السلام عليكم عايز مقارنة بين نيسان صنى 2013 و بيجو 301 ولكم الشكر الجزيل :)

**youssef_u** · 08-06-2013 11:11 PM

بس يا جماعه في الاصل البيجو اغلى من الصني ب١٨ الف جنيه ، يعني احنا شفنا السوبر صالون غليت عن الex ١٠الاف و كان الفرق يستاهل ( جنوط ، فيميه ، عدادات سبور ، نواكل ، مرايات ضم ...الخ) تفتكر لو هتزود للصني كماليات ب ١٨ الف كمان يبقا هتتفوق عالبيجو

**Ahmed Eraqy** · 09-06-2013 01:06 AM

أنا اتفرجت على الاتنين فى نفس اليوم الصني السوبر صالون و البيجو أول فئة أتوماتيك و بصراحة أنا شايف تابلوه الصني البيج اشيك اكر كروم و مالتي فانكشن و مسند ايد و مريات ضم و ده مش موجود فى البيجو اللى هي اغلى فى السعر !! و كنت مستريح في قاعدتها اكتر بصراحة ده بس كشكل خارجي البيجو تكسب نصيحة روح اتفرج على الاتنين و جرب قاعدتهم

بالرغم من عيوب التقفيل اللى ممكن تظهر في الاول فى الصني بس مع توكيل محترم مش هيبقى فيه مشاكل ان شاء الله

hh · 10-06-2013 06:19 PM

المشاركة الأصلية كتبت بواسطة ahmedabdfat

أنا اتفرجت على الاتنين فى نفس اليوم الصني السوبر صالون و البيجو أول فئة أتوماتيك و بصراحة أنا شايف تابلوه الصني البيج اشيك اكر كروم و مالتي فانكشن و مسند ايد و مريات ضم و ده مش موجود فى البيجو اللى هي اغلى فى السعر !! و كنت مستريح في قاعدتها اكتر بصراحة ده بس كشكل خارجي البيجو تكسب نصيحة روح اتفرج على الاتنين و جرب قاعدتهم

بالرغم من عيوب التقفيل اللى ممكن تظهر في الاول فى الصني بس مع توكيل محترم مش هيبقى فيه مشاكل ان شاء الله

أنا مش عارفة اللي بيقول تابلوه البيجو أشيك و خاماته أحسن شاف العربية في الحقيقة و لا بيحكم بالصور اللي في البروشور؟؟ أصل تابلوه البيجو الفئة الأولانية مش حلو خالص بالعكس ده أكتر حاجة قفلتني من العربية, معرفش بقى الهاي لاين شكل التابلوه بتاعها ايه عالحقيقة. و برضه أنا شايفة تابلوه الصني السوبر صالون شيك جدا و مش حاسة فيه بأي استرخاص.

**Ahmed Amin** · 11-06-2013 05:28 PM

المشاركة الأصلية كتبت بواسطة abdulmoniem

بما إن صور الباركنج سنسور إللي فوق دي بتاعتي أنا وأنا إللي مصورها :d

فأحب أقولك .. إني أكيد ثم أكيد ثم أكيد .. مش هجيب عربية عشان الباركنج في نص التابلوه ولا الكاسيت :d

يعني أكيد أنا لو بفكر كدة أبقى سوري يعني .. تفكيري سطحي جداً

أولاً شكراً علي تحديف الكلام,,
دا بس من زوقك وأدبك.. وملاهاش لازمة كلمة سوري طالما كنت هترمي بالكلام كدا..

وتصدق بالله إني لما شوفت ردك دا, ندمت إني حطيت الصور دي.. ومجبتش صور تانية من عال نت زي دي..

عشان متزعلش وتمسك في الصورة كدا.!

ولو كان في إيدي دلوقتي أمسح الصورة في ردي اللي فات همسحها, عشان محسش بس إني أخدت صورة منك ولا من وراك هيا من تصويرك.!! وأنها مش مجرد مشاركة ونقاش عادي,,

ثانياً خليني أرد علي تجريحك بالكلام,,

أنا لما أشتريت البيجو, كان فيها الباركنج سينسور already زي اللي في الصورة اللي بتاعت البيجو,,
يعني مكنتش جايب العربية عشان الباركينج سينسور فيها بيرسم لي شكل العربية في نص التابلوة والكاسيت وبيقولي أيه اللي ورايا وفين بالظبط زي مانت بتفترض.!!

أنا أشتريت العربية أشترتها عشان هيا أولاً بيجو,,
وعشان هيا عربية أوروبي وفرنساوي.
وعشان الأمان فيها وثباتها ما شاء الله وتقفيلها وراحتها وخاماتها الداخلية..

