مجلس الشورى يحترق!!

**شاهين - بنز** · 20-08-2008 01:08 PM

أكتر حاجة دحكتني أما قالوا إن سبب الحريق ماس كهربائي

**Ibtal** · 20-08-2008 01:18 PM

المشاركة الأصلية كتبت بواسطة OlaOsman

قال شهود ومسؤول بالشرطة ان حريقا اندلع في مبنى مجلس الشورى يوم الثلاثاء.وامكن مشاهدة السنة اللهب وسحب الدخان ترتفع من المبنى الواقع في وسط القاهرة.
وقال مسؤول بالشرطة انه لم ترد تقارير فورية عن خسائر بشرية.
وكان الدخان قد غطى سماء منطقة ( وسط البلد ) بالقاهرة بسبب الحريق الذي نشب في مبنى مجلس الشورى.
ووردت أنباء غير مؤكدة بأن الحريق شب في مبنى مجلس الشورى في الوقت الذي كانت تدور به جلسات لمجلس الشعب المصري.
و لم يعرف حتى الآن السبب وراء الحريق.
و ذكرت قناة الجزيرة أن النيران قد التهمت الدور الأخير من مبنى المجلس.

The council is in summer vacation, no meetings

**Ibtal** · 20-08-2008 01:25 PM

المشاركة الأصلية كتبت بواسطة Mohamed_SlvrLan99

بالعكس دى حركة ذكية, هيجيب منين كميات المية دى و من مصدر قريب و بسهولة الملى غير من النيل.

In US and Europe they use helicopters to put out fires because this way they can reach locations difficult for firemen to reach.

**MoToRiZeR** · 20-08-2008 01:27 PM

المشاركة الأصلية كتبت بواسطة sab3aawy

المسلى فى الموضوع هو رد فعل الشعب المصرى على احتراق هذا المبنى الاستراتيجى

بيفكرنى بمنصور، الشخصية التى جسدها المرحوم الفنان يونس شلبى فى مسرحة مدرسة المشاغبين حين كان يهتف بمنتهى السعادة:

"أبويا اتحرق...................أبويا اتحرق"

معاك حق يا استاذ خالد بس انا عمري ما حسيت ببلاهة هذا الشعب زي إمبارح و انا بتابع الحريق في التليفزيون .. الحريقة مولعة وراهم و تاريخ بيتحرق و بلد بتولع و كل واحد واقف بيزاحم ادام كاميرا التليفزيون بيضحك بمنتهي البلاهة عشان يطلع في الكادر .. و في العاشرة مساء واحد عمال يتكلم عالحريق و ناس واقفة وراه عمالة تعمل بايديها "باي باي" للكاميرا و تضحك "ضحكة بلهاء" و واحد عمال يبص للكاميرا و يقول "يا صبحي .. يا صبحااااااااي" هيستفيد ايه اما صبحي يشوفه يعني في التليفزيون !!! مفيش أي إحساس بأي أزمة مع إننا معكوكين فيهم كلهم .. و الضحكة البلهاء دي انا بقيت أشوفها في كل الوجوه في معظم الأزمات و بيبقي نفسي أصبح صاحبها بقلمين علي وشه كدة عشان يفوق شوية .

كان فيه موظف في المجلس يا عيني لسة بايع شقته و راح لقي بنك مصر اللي في المجلس قفل فا ساب الفلوس في مكتبه عشان يحطها في البنك تاني يوم بدل ما يروح بيها في المواصلات .. و النار كلتها طبعا .. مين كان يتوقع اللي حصل ده .. عوضه علي الله

**OlaOsman** · 20-08-2008 01:45 PM

المشاركة الأصلية كتبت بواسطة MoToRiZeR

كان فيه موظف في المجلس يا عيني لسة بايع شقته و راح لقي بنك مصر اللي في المجلس قفل فا ساب الفلوس في مكتبه عشان يحطها في البنك تاني يوم بدل ما يروح بيها في المواصلات .. و النار كلتها طبعا .. مين كان يتوقع اللي حصل ده .. عوضه علي الله

طبعا عوضنا كلنا على الله.. بس ذنبه في رقبة المتسببين في الحريق بإهمالهم.

