الموضوع: رد فعلك ايه تجاه رفع الدعم من علي البنزين ، ياريت كله يشارك برأيه

المشاركة الأصلية كتبت بواسطة bassemali

ولسه ياما هتحدف علينا الثوره .. وماحدش يقولي الثوره مالها .. انا كرهت ام الثوره دي ع اللي عملها .. مؤامره ضيعت البلد ووصلتنا لإنعادام الأمن والإقتصاد وأدينا داخلين على حرب أهليه
الثوره المهببه دي هيا السبب .. الكوره إجوان .. إحنا لعبنا ماتش حلو ف الثوره .. بس ماجبناش جون .. نبقى خسرنا.

انا مش لاقي ارد بيها علي حضرتك علي موضوع نجاح الثوره ده .... بس خلي بالك برضه البلد كانت داخله علي فقر برضه في ايام مبارك .

المشاركة الأصلية كتبت بواسطة rompo10

والله يا جماعه الناس دي ولا بتعرف تفكر في اي حاجه واتفرج بقي عربيات المحافظين وعربيات الوزراء وعربيات الرئاسه كلها بتبدا من 3000 سي سي واحنا اللي هانشيل عشان خاطر البهوات يركبوا وانا بتمني تقوم ثوره تاني نشيل شويه الرعاع دول ونجيب واحد بيفهم ومش قصجي علي حسني ولا شفيق ولا اي حد من النظام السابق البلد مليانه ناس بتفهم ونظيفه ولو علي ال 2 مليون اخوان ياخدوا فوق دماغهم عادي جدا

حسبي الله و نعم الوكيل اهي دي اكتر حاجه معصباني ..... ربنا يجازي كل واحد بقي منهم لله ...... علي فكره لو قامت ثوره تانيه مع ان الاخوان هيبقوا طبعا ضدها و ينزلوا يبلطجوا علي الناس في الشوارع بس العدد فعلا هيكون مهول و اضعاف اضعاف الاعداد القديمه من المتظاهرين

5 لتر بنزين فى اليوم على اى اساس ؟؟؟
مين العبقرى الى عمل الحسبه دى ؟؟؟
ده هيبقى خراب بيوت

المشاركة الأصلية كتبت بواسطة temo85

حكومه بأفكار رجعيه و نسيوا اهم حاجه انها لو كانت دامت للى قبله مكنتش وصلتله ,, خليهم يتمادوا فى الضغط الاقتصادى على الشعب اكتر و اكتر لحد ماينفجر فى وشهم زى اللى قبلهم

المشكله ان فعلا مظنش ان وضع البلد الاقتصادي يقومها تاني بعد ثوره كمان للاسف ده انا لحد دلوقتي شاكك اننا ممكن نقوم من بعد الثوره الاولي في ظل حكمة اللي ماسكين البلد دلوقتي

المشاركة الأصلية كتبت بواسطة dolly13

ياريت الموضوع هايقف على رفع دعم البنزين او السولار وخلاص
لكن حضرتك الغلاء هايزيد فى كافة القطاعات الصناعية ومواد البناء والزراعات
يعنى كل مايتم شرائه سيرتفع سعره بشكل جنونى
اضف على ذلك عدم وجود فرص عمل يعنى الدخل قل والاسعار زادت
دى تتحل ازاى بقى
احنا كدة بنرجع لورا سنين كتير اوى اوى
لكن فيه ناس شايفة ان رفع الدعم عن المحروقات ده اعظم اختراع حصل بعد الثورة واحتمال يتكتب فى كتاب الانجازات
وجهات نظر تجيب الضغط

+1111111111111

هي بس المشكله انا مش عارف المؤيدين عاملين حسابهم هيعيشوا ازاي ؟ يعني لما يتطبق ايه اللي خيحصل عندهم مرتب كافي يعيشهم ؟ ولا عندهم حلول مثلا عربية شغل بتوصلهم و بيقضوا بيها مشاويرهم بره ولا هيلبسوا زينا بس معندهمش مشكله .... الله اعلم

المشاركة الأصلية كتبت بواسطة Sehsss

ما احنا بقالنا 32 سنة بندفع ضرائب على الأجور وعلى السيارات وعلى السلع وعند الترخيص، وتأمين إجباري ............... إلخ (كنا شوفنا حاجة).. حال البلد لن ينصلح إلا إذا انتهى الفساد والسرقة.. تحياتي

صدقت :)

