دولارات استخدمها البنك و عجزت معاه ف 80 مليون صرفهم من عنده

المشاركة الأصلية كتبت بواسطة habd

فايدتهم ايه ؟ فايدة كبيرة طبعا انت الاول يا دوب 13 مليار دولار اختياطى دا يادوب يكفى استيراد تلاتة شهور الا من الاحتياجات الاساسية مش الرفاهية يعنى هاتسورد لعب اطفال جمبرى اى حاجة ملهاش اهمية استراتيجة البنك المركزى مش هايديك دولار هاتستورد قمح و خلافه ماشى و البنك كان مقرط ايده و بيعمل عطاءات اسبوعية للبنوك ب 40 مليون دولار بس الوديعة جت هيا الوديعة دى بتتحط ف البنك ما حدش بيجى جنبها لا البنك بيبدا يصرف اموره بيها يمشى حال البلد و لما الامور بتتزبط بيبدا يلم دولارات تانى يدفع بيها الفوايد و اصل الوديعة و الكلام ده مش دلوقتى لسه قدام قوم ايه البنك رزع عطاء ب 600 مليون دولار يعنى بعد ما كان بيدى 40 بقى 600 طيب هل الوضع هايستمر كده اتوقع اه الدولار نازل نازل امبارح الشورى وافق على قرض جديد من تركيا ب مليار دولار غير قرض قبل كده من شهرين بمليار كمان بس هايروح للمصانع المصرية و لسه فيه 4 مليار دولار شبه اكيده جاية خلال يومين من العراق و احتمال كبير مرسى يطلب 2 مليار دولار من روسيا خلال الزيارة الجاية الكلام ده فرق جامد مع محادثات صندوق النقد لانه كان بيحط شروطه عليك و لو مش عاجبك ضهرك للحيطة بعد الدعم ده هما بقى مهزوزين و ممكن يتساهلوا شوية و احتمال القرض يوصل ل 8مليار دولار زى ما وزير التخطيط قال اول امبارح كل ده بقى كوم و تدفقات المنح و الاستثمارات اللى متوقعة بعد توقيع القرض كوم تانى بس فيه عندك 5 مليار يورو مستنين من الاتحاد الاوربى دعم مباشر بس يوقعوا القرض الحقيقة ربنا يستر القروض دى ممكن توصل الديون الخارجية من 40 مليار دلوقتى لحاجة و ستين مليار او سبعين بس اللى فاهمه ان الدولار مش هيفلت بالشكل اللى كنا متوقعينوا تانى و دى اقوى ضربة لاى ناصح حب يضارب ف قوته و قوت اهله

متشكر للايضاح

بس على فكره صندوق النقد استحاله يدينا فوق 4.8 مليار دولار لان ده هو الحد الاقصى الى ممكن ناخده منه طبقا لحصتنا فى صندوق النقد

مش عارف و الله بس هو الخبر كان كده وزير: وارد جدا ان تطلب مصر زيادة قرض صندوق النقد | أخبار الاقتصاد | Reuters

ده خبر بيقول انه فيه دولارات لانه بيدا يسددوزير: مصر تسدد مليار دولار من ديونها لشركات النفط خلال أسابيع | أخبار الاقتصاد | Reuters

و دى اخبار لها تاثير ع الدولار برضه مزارعون يقولون آمال محصول القمح المصري مجرد حلم | أخبار الاقتصاد | Reuters
الرئيس المصري سيسعى للحصول على نفط وصوامع للقمح من روسيا | أخبار الاقتصاد | Reuters

الناس بتتكلم عن القروض كأنها منح لا ترد ... دي مش فلوسك ومش فلوس البلد ... دي قروض وعليها فوايد ... 4 مليار من هنا و 2 مليار من هنا و مليار من هناك ... هتلم كام من الشحاتة دي .... نقول 10 مليار دولار ... يعني بحسبة بسيطة تصرفهم في 6 شهور وتمد ايدك تاني ... ده لو الدول دي مطلبتكش بالفلوس و الفوايد بتعتها كمان ... من الأخر كده ... لو مفيش مصدر للدولار غير موضوع الشحاتة ده فمصير البلد في خطر حقيقي والجنيه المصري هيحصل اخوه السوداني وسعر الدولار ساعتها هيجيب 20 جنيه مستريح.