أفضل سعر للدولار بمكاتب صرافة فى أسكندريه

**amrelsaqqa** · 15-04-2013 08:00 PM

كلها اسبوع ويعلى تانى
نفسى افهم ايه اللى حصل اصلا عشان ينزل !
الطلب عليه هو هو ، والاقتصاد زي ما هو ، وماحدش يقوللى الـ 5 مليار بتوع ليبيا وقطر

**aliabdo** · 15-04-2013 08:13 PM

الموضوع فى الغالب ما الا تصريح حكومى عشان يخوف الناس الى شايله دولار فيجرو يبيعوه فالسعر يقل فى السوق السودا؛ حتى لو فعلا وصل مصر 5 مليار دولار اكيد ميعتبروش مبلغ ممكن يعدل الدافه ابدا حتى لو عدلها لفتره معينه حترجع تميل تانى ؛ الى نزل سعر الدولار ان الناس خايفه على الى شايلها انه يقل فكله بيجرى يبيع باى سعر و السلام و بكده العرض يزيد و السعر يقل

**hossam_elwani** · 15-04-2013 08:17 PM

المشاركة الأصلية كتبت بواسطة amrelsaqqa

كلها اسبوع ويعلى تانى
نفسى افهم ايه اللى حصل اصلا عشان ينزل !
الطلب عليه هو هو ، والاقتصاد زي ما هو ، وماحدش يقوللى الـ 5 مليار بتوع ليبيا وقطر

وانت مستهون بال خمسه مليار

على العموم الحلول دى اصلا وقتيه وده ولازم الانتاج تانى يرجه لمعدلاته الطبيعيه عشان نوقف نزيف انخفاض الجنيه

**amrelsaqqa** · 15-04-2013 08:18 PM

كله يجري بيبع ليه بس
ايه الغباء ده ياربى
ما الحوار ده اتهرس 100 مرة قبل كدة !

انا نفسى الدولار ينزل فعلا ، بس بالطريقة الصح ، والاقتصاد يتعافى بجد ، انما دلوقتى الحاجة غليت ومش هترجع لورا ، واللى اشترى دولارات خسر فيها وخلاص ، والمناخ بقى مضطرب اكتر ، وحاجة زي الزفت ، وكلها كام يوم ويرجع زي ما كان للاسف
في دولة بتدار بالاشاعات ؟ حسبى الله ونعم الوكيل

**amrelsaqqa** · 15-04-2013 08:20 PM

المشاركة الأصلية كتبت بواسطة hossam_elwani

وانت مستهون بال خمسه مليار

على العموم الحلول دى اصلا وقتيه وده ولازم الانتاج تانى يرجه لمعدلاته الطبيعيه عشان نوقف نزيف انخفاض الجنيه

ال5 مليار دول ايه فايدتهم في سعر الجنيه انا عايز حد يفهمنى ؟ دلوقتى الطلب على الدولار المفروض انه كتير ، والـ 5 مليار دول اتحطوا "وديعة" هيقللوا الطلب ازاى او هيزودوا العرض ازاى !

**sas5** · 15-04-2013 08:36 PM

اليوم اغلب شركات الصرافه لاتريد الشراء.
وذلك سوف يخفض سعر الدولار.
لان الذى لديه دولارات اما يصبر وينام شويه او مستعجل ومزنوق وسوف يبيع على الاسعار الواطيه

**khaabas** · 15-04-2013 08:40 PM

المشاركة الأصلية كتبت بواسطة aliabdo

الموضوع فى الغالب ما الا تصريح حكومى عشان يخوف الناس الى شايله دولار فيجرو يبيعوه فالسعر يقل فى السوق السودا؛ حتى لو فعلا وصل مصر 5 مليار دولار اكيد ميعتبروش مبلغ ممكن يعدل الدافه ابدا حتى لو عدلها لفتره معينه حترجع تميل تانى ؛ الى نزل سعر الدولار ان الناس خايفه على الى شايلها انه يقل فكله بيجرى يبيع باى سعر و السلام و بكده العرض يزيد و السعر يقل

+11111111111111111111111111111111111111111

**Imhotep** · 15-04-2013 08:43 PM

. . .