عندك لحد أنهارده عربيات بيجو 406 أخر التسعينات وأول الالفينات, ولسه باشا في الركوبة وفي السواقة وفي الأمان..
والشعب المصري كله عارف يعني أيه بيجو..

هل فيه أو ممكن تجيب نيسان صني في نفس الفترة دي بنفس كفائة البيجو حالتها ؟؟ لأ..

وأنا مش بعيب في عربيات حد, ربنا يبارك لك كل واحد في عربيتة, أنا بتكلم في واقع..

كفاية أنك ممكن تشوف عربية بيجو 505 أول التمانينات أو 504 موديل 79, لسه شغالة لحد أنهارده وموتورها لسه بكافئتها وبيسحب وبيجري عال سريع وواخدة الطريق الزراعي كله, كل يوم رايح جاي من القاهرة لأسكندرية ومش بتشتكي,, دي الصناعة الفرنسية في المواتير..
واللي يركب ال 504 وهيا عجوزة كدا كا تاكسي جوا البلد أو سفر عال طريق, ويشوف الراحة اللي هيحس بيها علي كنبة وأحساسه بالعفشة, هيعرف يعني أيه بيجو عربية بتعيش العمر ومش بتنشف زي باقي العربيات..

------------------------------------------------------------------------

بيجي بقي لل باركنج سينسور..

الباركنج سينسورز بتاع البيجو كله بيجي معاه سماعات خلفية, غير سماعات العربية, الواحدة 2 سم علي الجنبين الخلفين في الكابينة..

لما بتدي العربية الغيار الخلفي R العربية أول حاجة بتوطي صوت الكاسيت أوتوماتيك,, و شكل العربية بيظهر لك علي شاشة المعلومات, وبتبدأ السماعة تزمر لما تقرب لحاجة وراك...

وفي بلاد بيبقي عندهم شاشة أكبر فيها GPS وبتبقي ملونة زي دي, ونفس النظام بتقولك اللي وراك, واللي وراك يمين,, واللي وراك شمال..

طبعاً السماعة بتدي صوت بتزيد سرعته طول مانت بترجع ولو الحاجة اللي انت هتخبط فيها علي جنب العربية اليمين,, صوت السماعة اليمين ورا اللي ورا ودنك اليمين وناحية الحاجة اللي انت هتخبطها او بتقرب منها أوي بيعلا علي أعلي درجة وبتبقي أسرع عن السماعة التانية, وبتلاقي علي الشاشة التلات خطوط ظاهرين معناها أنك خلاص لزقت فيها أو هتخبطها.

ونفس الحال لو انت راجع بضهرك أو بتحضن وفيه خابور حديد عال الارض ومنتاش شايفة علي جنب العربية الشمال صوت السماعة الشمال هوا اللي هيعلي عن اليمين.. عشان تعرف أنهي جنب فيه الحاجة دي.
That's a Genius Idea & Genius Engineering..

دلوقتي بقي انا مش بقلل من الباركنج سينسور بتاع أي حد, ولا بعايير,
بس بما أنك أتكلمت عن السطحية فخليني أسئلك..

هل الباركنج سينسور اللي انت ركبته دا وبالمبلغ دا فيه الاوبنش دا ؟؟!
هل هتعرف أنهي جنب أنت بقرب منه أكتر لو مش شايف انتي بتحضن علي أيه, وال obstacleاللي وراك دي اللي السنسور بيزمر عشانها وانت راجع وراك علي جنبك اليمين ولا الشمال.. ؟

ولا هتنور لك شوية لمبات وتحمر ومتبقاش عارف أيه اللي وراك,,

ولا فين بالظبط يمينك ولا شمالك,,

هل الناس اللي عملت الفكرة دي ناس سطحيين ؟؟

وهل الناس اللي بيشترو العربية دي عشان فيها الباركنج سينسور دا كا أوبشن,
تفكيرهم سطحي برضه !!!

علي كدا بقي الناس اللي بتشتري عربيات بيجو وستيروين اللي فيهم نفس النظام دا من 2001..
ونفس الحال مع البي أم دبليو والجيتا والباسات والمرسيدس كلهم تفكيره سطحي بقي, وحضرتك بس اللي عملي..!!!

VW ودي الشاشة الملونة اللي مش منتشرة في مصر,
اللي منتشرة LED زي البيجو خطوطها أكتر من التلاتة بتوع البيجو, بيبقو حوالي 4 أو 5 زي اللي في الصورة و Accurate أكتر.

BMW

...