المشاركة الأصلية كتبت بواسطة koshakindnes

يجماعة فلنفرض ان الطريقة دى كويسة وهتساعد على توفير فلوس للحكومة وتخفف شوية العبء من عليها

المشكلة هنا ال 1800 لتر

انا حسبتها لنفسى باخد فى السنة 2400 داخل محافظة السويس بس يعنى فى فرق 600 لتر

مع العلم ان ال 2400 لتر دول من غير سفر برا السويس يعنى كلها مشاوير داخلية

فا تقريبا كدا كدا لازم هشترى الغير مدعم المفروض الكميه تزيد شوية علشان تكفى

مع حضرتك فعلا اننا محتاجين نزود الكم المدعوم شويه بس حضرتك بصيت من وجهت نظر ضيقه بمعني اصح حضرتك بصيت انك هتاخد الدعم .... انما لو بصينا بوجه عام هنلاقي ان في ناس اصلا مش هتاخد دعم و هي دي الفكره ان الدعم لازم يتعاد توزيعه بشكل عادل قبل ما نبص للكميه المدعومه

المشاركة الأصلية كتبت بواسطة 4fun14

انا طالما كنت الوم على نظام مبارك فى موضوع الدعم ده انه الناس اللى معاها عربيات تكروز بيها تاخد 70% من الدعم من فلوس الدولة والغلابه ملهمش حاجه
اعتقد النظام الجديد بالكروت فكره جيده جدا وان كنت افضل يكون دعم نقدى توفيرا لتمن الكروت والماكينه اللى هتقرا الكروت وتوفيرا للوقت فى المحطه

رأي حضرتك يحترم بس معلش كلام حضرتك غلط .... هو مين بيكروز دلوقتي في الظروف المهببه دي ده حتي و البنزين مدعوم الناس مش لاقيه تاكل والله العربيه مركونه اهو بقالها بتاع اسبوع علشان الحاله الماديه !!!!! كروزته ايه بس و اللي معاه فلوس يعني هينزل يكروز في الزحمه و القرف و شدة الاعصاب و لا بليل يتثبت في اي شارع :) عموما فرضا كلام حضرتك صح دول مش 70٪ بالعكس اكتر تلت ارباع الدعم بيروح علي بنزين ٩٠ و ٨٠ حضرتك الحكومه بتدعم الناس ب 5.2 مليون طن سنويا، منهم نصفه تقريبا بنزين 80 بيدعم 2.7 مليون طن و بنزين 90 مليون طن يعني بالارقام ٧١٪ بيروح للغلابه دول مبيكروزوش خالص علي ما اظن يتبقالك ٢٩٪ دول كان منهم بنزين ٩٥ بكميه ٤٠٠ الف طن اترفع من عليه الدعم نهائي يتبقالك بنزين ٩٢ بكميه ١.٥ مليون طن يعني ٢٨٪ من الدعم تمام كده من ال ٢٨٪ دول كام في الميه بيضيعوا الدعم في الكروزه بقي ؟

المشاركة الأصلية كتبت بواسطة nashaat rady

هو ده اللي حايحصل بالظبط، فوضي ما بعدها فوضي، وخد عندك الآتي....

١- أماكن توزيع الكروت حايبقي فيها تلاعب.
٢- طبعا في بشر حاتضرب رخص عشان تاخد كروت، مع العلم ان الكارت لا يحمل صفة السيارة.
٣- شوية و مش حاتلاقي كروت و تلاقيها بتتباع سوق سودة، كعادة أي شئ في هذا البلد العظيم.
٤- غياب رقابي كامل عن التوزيع و التنفيذ.
٥- تلاعب من محطات التمويل في خصم الرصيد.
٦- استعباط أصحاب المكروباص و شركات النقل و اوتوبيسات المدارس و فرصة، يلا بينا نغلي.
٧- ارتفاع اسعار جميع السلع.

و طبعا التوقع حاجة و الواقع المرير اللي حانشوفه حجة تانية خالص.

لو حد قالي ايه يا عم التشائم ده، أقوله، و ماذا تري يدعو الي التفاؤل؟؟.
و طبعا برده انتم عارفين كويس الجهاز الرقابي المصري الجبار اللي لو فيل معدي من قصاده، حايقول ما خدتش بالي، ماشفتوش، اثبت ان في فيل عدي من شوية.

تحياتي لكم و لصاحب الموضوع.

استرها علينا يا رب و ارحمنا من الأفكار الجبارة ده.

للاسف ده اللي هيحصل ده ان مكانش اسوأ كمان .. ربنا يستر