الموضوع: عزل خراطيم ومواسير التكييف

المشاركة الأصلية كتبت بواسطة besso

لا طبعا المفروض انه داخل بارد وبيفق البروده وبيكتسب حراره الصالون

زى التلاجه الفريون اللى خارج من الفريزر يبقى بارد؟؟ لا طبعا اومال هو عمل ايه جوه

زى بالظبط كده دوره التبريد فى الماتور المايه خارجه من الماتور سخنه وداخله بارده

ممكن يكون بالنسبه لينا كبشر انه بارد هو اكيد مش بيبقى خارج مولع نار يعنى

ممكن تجيبلي مصدر موثوق ياكد كلامك:-)
تحياتي

Sent from my tab using Forum Runner

المشاركة الأصلية كتبت بواسطة besso

انا لقيت الفيديو ده على اليوتيوب

Automotive AC - YouTube

انا فهمت الحكايه زى ما استاذ dr.hazem قال بس هو كلامه مش دقيق اوى فاسمحولى اقول اللى فهمته

الفريون بيخرج من الضاغط فى صوره غاز ذو ضغط عالى ويمر على المكثف اللى بيعمل على طرد الحرار منه وتحويله الى سائل ذو ضغط عالى وبعدين يمر على المجفف وبعدين يخرج على الاكسبنشن اللى بيتحكم فى كميه السائل اللى داخل الى المبخر واللى بيكون فى الحاله الغازيه وردجه حراره بتقل يعنى بارد بس علشان مافيش مسافه بين الاكسبنشن والمبخر فالناس بتقول انه داخل سخن علشان احنا شم شايفين الخط البارد بعد كده بيفقد الفريون جزء من البروده وكتسب بعض الحراره لكن مش لدرجه انه يخرج مولع نار
وهنا بقى التصحيح لكلام الاخdr.hazem انه فعلا بيخرج بارد بس مش بنفس البروده اللى كان داخل بيها على المبخر

بالنسبه لينا هو بارد لكن بالنسبه للضاغط هو يعتبر خارج من المبخر سخن بعد كده تبدأ الدوره من جديد

انا راى بقى ان الناس اللى عزلت عزلت الخط اللى خارج اللى هو بارد بالنسبه لينا واللى فى حاله غاز فكل لما حافظت على بردوه الغاز يبقى ده تقليل من فرصه لتحوله الى سائل ده يزود من كفاءه الضاغط فى انه يضغط كميه غاز اعلى لان السوائل لا تنضغط وده يؤدى الى زياده كميه الغاز المار فى المكثف يعنى كميه السائل الخارج اكتر يعى فى الاخر كميه السائل اللى داخل المبرخ اكبر يعنى بروده اعلى

النقطه الجداليه بقى اللى الناس مختلفه عليها هى الفريون داخل سخن ولا بارد
الكلام بدقه هو ان الفريون داخل سخن على الاكسبنشن وخارج منه على المبخر بارد

بس الناس مش بتشوف غير الخط السخن على الاكسبنشن لازق فى المبخر

بالنسبه للناس اللى عزلت وماعملش نتيجه هى عزلت الخط الخاطىء يعنى عزلت الخط اللى داخل على المبخر لا يبقى العزل للخط الخارج للسبب اللى انا وضحته فوق

يارب يكون كلامى صح

اسمحلي اصحح لحضرتك كمان مره
الغاز عند ضغطه يتحول لسائل....
زي ولاعة السجاير بالظبط جواها غاز مضغوط فيبان سايل..
الكباس بيكبس الفريون ويحوله لسائل بضغط عالي جدا وحرارته عاليه بيخرج يروح للسربنتينه لتخفيف حرارته جزئيا ويخش بعدها وهو لازال ساخن وفي حالة سائل يروح عالفلتر لتصفيه اي شوائب عالقه او فقاعات هوا ويروح للاكسبنشن فالف وهو صمام ضيق جدا بيسمح بمرور جزء بسيط من الفريون بفرق ضغط يرجع الفريون من سائل لغاز وهنا بقا التحول الحراري من حار لبارد جدا (بنفس فكرة البخاخه اللي بتعيد تعبئه الولاعات لما بتبخ منها بتجمد لفرق الضغط بين السائل والغاز) وهنا يمشي في التلاجه الداخليه الي عليها المروحه ويفقد جزء من برودته ويبقى بارد نسبيا ليخرج ويعود الى الكباس في الحاله الغازيه ليتم كبسه وتحويله لسائل مره اخرى واعادة الدورة.....
وبالتالي في الحوض مفيش غير ماسوره واحدة ساقعه هي الخارجه من جوه وداخله للكباس والتي يهيا للجميع انها خارجه من الكباس لكن في الواقع هي داخله عليه....
فاللي بيقول نعزل هو بيعزل ماسورة خلصت مهمتها اساسا....
وهنا نقطة الخلاف واللي عملت عليها تجربتي النهاردة:-)

معنديش اي معلومه هل الكباس بيحتاج ان الغاز يفضل بارد عشان يخف الحمل عليه ولا لا بس اللي متاكد منه انه لازم يخش الفريون على شكل غاز وممنوع يخش سائل والا الكباس هيضرب لان السائل اساسا غير قابل للانضغاط....
تحياتي

Sent from my tab using Forum Runner

انا اسف كلامك الصح
الغاز بيطلع من الكباس غاز بضغط عالي وبيتحول لسائل في السربنتينه الاماميه ويمر عالمجفف يشيل منه اي غاز ويسيب السائل
اللي بدوره بيخش عالاكسبانشن ويرجع غاز تاني...
http://www.discountcarcarekaty.com/w...ir-Diagram.jpg
الفكره انه هيخرج بارد وطبق باقي الكلام عادي:-) :-) :-)

تحياتي واسف عاللخبطه

Sent from my tab using Forum Runner