الموضوع: رد فعلك ايه تجاه رفع الدعم من علي البنزين ، ياريت كله يشارك برأيه

المشاركة الأصلية كتبت بواسطة modo88

والله ياجماعه موضوع رفع الدعم دا مصيبه بكل المقاييس
ناس كتير بتتشغل مندوب وكل شغله بالعربية غير اللي جايب عربيه وشغال عليها بيطلع مشاوير وبيوصل مدارس وهكذا
غير الزحمة اللي موجوده في الشوارع اللي بتنسف البنزين
وطبعا موضوع نقل البضايع كله بالعربيات النقل اللي كل شغلها بالسولار فاطبيعي اسعار النقل هاتزيد اضعاف اضعاف ولازم احنا اللي هنتحمل الزياده دي علي اساس اننا متحملين يعني دلوقتي !
ما بدل مايلغوا الدعم يتقوا ربنا ويوزعوا صح يعني التوكتوك من يوم مانزل مصر وحصل ازمه في البنزين وازمه ف الاخلاق وازمه في الشوارع مايمنعوا التوكتوك خالص او يقللوا منه وبردو المتوسيكلات الصيني بقت لعبه في ايد كل طفل دلوقتي غير التروسيكلات والسزوكي الفان كل دا من يوم ما ظهر وحصلت ازمه فعلا ف البنزين طيب ماتقفوا ضد انتشار الحاجات دي اللي بتشرب البنزين كله بدل ماتغلوا الدعم !
ولو بيتحججوا بصندوق النقد يعملوا شوارع نضيفه مابتقفش ومش مكسرة ويوفروا مواصلات أدميه وبكتره لانهم نسيوا ان الناس هاتلجأ ليها بعد مايركنوا عربياتهم ...ال يعني الموصلات ناقصه زحمه اوي.
عموما انا توقعاتي ان لو مظبطوش الدنيا في الحوار دا البلد هايحصل فيها انتفاضه كبيرة واقرب مثل اللي حصل ف الاردن في الفتره اللي فاتت .

اهو ده اللي انا بهري فيه من صباحية ربنا دوروا علي حلوووووول بديله و وصلوا الدعم للي محتاجينه فعلا بلاش بقي نفس الطريقه القديمه سوء التوزيع حتي و انتوا مزنوقين بتوزعوا الدعم غلط ... رساله للحكومه استخدموا عقلكم هداكم الله

المشاركة الأصلية كتبت بواسطة rompo10

بوظتها يابديع انت والشاطر ولبستوها في مرسي

اه والله ، اه والله ، اه والله

المشاركة الأصلية كتبت بواسطة k.lotfy

قرار زى الزفت عليهم وعلى دماغهم ... انا دلوقتى واحد بسافر كل يوم شغلى فى العاشر من رمضان بعمل حوالى 140 كم فى اليوم بمتوسط استهلاك بالميت 11 لتر يبقى اعمل ايه بقى ان شاء الله اسرق يعنى !!! انا والآف غيرى واللى بيروح بدر واللى بيروح اكتوبر نتصرف ازاى بقى؟

:) نص الشعب عنده نفس ظروفك

المشاركة الأصلية كتبت بواسطة michohat

تيجو نقضيها موتوسيكلات؟
وتكون لمشاوير الشغل
والخروجات العائلية بالعربية
بجد مش بهزر انا من ساعه ما بعت العربية وبدور ع غيرها وانا ف دماغي فكرة الموتسيكل

لا لان للاسف مش امان علي الاطلاق الموتوسيكلات في بلدنا و مع تصرفاتنا الزفت في الشارع ... لو في اي بلد فيها قواعد مرور ممكن انما عندنا كده بتخاطر بحياتك في الشارع ، انا كنت والله بفكر لو عرفت اعصر نفسي و اجيب اي عربيه صغيره موتورها صغير حاجه كده زي الماروتي مثلا او اي حاجه من النوع ده استعمال و تبقي للمشاوير الفرداني بس برضه مش حل مثالي ده غير انها عايزه فلوس برضه علشان اجيبها و ده مش متوفر دلوقتي

سؤال مهم قوي بقي

هو مش المسئولين و الريس و غيره من اللي ماسكين البلد المفروض قدوه ؟ يعني المفروض هما اكتر ناس عارفين الفلوس اللي محتاجين نوفرها مش كده ؟ ده حتي بالاماره اهم بيعصرونا لحد ما هنفطس اهو .... يبقي قبل ما تفحتونا كده نشوفكم قبلنا عايز اعرف مصاريفكم وفرتوا فيها ايه مرتباتكم اقتطعتوا منها قد ايه لصالح الاقتصاد و المحتاجين ولا اييييه ؟!!!!!!!!!!!!!!!!!!!!!!!!!!!!!!!!!!!!!!!

المشاركة الأصلية كتبت بواسطة احمد نظمي

خلاص انا عندي حل زي الفل انا هشتري عربية سيات 133 واركنها تحت البيت وبكدا يبقا معايا 3600 لتر في ظرف سنة تجيب حقها مش الاخوان عاملين اقتصاديين وبيفهمو احنا اقتصاديين اكثر منهم

هاهاهاهاهاهاهاهاهاهاهاها والله العظيم انت برنس XD ... بس ايه يعني لو انت مدعوم يبقي معاك ١٠ لتر في اليوم لو مش مدعوم هتبقي كأنك واخد دعم ب ٥ لتر يوميا ..... زود علي كده ضريبة رفاهيه ان معاك عربيتين ...... و مش معقوله الواحد يجيبله عربيتين مثلا او تلاته علشان يفضل مدعوم