الموضوع: هزه شديدة في التريوس

المشاركة الأصلية كتبت بواسطة emamaveo

فيه عضو قال ان مشكله المساعدين الخلفي للتريوس متكرره .... فعلا الكلام ده صحيح ... انا بعداستعمال العربيه من الزيرو لمده سنه وجدت العربيه عامله ذي المرجيحه من ورا... بالفعل فكيت المساعدين الخلفي للسياره وجدت تعريق زيت خفيف و كمان لقيت المساعد خفيف جدا.. من وجهه نظري ده مينفعش مع ارتفاع العربيه... وكمان بيضيع اتزان العربيه في السرعات العاليه وفي الدوران..

طبعا انا ضد فكره تركيب مساعدين بنفس مواصفات اللي فيها تاني..يعني ميفعشي اركب نفس المساعدين من التوكيل تمنها غالي و بعد فتره الاقي نفس العيب تاني.

المهم بالبحث في محلات قطع الغيار لم اجد مساعدين للتريوس غير الاصلي و لم اجد مساعدين غاز مناسبه.

اخدت مساعد من اللي فكتهم ودورت عند بتوع قطع الغيار الاستعمال و بالاخص عند بتوع التويوتا.

بالفعل وجدت مساعدين نفس الطول المساعدين بنفس نوع المصنعkyb لكن اقوي بكتير من الاصلي بتاع العربيه

توكل علي الله و ركبتهم و بالفعل حسيت ان العربيه الاول مكنشي فيها مساعدين خالص كنت بحس انها شغاله علي اليايات فقط بس .

بعد التجربه الحمد لله الاتزان ذاد في السرعه العاليه بس العربيه بقت ناشفه شويه من ورا ده طبعا في النقر و المطبات

طبعا انا بحييك على جرأتك فى تغيير المساعدين لغير الاصلى
وعلى فكره انا اللى كنت بتكلم على موضوع المساعدين الخلفى واطلب من حضرتك جبت المساعدين منين وبكام ورقم المساعد او المساعد اللى انتا ركبته كان راكب فى عربية ايه
ولك جزيل الشكر لانى بصراحة انا عايز اعمل كده لانى اتلسعت فى المساعدين الخلفى دول مرتين

المشاركة الأصلية كتبت بواسطة هانى سمير

اخى العزيز
لقد مر على تجربة تغيير المساعد وتبديلة باقوى
وقد تحقق بناء على ذلك قوة التماسك وزيادة الثبات والشعور بالقوة
ولكن بعد مدة طويلة كانت المفاجئة
تأثير كامل على العفشة تخلخل بمحاور العفشة وشروخات غير ملحوظة إلا على عين الخبير
وتعلمت ان مهما كان حساباتنا فأن اختيار المساعد الافضل له معايير صعبة الادراك
وتعلمت الرجوع الى المساعد الاصل لأنه هو الانسب من حيث الوزن ودرجة الانقباض ومواد الصناعه وغيرها من المكونات انها تكنولوجيا لا نفقها وليست ذات اهمية لنا ولكن بعد مدة سوف تعانى من انهيار ما فى اجزاء اخرى تحاول ان تصمد لو كنت معتقد ان المساعد هذا اقوى من المساعد الاصلى ولك ان تسأل متخصصى المساعدين وليس البائع او العفشجى
ولك كل تمنياتى بالتوفيق وقد يحالفك توفيق الله ولا تعانى من خطأ ما

ممكن بعد اذنك تنقل تجربه تغير المساعدين اللي غيرنها انواعها كانت ايه .... وايه المشاكل اللي واجهتها بعد كده من التغيير ... لكي تعم الفائده علي الاعضاء.