**AHMEDCAR** · 20-08-2008 01:49 PM

ربنا يتولى الموظف ده برحمته ماتيجوا نجمعله فلوس عامل زى اللى حصل بس مع الفارق طبعا الرخصه مسحوبه شهر و لما جبت الواسطه و رايح اجيبها هوب المرور ولع الراجل قالى انت فقر بجد

**MOHAMED ABD EL SHAFY** · 20-08-2008 02:06 PM

الموضوع دا اكيد بفعل فاعل
الماس الكهربائى بيبدأ من نقطة ويلزم اكتر من ساعة عشان ينتشر بالشكل الفظيع دا بدون اى تدخل من احد. فدا تم بفعل فاعل حط بنزين ومواد مشتلعة بطول مينى 70 متر وبدأ بتنفيذ الموضوع بعد خروج الموظفين
الموضوع دا لماذا تم فى هذا الجزء من المبنى ؟
دا منتهى الذكاء لان باقى المبنى ما هوا الا قاعات اجتماعات فاهم جزء فيه هوا اللى اتحرق
دا عشان الجزء دا بتاع مكاتب لجان القوانين والتى من اختصاصتها اعداد مشاريع القوانين الجديدة والتعديلات فى القوانين الحالية والتعديلات الدستورية والتى قد تستغرق فى قانون بسيط عام وفى قوانين كبيرة قد تستغرق 3 او 4 سنوات من اعداد لبحث لدراسة لمراجعة مدى قانونيتها ومراجعة دستوريتها ودراسة الثار السلبية والاستعانة بهيئات ومراكز بحثية ومركز اتخاذ القرار والجهاز المركزى للمحاسبات يعنى هيصة كبيرة (المطبخ) وفى الاخر يتم عرضة على مجلس الشعب فيقوم بدورة فى التصويت والتعديل وترجع مرة اخرى للجان لتعديل ثم العرض على مجلس الشعب للتصويت النهائى. (د مفيد شهاب مسؤل عن المراجعات الدستورية)
الغريب فى الموضوع ان تصريحات نقيب الصحفيين امس انه لاتوجد نسخ احتياطية من تلك المشاريع وانه وجد بصعوبة بالغة مشروع دستور 1951 فى مخازن المجلس (فقط ولا توجد فى اى مكان اخر)
وتصريح د سرور ان هناك صور من القوانين (التى عرضت فقط على مجلس الشعب)
يعنى بهذا الحريق ضاعت قوانين وتعديلات قوانين وتعديلات دستورية كانت فى طريقها للخروج الى مجلس الشعب بعد انتهاء العطلة البرلمانية ويلزم لها من 3 الى 4 سنوات لاعدادها مرة اخرى
وطبعا القوانين دى كانت هتمس بعض حيتان البلد فمن مصلحتهم تعطيلها وايقاف تلك القوانين
والغريب ان الناس شاهدوا احمد عز بيجرى لجوا المجلس زى المجنون (ياترى خاف على ايه جوا وبيجرى عليه) اكيد مش فلوس شايلها جوة طبعا اكيد اوراق مهمة وممكن تكون مشاريع قوانين جديدة.
وما يدور خلف الكواليس اكبر واضخم مما يعرض علينا على خشبة المسرح.

**د.أحمد سمير** · 20-08-2008 02:19 PM

فيه واحد كدة المفروض إنه مسئول .. ظهر على قناة النيل للأخبار وأدلى بتصريح مطمئن جداً للناس
قال : لا خوف على المستندات والوثائق الموجودة في المجلس .. لأن هناك نسخ احتياطية .. فكل المستندات الحكومة حطيتها على
الميكروويف

آه والله العظيم ..
خلاص اطمنوا .. كل حاجة في الميكروويف ..
كله لازم يستوي ويبقى well done
بداية من المبنى وحتى آخر ورقة .

لك الله يا مصر .. فقد عدمتي الرجال