الموضوع: للى مش عاجبه موتور الانسر و ساحبه (الموتور رياضى)....

المشاركة الأصلية كتبت بواسطة mohamedway

مش معنى ان الموتور رياضى انه يبقه قوى يا جماعه و هو فعلا رياضى بس لازم نفهم الأول ان كلمه رياضى ده مصطلح يمكن نطلقه على أى موتور عزمه الأقصى عند Rpm عالى و هتلاقيه بيجبرك انك تجيب أخر النقلات عشان يشد كويس لأن قوته الحقيقيه عند Rpm عالى و ده بيرجع لزاويه فتح و قفل الصبابات المصمم عليها الموتور وده مقصوده لسبب بسيط و هو ان الهورس باور بتاعت الموتور بتزيد كل ما الrpm يزيد لحد ما توصل لأقصى قيمه لها اللى مكتوبه فى الكتالوج عند أقصى Rpm أما بالنسبه للعزم فالعلاقه بينه و بين الrpm مختلفه شويه وهى ان أقصى عزم مش عند أقصى Rpm ولكن بيزيد مع الrpm لغايه رقم معين و بعدين يقل تانى والرقم المعين ده يا إما يبقه رقم قليل فالموتور يبقه أداؤه كويس فى الطلعات و السرعات الواطيه انما فى الشد لأ انما لو أقصى عزم عند Rpm عالى هيبقه فيه فايده جامده انتو مش واخدين بالكم منها و هيه انى هرفع الrpm عن طريق تسقيط نقله والrpm العالى ده هيبقه عنده أو قريبه منه نقطه العزم الأقصى و بالإضافه لهذا العزم معاك هورس باور أكبر (علاقه الهورس باور بالrpm اللى وضحناها من قبل) يبقه معاك الأتنين فى وقت واحد (العزم العالى و الهورس باور العالى فى نفس الوقت) بس عيبه انك لازم تسوق العربيه بطريقه رياضيه عشان تستفيد منه و طبعا اغلب الناس اللى سواقتهم هاديه هتحس ان الموتور ضعيف لانه عاوز يرفع الrpm حاجه بسيطه و يدى النقله اللى بعدها علطول و بالطبع الموتور اللى مش رياضى هيعجبه اكتر لأنه هيحس انه استجابته أفضل لأن عزمه الأقصى فى المنطقه الواطيه فى الrpm اللى هو شغال عليها علطول.

وطبعا الموتور اللى عزمه الاقصى عند Rpm عالى (الرياضى) بيبقه مرتاح على الrpm العالى و عمره بيبقه أطول مع الشد زى ما شرحت قبل كده فى أول الموضوع و فى النهايه الموتور ال1600 هيجيب أخر قوته و ال1300 هيجيب اخر قوته على قده عشان تحس انه فعلا رياضى المفروض يبقه 2400 سى سى مثلا.

على فكره موتور الانسر ال1600 و ال1300 مفيش فرق بينهم غير السى سى بس هو ال1300 قليل على عربيه تقيله فى الوزن زى ده عشان كده الناس بتشتكى من سحبه خصوصا فى الاتوماتك.

اولا ارجو من حضرتك ان تقبل احترامى لشخصك الكريم

حضرتك دايما لما بنتكلم على اداء اى عربيه بنتكلم عن اداء الموتور و الفتيس مع بعض . حضرتك لازم تعرف ان الموتور بيولد عزم دوران و هو ده المهم علشان العربيه تزيد سرعتها ... كل ما كان اقصى عزم عند لفات موتور اقل كل ما كان التسارع احسن

اما الهورس بور فا ده معناه قد ايه اقدر اخد سرعة على نفس غيار الفتيس ... بمعنى اخر لو تخيلنا موتورين لهم نفس العزم بس واحد منهم له هورس بور اعلى فا ده معناه ان العربيه الاقل حتحتاج تدى نقلة فتيس بدرى لانها وصلت للحد الاقصى للفات

حضرتك بص على الرسم ده بيوضح العزم و الهورس بور.