أخر حاجة هقولها بالنسبة للباركنج,,

إن أودي Audiأنهارده بتتكلم عن نظام السيلف باركنج اللي طورته واللي غير الأوتو باركنج, وهوا أنك بتسيب العربية عال باب الجراج لما بتروح مشوراك او الشغل, وهيا بتروح تركن في المكان بتاعك لوحدها..!!
و دا لو Pre-defined, ولو مش محددها لها مكان هيا بتدور علي مكان وبتركن فيه لوحدها..
► Audi's automatic driving for parking - YouTube

وعشان متقوليش أنت جايب لي عربيات غالية, وأحنا بنتكلم علي عربية أقتصادية وسعرها معقول,

هقولك إن الناس أنهارده كلها بتتكلم عن النقلة التانية في عالم ال Parking اللي هيا الاوتو باركنج اللي منزلاها في كيا Cee'd 2012
العربية بتركن لوحدها بطريقة ممتازة وبتلف الدركسيون لوحدها وأنت اللي بتعمله أنك بتديها الغيار بس. وسعرها معقول جدا عندهم زي السيراتو عندنا كدا..

2013 - New Kia cee'd On Sale In The UK - Clip - YouTube

دي فيديوهات للي عايز يشوف أكتر عن المستقبل بالنسبة النظام دا,, فيديو بيوضيح طريقة عملة بالتفصيل..
Kia´s Smart Park assist system - YouTube

New Kia cee'd - Parallel Park Assist System - YouTube

وأنت تقولي اللي بيشتري العربية عشان شكلها بيظهر في الشاشة يبقي سطحي,,
كلمني كدا مرة تانية عن السطحية ؟!
وشكرا لزوقك تاني..

**Ahmed Amin** · 11-06-2013 06:40 PM

المشاركة الأصلية كتبت بواسطة grumby78

اولا انا مش حجيب عربيه عشان شكل الفتيس او الباركينج سينسور لما يركب عامل ازاي !

طبعاً محدش قال إن اللي بيشتري عربية بيشتريها عشان شكل الفتيس ولا الباركنج سينسور عامل أزاي,,
بس بالمنطق دا, لما بيجي حد فينا بيشتري عربية جديدة موديل السنة أول حاجة بيعملها أنو بينزل المعرض بيشوف أيه اللي متاح,, يعني بيشوف الشكل الأول..

وبعد كدا العربية اللي بيرتاح لها شكلاً ومضموناً, بيبدأ يشوف مواصفاتها وأيه اللي فيها واللي مش فيها,,

بعدين بيشوف أيه إمكانياته المادية وهل هتكون مناسبة ليه ويقدر عليها ولا..

المشاركة الأصلية كتبت بواسطة grumby78

انا بجيب عربيه عشان ياباني وسعرها ممتاز وسمعتها زي الفل وسعر اعادة بيعها عالي وثابت وتوكيل محترم ومش بيحور للناس وبيحترم اسم نيسان ومساحتها الداخليه الاكبر في فئتها

بالنسبة لجزئية الأكبر في فئتها, فالكلام في الموضوع دا أتهري كلام هنا,
وناس شايفة أنو أه كبير وناس شايفة أنو لأ,, وحتي لو جبنا الأرقام اللي تبين مين الأكبر, هتلاقي في الأخر كل واحد يقولك لأ انا شايف ان دي أكبر ودا زوقي,, فا سيبنا من دي طالما أتهرت في الموضوع دا..

أما بالنسبة لجزئية إن العربية ياباني دي, فا دي مش صح,,,

العربية شركتها ياباني أه,, ولكن العربية تقفيل مصري..

ولو كانت عال تقفيل بس, وكل القطع اللي داخلة فيها ياباني كنا قلنا ماشي,,
لكن إن يدخل فيها قطع غيار مصري كمان, ومنهم الضفيرة, انت كدا مبقتش بتتكلم ياباني..

والتقفيل المصري بانت قبل كدا عيوبة في الشكل القديم في الضفيرة, والموضوع مش محتاج كلام إن التقفل المصري في أي حاجة حدث ولا حرج..

مثال تاني لعربية ياباني غالية وأسمها لا غبار عليه التويوتا كورولا موديل 2008 و 2009 اللي كانت نازلة بالفتيس mmt واللي أتقفلت في جنوب أفريقيا..
أيه اللي حصلها ؟ فشلت فشل زريع ف مصر..
ليه ؟؟ عشان أتقفلت بره اليابان,,

الفتيس فضحها وعرها والناس بقت تبيع العربية برخص التراب عشان تخلص منها,,
واللي عمل فيه شغل مرتين في التوكيل في الضمان ورجع تاني نفس العيب بقي يبيع بأي سعر للي ميعرفش..
هل كانت الكورولا تعتبر العربية الياباني الأعتمادية اللي حضرتك تقصدها بكلمة ياباني علي الصني ؟؟ لأ..