**Imhotep** · 15-04-2013 08:45 PM

من الحاجات اللى فى ايدبنا نعملها و الحمد لله اخيرا ابتدينا نعملها هى ترشيد الاستيراد السفيه. . . و ده بيديره حاليا بنجاح محافظ البنك المركزى. . . و ادى نص قراره الاستثنائئ و فيه الكلام واضح عن سبب المشكلة الاصلى و هو الاستيراد:
http://www.youm7.com/News.asp?NewsID=1018872&

أما اللى عايز من الافراد العاديين يحول دولارات يتفضل براحته. . . بس يفتكر نقطة مهمة هى ان الدولار ده مش عملة بلده و يستحمل بقى التقلبات اللى ممكن تحصل فى سعره. . . و اللى بيعمل كده حتى لو كسب مؤقتا. . . الا انه هيخسر اضعاف مضاعفة فى المشكلة اللى بيساعد انها تتفاقم بمتاجرته بالدولار فى اى سلعة تانية يشتريها. . . و ياريت الناس تروح تشترى السيراتو اللى وصلت 200 الف. . . بالدولار من بلدها بالمرة

**Habd** · 15-04-2013 08:53 PM

المشاركة الأصلية كتبت بواسطة amrelsaqqa

ال5 مليار دول ايه فايدتهم في سعر الجنيه انا عايز حد يفهمنى ؟ دلوقتى الطلب على الدولار المفروض انه كتير ، والـ 5 مليار دول اتحطوا "وديعة" هيقللوا الطلب ازاى او هيزودوا العرض ازاى !

فايدتهم ايه ؟ فايدة كبيرة طبعا انت الاول يا دوب 13 مليار دولار اختياطى دا يادوب يكفى استيراد تلاتة شهور الا من الاحتياجات الاساسية مش الرفاهية يعنى هاتسورد لعب اطفال جمبرى اى حاجة ملهاش اهمية استراتيجة البنك المركزى مش هايديك دولار هاتستورد قمح و خلافه ماشى و البنك كان مقرط ايده و بيعمل عطاءات اسبوعية للبنوك ب 40 مليون دولار بس الوديعة جت هيا الوديعة دى بتتحط ف البنك ما حدش بيجى جنبها لا البنك بيبدا يصرف اموره بيها يمشى حال البلد و لما الامور بتتزبط بيبدا يلم دولارات تانى يدفع بيها الفوايد و اصل الوديعة و الكلام ده مش دلوقتى لسه قدام قوم ايه البنك رزع عطاء ب 600 مليون دولار يعنى بعد ما كان بيدى 40 بقى 600 طيب هل الوضع هايستمر كده اتوقع اه الدولار نازل نازل امبارح الشورى وافق على قرض جديد من تركيا ب مليار دولار غير قرض قبل كده من شهرين بمليار كمان بس هايروح للمصانع المصرية و لسه فيه 4 مليار دولار شبه اكيده جاية خلال يومين من العراق و احتمال كبير مرسى يطلب 2 مليار دولار من روسيا خلال الزيارة الجاية الكلام ده فرق جامد مع محادثات صندوق النقد لانه كان بيحط شروطه عليك و لو مش عاجبك ضهرك للحيطة بعد الدعم ده هما بقى مهزوزين و ممكن يتساهلوا شوية و احتمال القرض يوصل ل 8مليار دولار زى ما وزير التخطيط قال اول امبارح كل ده بقى كوم و تدفقات المنح و الاستثمارات اللى متوقعة بعد توقيع القرض كوم تانى بس فيه عندك 5 مليار يورو مستنين من الاتحاد الاوربى دعم مباشر بس يوقعوا القرض الحقيقة ربنا يستر القروض دى ممكن توصل الديون الخارجية من 40 مليار دلوقتى لحاجة و ستين مليار او سبعين بس اللى فاهمه ان الدولار مش هيفلت بالشكل اللى كنا متوقعينوا تانى و دى اقوى ضربة لاى ناصح حب يضارب ف قوته و قوت اهله