ده موتور ميتسوبيشى بيولد اقصى عزم عند 2000 لفه و منحنى العزم تقريبا بيفضل ثابت بين 300 و 275 نيوتن متر. و تقدر توصل لالعلى rpm اللى على 6000 rpm

علشان كده حضرتك فى المواتير الصغيره 1300 و 1600 دايما اقصى عزم بتلاقيه عند rpm اعلى علشان كده تلاقى نسب سرعات الفتيس قريبه علشان هو عاوز دايما ياخد عزم الموتور اللى مش بيطلع الا على مثلا 3000 rpm

وطبعا ده معناه ان الموتور ده دايما شغال عند rpm اعلى و هنا تدخل بقى نوعية السبائك اللى متصنع منها الموتور و هل هى عمرها طويل ام قصير.

اما بالنسبه لزوايا الكامات فمعروف ان الكامه الرياضيه زواياها و توقيتلت فتح الصبابات انك تاخد عزم الموتور فى الحته المناسبه لوزن العربيه (التسارع مرتبط بالعزم ووزن العربيه و نسب الفتيس)

وهو ده سبب اختراع ال VVT (variable valve timing ويتم تغيير زوايا الكامات بروفع هيدروليك يتحكم فيها كمبيوتر العربيه علشان يحقق المعادلة الصعبه بين كامه موفره للبنزين و كامه لها اداء رياضى

طبعا مهم جدا حاجه اسمها gear slip factor وده بيظهر فى الفتيس ال CVT و الاوتوماتيك بالنسبه للانواع الرخيصة اللى بتركب فى العربيات الشعبيه . و هو ده السبب انك تلاقى ناس بتشتكى ان السحب وحش علشان ال CVT اللى على سير زى اللى راكب فى اللانسر ال slip فيه عالى فا ما تقدرش تاخد عزم حلو. لكن ال CVT اللى بينزل فى المرسيدس CLK دا بيبقى هيدروليك و ال slip فيه شبه معدوم.
كذلك ال CVT بتاع النيسان المورانو بيكون نوع Torroidal من غير سير و عزمه برضه حلو

اخيرا و بغض النظر عن كل الكلام ده اهم حاجه انك تكون حابب عربيتك و مبسوط بيها ومش مهم هى رياضيه وللا نص رياضيه و ربنا يبارك لكل الاعضاء فى عربياتهم و يفتكرو ان السرعه حلوه بس اللى احلى ان كلنا نروح لاحبابنا بالسلامه و كمان الناس اللى ماشيا معانا فى الشارع

تقبل تحياتى

الف شكر ياباشا على المعلومات المفيدة والهايلة

المشاركة الأصلية كتبت بواسطة nobody

الأخ zarkoor
كلام حضرتك مضبوط

بس فيه ملاحظة
مرسيدس مفيش غير نوعين بس اللي فيهم CVT
A-Class
B-Class
و توضيح
ميتسوبيشي لانسر 1.6 بتطلع أعلى عزم 15.6 قوة كجم-متر@4500 دورة في الدقيقة
وأقصى قدرة 122 قدرة حصانية @6000 دورة في الدقيقة

ميتسوبيشي لانسر 1.3 أعلى عزم 11.6 قوة كجم-متر@4500 دورة في الدقيقة
أقصى قدرة 90 قدرة حصانية @6000 دورة في الدقيقة
الكلام ده من الكاتالوج

حضرتك كلامك مظبوط ... انا معلوماتى اخدتها من ال revew ده

http://www.theautochannel.com/news/2...07/145088.html

اللى بيتكلم عن الفتيس ال 7G-Tronic transmission

المقال بيقول

It's almost like a CVT

فا انا ما خدتش بالى من حكاية ال It's almost like

المشاركة الأصلية كتبت بواسطة zarkoor

اولا ارجو من حضرتك ان تقبل احترامى لشخصك الكريم

حضرتك دايما لما بنتكلم على اداء اى عربيه بنتكلم عن اداء الموتور و الفتيس مع بعض . حضرتك لازم تعرف ان الموتور بيولد عزم دوران و هو ده المهم علشان العربيه تزيد سرعتها ... كل ما كان اقصى عزم عند لفات موتور اقل كل ما كان التسارع احسن

اما الهورس بور فا ده معناه قد ايه اقدر اخد سرعة على نفس غيار الفتيس ... بمعنى اخر لو تخيلنا موتورين لهم نفس العزم بس واحد منهم له هورس بور اعلى فا ده معناه ان العربيه الاقل حتحتاج تدى نقلة فتيس بدرى لانها وصلت للحد الاقصى للفات

حضرتك بص على الرسم ده بيوضح العزم و الهورس بور.



