الموضوع: السلام عليكم عايز مقارنة بين نيسان صنى 2013 و بيجو 301 ولكم الشكر الجزيل :)

المشاركة الأصلية كتبت بواسطة د.هشام

حقول رايي بكل حيادية، ومن غير أي تحيز
للي بيقارن الصني 2013 سواء بالكوري أو الفرنساوي
الصني تكسب بجدارة
الصني = best value for money
دا رايي المتواضع

طبعاً أنت رأيك يحترم وعلي عيني وراسي,,
بس معلش انا لما قريت إن النيسان صني Best value for money . لاقيت نفسي عامل كدا..

أزاي وعلي أي أساس, الصني Best value for money ؟؟؟
وانت بتتكلم في في عربية متقفلة ف مصر, ,وإحنا عارف صنايعنا الحلوين عاملين إزاي,
ولو كانت تقفيل مصري بس كنا قلنا معلش, هتتقفل وتمشي,, لكن إن تلاقي أهم وأخطر حاجة في العربية اللي هيا الضفيرة صناعة مصرية.!! طبعاً دي غير مقبول وعمرها ما هتبقي زي أختها الياباني.

وطبعاً الموضوع سمع في السوق بسرعه وفي ناس كتير أشتكت منها وأتغيرت في الضمان, ودا دليل علي سوء جودة المنتج المصري, واللي حاجة معروفة وميختلفش عليها أتنين..
ودي أول نقطة سيئة من ناحية الصني..

ثاني نقطة وأنا مش هتكلم عن حاجات كتير لأن اللستة طويلة,

هل الصني فيها باركنج سينسور لعربية موديل 2013 وبالفئة السعرية بتاعتها كعربية بتتكلم في 110 ألف ؟ لا.
ممكن تركب لها ف التوكيل.؟ أه بس هيتحط لها ميتير فوق المراية, وهيبقي بالشكل دا..





بس مش هيبقي زي البيجو دا.






فتيس الصني. أوتوماتيك... ""نازل في موديل بكروم كأ أوبشن, وموديل من غير كروم"".!!!!





فتيس البيجو 301 أتوتوماتيك - تيب ترونيك سيستم بورش, بنظامين أضافين غير الوضع العادي اللي هما Sport Mode& Snow Mode.
وممكن تتحكم في حركة الغيارات براحتك بنقلها علي المانيوال مود.









التصميم الداخلي, والطابلوة اللي هتشوفه كل يوم لما تركب العربية
نيسان صني



بيجو 301







دا غير ان الصني من يوم ما نزلت وأنا حاسس أن تصميمها الخارجي في حاجة غلط ومش منطقي, مش اللي هوا التصميم الايروديناميكي المريح للنظر قبل ما يكون well designed

بس أحنا كلنا أتفقنا إن دي أزواق صح, أوك مفهاش مشكلة دي.

لكن اللي فيه المشكلة لما الناس بتدأت تتكلم عن ثبات العربية السئ بعد ال 120 كيلووهيا لسه عربية جديدة, وإن العربية خفيفة جدا,
وأنا أول حاجة جات ف بالي إن سبب عدم الثبات دا هوا تصميمها الجسم الخارجي السئ..
لأني حاسس من شكل الرفرف الخلفي أنو بيسمح للهوا بانه بينزل تحتيها تاني وحواليا بصورة أكبر من الطبيعي عشان كدا بيبدأ ثباتها يقل.

ناس رجحت إن الكاوتش هوا اللي سئ, لإن السبب غير معروف بأن عربية جديدة زيرو مش ثابتة بعد ال 100 وال 120 وإن تغير الأربع هيحل المشكلة والعربية هتبقي زي الفل,

ومش منطقي طبعاً أنك تكون لسه شاري عربية زيرو ب 110 الف وتروح تغير الاربع فرد بتوعها..!!

روح العربية في ثباتها علي الطريق والأرض, وفي الفرامل والأمان.
وطبعاً كهربتها وميكانيكيتها اللي بتحركها.

إذا كانت العربية من أول ما نزلت وكل الناس تقريباً إشتكت من عدم ثبات العربية.
حاجة تغم النفس طبعاً انك تبقي لسه شاري عربية جديدة وتحس أن العربية بتحدف او تطير منك عال سرعة مش عالية

والفرامل كأمان بدأ الكلام عنها يزيد حالياً, وإن المشكلة أكبر من مشكلة تيل وطنابير.
http://www.nilemotors.net/Nile/361674-4000.html

وأخر حاجة كهربتها اللي في موضوع الضفيرة المصري اللي أتغيرت لناس كتير في الضمان لسوء تصنيعها أو تركيبها.!!


والبيجو قدامها كثبات عال أرض الأوروبي كله معروف بثباته العالي, وكفرامل الفرامل بوش, وكافتيس بوضعيات وتكنولوجيا أعلي من اللي في الصني,
وكعربية متقفلة بالكامل ف أسبانيا وبمواصفات ومعايير أوروبي

يبقي قولي كدا تاني أزاي النيسان صني Best value for money مقارنة بالبيجو.!!