الموضوع: الحمدلله علي كل حال - عملت حادثة بعربيتي

المشاركة الأصلية كتبت بواسطة monamize4

اولا ,, الحمد لله على سلامتك و فداك الف عربية المهم انك بخير
ثانيا ,, عجبنى اوى تفكيرك الموضوعى
حاجة اخيرة ,, مفكرتش ليه تغير حارتك لما لاقيت اللى قدامك فرمل فجاءة ؟ ولا الطريق كان زحمة ؟

الله يسلمك
بالنسبة لتغيير الحارة:
انا كنت خلاص اقصي اليسار ومفيش شمال تاني ، واما لليمين فدة كان شبه مستحيل لأني اصلا كنت ماشي بالورب (جاي من اقصي اليمين لأقصي اليسار) ودة الحمدلله اخف الضررين لأن عندي الرفرف الشمال سليم تماماً مافيهوش خربوش ولا حتي الاشارة اتكسرت او اتخلع من مكانه
الحاجة التانية ان مفاجأتي قللت جدا جدا فرص الاختيار او التفكير لأن المسافة بيني وبين اللي قدامي كانت لا تتعدي ال4 او 5 متر

شكرا جدا علي اهتمامك وسؤالك

تحياتي

المشاركة الأصلية كتبت بواسطة egman

سيد بك حبيب قلبي ، قلبي عندك يا باشا والله ، وقد اية انا حاسس بالموقف الى انت فيه ، بس فى الاخر الحمد لله على كل شيء وسلامتك اهم من اى شيء تانى وفعلا لو كنت شوفت الى حصل عندنا فى شارع التسعين هتحمد ربنا على الى حصل ده اوى اوى اوى اوى اوى اوى اوى ، قدر ولطف يا باشا وفداك اى حاجة وانا اعرف كويس جدا ان صاج الايبيزا بالذات فى الموديلات ده رخيص مش غالى انا اعرف ان الرفرف بيعمل حوالى 100 جنية او اقل بقليل والماسك الامامى ده كاملا اكصدام بكبوت والرفرين والشبكة بالعلامة واعتقد الفوانيس على ما افترك ممكن يدخلوا فى واحد ونص وتبقى مغير كل حاجة قدام والاسعار ده قبل غلو الدولار الفترة الاخيره ، اما باب الشنطة كامل ممكن يدخل فى 400 جنية على اقصي تقدير ، قلبي عندك يا حبيبي والله وان شاء الله كل حاجة ترجع احسن من الاول ، وانا معايا كروت محلات كتير اوى ممكن لو حبيت ابعتهالك وتتصل وتسال هما فى الحرفيين والاربعيين .

أزيك يا حسين باشا
الحمدلله علي كل حال
انا لسة ماستقرتش هعمل ايه لأنشغالي حبتين اليومين دوول
ممكن ان شاء الله يوم المقابلة نتناقش ونشوف هنعمل ايه

تحياتي