ده موتور ميتسوبيشى بيولد اقصى عزم عند 2000 لفه و منحنى العزم تقريبا بيفضل ثابت بين 300 و 275 نيوتن متر. و تقدر توصل لالعلى rpm اللى على 6000 rpm

علشان كده حضرتك فى المواتير الصغيره 1300 و 1600 دايما اقصى عزم بتلاقيه عند rpm اعلى علشان كده تلاقى نسب سرعات الفتيس قريبه علشان هو عاوز دايما ياخد عزم الموتور اللى مش بيطلع الا على مثلا 3000 rpm

وطبعا ده معناه ان الموتور ده دايما شغال عند rpm اعلى و هنا تدخل بقى نوعية السبائك اللى متصنع منها الموتور و هل هى عمرها طويل ام قصير.

اما بالنسبه لزوايا الكامات فمعروف ان الكامه الرياضيه زواياها و توقيتلت فتح الصبابات انك تاخد عزم الموتور فى الحته المناسبه لوزن العربيه (التسارع مرتبط بالعزم ووزن العربيه و نسب الفتيس)

وهو ده سبب اختراع ال VVT (variable valve timing ويتم تغيير زوايا الكامات بروفع هيدروليك يتحكم فيها كمبيوتر العربيه علشان يحقق المعادلة الصعبه بين كامه موفره للبنزين و كامه لها اداء رياضى

طبعا مهم جدا حاجه اسمها gear slip factor وده بيظهر فى الفتيس ال CVT و الاوتوماتيك بالنسبه للانواع الرخيصة اللى بتركب فى العربيات الشعبيه . و هو ده السبب انك تلاقى ناس بتشتكى ان السحب وحش علشان ال CVT اللى على سير زى اللى راكب فى اللانسر ال slip فيه عالى فا ما تقدرش تاخد عزم حلو. لكن ال CVT اللى بينزل فى المرسيدس CLK دا بيبقى هيدروليك و ال slip فيه شبه معدوم.
كذلك ال CVT بتاع النيسان المورانو بيكون نوع Torroidal من غير سير و عزمه برضه حلو

اخيرا و بغض النظر عن كل الكلام ده اهم حاجه انك تكون حابب عربيتك و مبسوط بيها ومش مهم هى رياضيه وللا نص رياضيه و ربنا يبارك لكل الاعضاء فى عربياتهم و يفتكرو ان السرعه حلوه بس اللى احلى ان كلنا نروح لاحبابنا بالسلامه و كمان الناس اللى ماشيا معانا فى الشارع

تقبل تحياتى

شكرا على اهتمام حضرتك بالرد و عاوز اقول لحضرتك انى عارف منحنى الهورس باور والعزم كويس بس ما ردتش احطه و اتكلم بشكل علمى قوى عشان بحاول ابسط الموضوع للناس وعلى فكره المنحنى اللى حضرتك حاطه تقريبا العزم شبه ثابت فيه لأنه أكيد فيه خاصيه تغيير توقيت فتح و قفل الصمامات اللى اتعملت مخصوص لهذا الهدف.

تانى حاجه عاوز اقولها انه مما لاشك فيه ان الفتيس و الموتور توليفه مع بعضها ولا يجب ان نهمله و كلام حضرتك مضبوط جدا فى النقطه ده بس بردو حضرتك ما فهمتنيش كويس انا أقصد ايه فى موضوعى؟

ما ينفعش أقارن موتور 2000 سى سى و 1300 سى سى مثلا؟!!

عشان وجهه نظرى توضح يبقى لازم نثبت عده عوامل (يعنى عربيتين زى بعض و فتيسهم زى بعض بالضبط و موتورهم الاتنين نفس السىسى حتى لو الاتنين 3000 سىسى و نفس قيمه العزم و الهورس باور فى الاتنين واحد و الختلاف الوحيد بينهم هيكون ان واحد منهم بيجيب أقصى عزم ليه عند RPM منخفض والتانى عند RPM عالى ولو العربيتين دول شدوا مع بعض تعرف ايه اللى هيحصل؟؟؟؟ الأول هيسبق التانى فى البدايه و هيجمع سرعته بسرعه و بعد مرحله معينه من تجميع السرعه التانى هيجمع اكتر و هيحصله و هيقدر يجيب Top speed أعلى و الاول هيكون خسع بالنسبه للتانى على السرعه العاليه وطبعا مش محتاج أقولك ان تكنولوجيا تغيير توقيت فتح و قفل الصمام مش داخله معانا فى المقارنه لأن ده ليها كلام تانى خالص واحنا زى ما قولت بنثبت كل العوامل عشان تقدر تحس باللى انا أقصده.


