الموضوع: عزل خراطيم ومواسير التكييف

المشاركة الأصلية كتبت بواسطة casper11eg

يفضل نكمل الموضوع هنا عشان نقفلو بالمعلومه بس من فضلك تحدد جربت زى ما انتا قولت على السلانسيه ولا على ظرووف التشغيل العاديه ااقصد وانتا بتعمل مشوار ... وفى نقطه لو هتقيس على السلانسيه ممكن اجرب على السلانسيه والعربيه واقفه طول الوقت فى شمش شديده حتى فى بعض الاماكن يقللك درجه الحراره 45 فى الظل وده متهيالى تدى نتيجه .... ولا انتا جربتها سلانسيه والعربيه فى الظل وده اكيد هتدى نتيجه

طيب
انا جربت عالصلانصيه
جربت قبل العزل ١٠ دقائق وبعد العزل ١٠ دقائق برضو

حطيت حساس الحراره فنفس المكان ونفس الظروف قدر الامكان
العربيه كانت مركونه في الشمس واشتغلت في الشمس وكل التجارب فنفس المكان
التجربه لاعزل واعادة التجربه اخدت ساعه تقريبا


شويه وارفع الصور عشان اشرح وتكمل الصوره باذن الله


في ملاحظات بسيطه

ممكن حد يقول ان الظروف مختلفه
وان قبل العزل الحراره الخارجيه اخف هرد وتقول يعوضها ان السربنتينه في التجربه بالعزل مش هتكون سخنت جامد فدي بدي....

طبعا وانا بعزل لبست قفازات قماشيه لان فرن الشكمان كان مولع جدا وحوض عربيتي ضيق جدا....

في جزء من الماسوره صغير جدا بعيد عن مصادر الحراره وكان صعب جدا اوصله وكله هتشوفوه بالصور ان شاء الله

لحد ما ارفع الصور مستني تعليقاتكم وتوقعاتكم وملاحظاتكم.....
تحياتي

Sent from my tab using Forum Runner

يا بشمهندس عصام بالراحه علينا...
الفريون بيخش سخن عالاكسبانشن فالف اللي قبل التلاجه الداخليه يقوم برد جدا ويعدي جوه ويخرج في الماسوره الساقعه....
هجيبلك دياجرامات تشرح دورة الفريون....
بالنبه للي انا جربته فانا مجرب العزل صح الصح
في فورد اكسبلورر والماروتي واكسينت وكامري
الاكسنت والفورد والماروتي كل مواسيرهم جنب الفرن وجنب المكنه
تم التجربه وطبعا حكمت عليه بعد وقت طول لاني مفكتش العزل اساسا


عموما هرجع اقول النهارده ان شاء الله هجرب بالارقام....
بالمناسبه
عايز تحكم عالمكيف متحكمش بعد مشوار طول ووريني عالصانسيه بيعمل ايه:-)
تحياتي




دياجرامات للتوضيح

http://www.jetairac.com/car-air_system2.gif

http://www.discountcarcarekaty.com/w...ir-diagram.jpg

http://www.budget-tires.com/photos/ac_graph.jpg

http://www.lvvservices.com/aircon-diag.gif


في كل الصور المواسير الساقعه خارجه من الصالون وداخله للكباس بينما المواسير بتدخل للاكسبانشن فالف (اللي جوه الكابينه او عالاقل قبل التلاجه) سخنه....


قد يكون العزل بيخفف العبء على الكباس لكنه كلام مرسل منديش ليه اثبات علمي:-)

تحياتي

يا صاحبى كل الديجرامات اللى حضرتك زكرتها بتؤكد كلامى ان البارد بيخش الصالون يمتص الحراره من داخل الصالون ويخرج سخن يطردها بره عن طريق السربنتينه

عشان اقربلك الموضوع امشى مع الأسهم مع مراعاة ( الأحمر ساخن جداٌ , الأصفر اقل حراره , السماوى بارد , الأزرق شديد البروده ) يعنى لاحظ ان فى اختلافات فى درجات الحراره تبع اللون

بالنسبه لكفائة التكييف على السلانسيه فهى مش مقياس لأن والعربيه واقفه السربنتينه مش بتقدر تطرد الحراره بفاعليه