الموضوع: عزل خراطيم ومواسير التكييف

المشاركة الأصلية كتبت بواسطة r_gamal1

الله ينور على الموضوع الجامد دة
انا عربيتى رينو كليو 1200 وطبعا معروف الرينو تكيفها مش او + انها 1200 فا اكيد الموضوع دة هيفرق معايا
بس للتاكيد انا انا هعزل الماسورة اللى بتكون متلجه ومتكثف عليها ميه ؟ صح كدة ؟
واول الماسورة فيها الاكسبنشن لازم يتعزل ولا لأ؟

ايوه هي الماسورة دي

النهارده انا نزلت دورت على خراطيم العزل دي عند بتوع الثلاجات في المنطقة محدش منهم عنده وقالوا لي انها في شارع كلود بيك في رمسيس. ركبت المترو ونزلت رمسيس ودخلت شارع كلود بيك ، هناك محلات كتير بتبيع حاجات الثلاجات والغسالات ، سألت في محل لقيت الخرطوم موجود بييبقى قطعة طولها 2 متر بـ 6 جنيه جبتها واشتريت بـ 5 جنيه قفزان بلاستيك ورجعت على البيت وفتحت كبوت العربية وبدأت الشغل

1- قطعت قطعة من خرطوم العزل على قد الجزء المراد عزله من خرطوم التكييف وشقيتها بالطول وغطيت بيها خرطوم الفريون.
2- لفيت عليها القفزان البللاستيك بحيث تبقى محكمة.
3- شغلت التكييف مع العلم ان العربية كانت مركونة في الشمس والساعة كانت تقريبا 3 العصر.

المشاهدة :
1- الهواء الساقع خرج من الهوايات بعد حوالي 30 ثانية فقط من تشغيل التكييف علما بأنه كان بياخد حوالي من 2-3 دقيقة قبل كده
2- العربية سقعت من الداخل في وقت اقل من الاول والهواء كان شديد البرودة قدام الهوايات.
3- اتحركت بالعربية والملاحظ ان الحمل كان خفيف على الكومبريسور وكنت حاسس بكده من سحب العربية (النقطة دي محتاج اجربها تاني علشان اتأكد لأن ممكن الاحساس ده يكون نفسي).

النتيجة :
العزل فرق معايا جدا لأن خرطوم الفريون البارد كان مواجه لمروحة الردياتير ودي كانت مطلعة صهد في مواجهة الخرطوم.

قولنا بالظبط بقى عزلت انهى ماسوره
اللى داخله على التلاجه ولا اللى خارجه منها

عزلت الماسورة الباردة اللي خارجة من التلاجة

قشطه كده تمام يبقى انا استنتاجى كان صح

انا خساره فى البلد دى هههههههههههههههههه

المشاركة الأصلية كتبت بواسطة mido01050

اسم الخراطيم ايه عشان اسأل عليها في كلود بيه و قطرها اد ايه

اسمها خراطيم عزل مواسير فريون الخرطوم بيبقى قطعة واحدة طولها مترين ، هتجيب اكبر قطر موجود