فيه تعقيب كمان أحب أقوله لحضرتك و هو ان الفتيس ال CVT لا يحدث فيه Sliping خالص يسبب فقدان عدد معين من اللفات المفروض كانت تروح للعجل والا يبقه بايظ و لازم يتغير ولكن بيحصل Sliping بين البكر و السير للدخل و الخارج فقط لتغيير الأقطار و ده مالوش علاقه بانه يفقد لفات من المحرك المفروض كانت تلروح للعجل و لكن ال CVT طبعا فيه فقد للطاقه و لكن لأسباب تانيه مالهاش علاقه بالSliping خالص وهى باختصار ان معامل الاحتكاك عالى جدا بين السر و البكر (عشان ما يتزحلقش) وكمان السير بيبقه مشدود جدا(عشان ما يتزحلقش) و ده بيسبب تقل فى الحركه و ممكن أضربلك مثال قريب منك(لو جنزير البسكلته مشدود قوى هتلاقى البدال تقيل و كذلك لو غيرت سير الكاسيت بواحد مشدود هتلاقى صوت الشريط بطيىء وده كله بسبب ان الاحتكاك بيبقه عالى و ده اللى حاصل فى الCVT و ده ضرورى عشان السير يقدر ينقل الباور ده كلها من غير ما يتزحلق و طبعا كل ده فواقد فى القدره مش موجوده فى نظام التروس و لكن الCVT بيقدر يحقق نسبه الترس المثالى فى كل الظروف و ده بيغطى العيب اللى قولنا عليه و بتبقه المحصله النهائيه ليه انه أفضل من الأتوماتك العادى فى التسارع.

المشاركة الأصلية كتبت بواسطة mohamedway

شكرا على اهتمام حضرتك بالرد و عاوز اقول لحضرتك انى عارف منحنى الهورس باور والعزم كويس بس ما ردتش احطه و اتكلم بشكل علمى قوى عشان بحاول ابسط الموضوع للناس وعلى فكره المنحنى اللى حضرتك حاطه تقريبا العزم شبه ثابت فيه لأنه أكيد فيه خاصيه تغيير توقيت فتح و قفل الصمامات اللى اتعملت مخصوص لهذا الهدف.

تانى حاجه عاوز اقولها انه مما لاشك فيه ان الفتيس و الموتور توليفه مع بعضها ولا يجب ان نهمله و كلام حضرتك مضبوط جدا فى النقطه ده بس بردو حضرتك ما فهمتنيش كويس انا أقصد ايه فى موضوعى؟

ما ينفعش أقارن موتور 2000 سى سى و 1300 سى سى مثلا؟!!

عشان وجهه نظرى توضح يبقى لازم نثبت عده عوامل (يعنى عربيتين زى بعض و فتيسهم زى بعض بالضبط و موتورهم الاتنين نفس السىسى حتى لو الاتنين 3000 سىسى و نفس قيمه العزم و الهورس باور فى الاتنين واحد و الختلاف الوحيد بينهم هيكون ان واحد منهم بيجيب أقصى عزم ليه عند RPM منخفض والتانى عند RPM عالى ولو العربيتين دول شدوا مع بعض تعرف ايه اللى هيحصل؟؟؟؟ الأول هيسبق التانى فى البدايه و هيجمع سرعته بسرعه و بعد مرحله معينه من تجميع السرعه التانى هيجمع اكتر و هيحصله و هيقدر يجيب Top speed أعلى و الاول هيكون خسع بالنسبه للتانى على السرعه العاليه وطبعا مش محتاج أقولك ان تكنولوجيا تغيير توقيت فتح و قفل الصمام مش داخله معانا فى المقارنه لأن ده ليها كلام تانى خالص واحنا زى ما قولت بنثبت كل العوامل عشان تقدر تحس باللى انا أقصده.


فيه تعقيب كمان أحب أقوله لحضرتك و هو ان الفتيس ال CVT لا يحدث فيه Sliping خالص يسبب فقدان عدد معين من اللفات المفروض كانت تروح للعجل والا يبقه بايظ و لازم يتغير ولكن بيحصل Sliping بين البكر و السير للدخل و الخارج فقط لتغيير الأقطار و ده مالوش علاقه بانه يفقد لفات من المحرك المفروض كانت تلروح للعجل و لكن ال CVT طبعا فيه فقد للطاقه و لكن لأسباب تانيه مالهاش علاقه بالSliping خالص وهى باختصار ان معامل الاحتكاك عالى جدا بين السر و البكر (عشان ما يتزحلقش) وكمان السير بيبقه مشدود جدا(عشان ما يتزحلقش) و ده بيسبب تقل فى الحركه و ممكن أضربلك مثال قريب منك(لو جنزير البسكلته مشدود قوى هتلاقى البدال تقيل و كذلك لو غيرت سير الكاسيت بواحد مشدود هتلاقى صوت الشريط بطيىء وده كله بسبب ان الاحتكاك بيبقه عالى و ده اللى حاصل فى الCVT و ده ضرورى عشان السير يقدر ينقل الباور ده كلها من غير ما يتزحلق و طبعا كل ده فواقد فى القدره مش موجوده فى نظام التروس و لكن الCVT بيقدر يحقق نسبه الترس المثالى فى كل الظروف و ده بيغطى العيب اللى قولنا عليه و بتبقه المحصله النهائيه ليه انه أفضل من الأتوماتك العادى فى التسارع.

كلام حضرتك كله مظبوط الا فى ما يتعلق بال slip فى ال CVT

حضرتك دى اساسيات هندسيه ... اى نقل حركه بواسطه الاحتكاك لازم يحصل فيها slip

اى دبرياج .. اى سير .. لازم فيه slip

الانواع الرخيصة (اقصد اللى تمنها اقتصادى علشان محدش يزعل) زى كل اللى راكبه فى العربيات الشعبيه اللى بنركبها دى بيكون ال CVT فيها على سيور معدنيه فيها اجزاء مطاطيه و كل الفيتيسات ديه بيركبلها حاجه اسمها torque limiter علشان ما تبوظش بسرعة ... حضرتك جرب تسوق عربيه من العربيات اللى بنركبها و فيها CVT وجربها على مطلع و شوف انك مش حا تاخد منها torque خالص و حا تحس بال slip اللى بقول لحضرتك عليه

عموما حضرتك اكيد معلوماتك احسن مني ... و تقبل احترامي

المشاركة الأصلية كتبت بواسطة zarkoor

كلام حضرتك كله مظبوط الا فى ما يتعلق بال slip فى ال CVT

حضرتك دى اساسيات هندسيه ... اى نقل حركه بواسطه الاحتكاك لازم يحصل فيها slip

اى دبرياج .. اى سير .. لازم فيه slip

الانواع الرخيصة (اقصد اللى تمنها اقتصادى علشان محدش يزعل) زى كل اللى راكبه فى العربيات الشعبيه اللى بنركبها دى بيكون ال CVT فيها على سيور معدنيه فيها اجزاء مطاطيه و كل الفيتيسات ديه بيركبلها حاجه اسمها torque limiter علشان ما تبوظش بسرعة ... حضرتك جرب تسوق عربيه من العربيات اللى بنركبها و فيها CVT وجربها على مطلع و شوف انك مش حا تاخد منها torque خالص و حا تحس بال slip اللى بقول لحضرتك عليه

عموما حضرتك اكيد معلوماتك احسن مني ... و تقبل احترامي

ب سؤال مين أسرع في اللانسر الأوتوماتيك العادي؟ولاcvt?

المشاركة الأصلية كتبت بواسطة bimmeraddict

ب سؤال مين أسرع في اللانسر الأوتوماتيك العادي؟ولاcvt?

حضرتك الشركه اللى باشتغل فيها بتجيب لانسر بس للموظفين .. فا عندنا المانيوال و الاوتوماتيك العادى و ال CVT ...موديلات من اول 2004 لحد 2007 انا سوقتهم كلهم (طبعا كلهم بومه و ما سوقتش ال شارك علشان لسه ما جبنهاش)

الاحلى طبعا فى الشد و التجميع ... المانيوال
الاهدا و الاريح للاعصاب و برضه سريعه و معقوله فى الشد ... الاوتوماتك العادى
ازعجهم و ما بتعجبنيش سواقتها ال CVT ... طلعت مره بيها بورسعيد و حلفت مش حاركبها تانى من دوشتها