دلوقتي لما تويوتا كورولا من أول موديلات 2011 و 2012 واخر واحدة 2013
بقت ياباني 100%.. حد سامع لها حس في السوق ولا حد سمع عن مشكلة ؟؟ إطلاقا..

الكلام واضح..

المشاركة الأصلية كتبت بواسطة grumby78

. .. وغيره . ومجبتش بيجو عشان مشاكل الفرنساوي اللي كل صحابي اللي معاهم بيجو ورينو وستروين بيشتكوا من اسعار قطع غياره المبالغ فيها جدا والوارد اني اجيبها في العربيه الزيرو لو عملت حادثه ولو بسيطه لاقدر الله .. روح دور بقى على القطع واسمع اسعار فلكيه .

أنا هتفق معاك في إن سعر أكصدام البيجو أغلي من النيسان,,
لكن إشاعات إن الفرنساوي ناااااااار, ومبالغ فيه وكل الناس بتشتكي منه..

فأنا بدعو حضرتك تبص بصة علي أسعار قطع الغيار الإستهلاكية قبل ما تقول الكلام دا,,

أسعار قطع غيار النسيان صني 2013

:: قطع غيار الصنى الجديدة 2013 ::

1- فلتر زيت = 50
2- فلتر هواء = 137
3- فلتر تكييف = 180
4- بوجيهات بلاتنيوم ببتغير كل 100 الف كيلو = 308
5- سير محرك = 138
6- تيل امامى = 530
7- تيل امامى = 530
8- تيل خلفى = 358
42- طلمبة بنزبن = 2730
15- فانوس خلفى = 580*2
9- جوز طنابير امامى = 360*2

http://www.nilemotors.net/Nile/314483-2012.html

أسعار قطع غيار البيجو 301 موديل 2013

فلتر زيت = 49

فلتر هواء = 50

فلتر تكييف = 134

طقم بوجيهات بيجو أصلي بوش = 134

فلتر بنزين = 40

سير المجموعة = 172

طقم تيل فرامل أمامي = 430

طقم تيل خلفي = 551

فانوس خلفي = 591

طقم طنابير أمامي = 636

http://www.nilemotors.net/Nile/35895...eot-301-a.html

أيه الكلام ؟؟

المشاركة الأصلية كتبت بواسطة grumby78

العربيه معايا مفيهاش اي مشكله حتى الثبات ممتاز لحد 140 ولما زودت ل 160 كان مقبول

أشك في موضوع الثبات دا اللي كل الناس أشتكت منه,

ومع أني معرفش حضرتك بس انا مرضاش لك بمستوي مقبول بس من الثبات لعربية موديل 2013

وربنا يبارك لك في عربيتك ويستر طريقك وأنا بتمني لك كل خير,,

المشاركة الأصلية كتبت بواسطة grumby78

وانا مش عاوز اكتر من كده ومفيهاش مشكلة ضفيره ده الموديل اللي فبله . وكمان البيجو محدش جربها بكره تتجرب وتطلع عيوبها ومزاياها . بالمناسبه البيجو الانتيريور بتاعها شكله رخيص برضو يعني حاجه كده اقتصاديه للدول الناميه .

واضح أنك شايل من بيجو أووي, ومتعصب لنيسان

ودي المشكلة,
لأن حضرتك قلتها بنفسك, إن العربية دي نازلة للدول النامية, يبقي لازم تكون أمكانيتها علي قدها وأقتصادية عشان يبقي سعرها معقول..

يعني متطلبش ولا تتوقع حاجة فخمة أوي وانت بتتكلم في عربية البيز برايس بتاعها 107 الف للمانيوال,, عايز حاجة فخمة وبلاتسيك مش رخيص ممكن تبص عال فئات العالية زي ال 308 و 508 و 3008
وعمتا ال 301 عربية أوروبي ومتقفلة في أوروبا بمواصفات أوروبي ومفهاش غلطة إن شاء الله.

والنيسان عربية ياباني تقفيل "مصري",,,
كان فيها مشاكل في الضفيرة قبل كدا, ودلوقتي فيها مشاكل في الحاجة الأخطر,, إلا وهيا الثبات والأمان..

نيسان تٌعلن عن إستدعاء صني 2013 بسبب عيب بالمكابح
http://www.nilemotors.net/Nile/359665-2013.html

ولما تلاقي واحد بيقول انه بيضطر يفرمل قبل الحاجة بمسافة طويلة عشان يعرف يلم العربية وهيا عربية موديل 2013, فا دا كلام مش مقبول بالمرة,

أنا مقبلهوش ليك ولا أي حد خايف علي فلوسة اللي دفعها في العربية وفي حياتة وحياة الناس اللي هتكون معاه ف العربية ساعتها..

صدقني يا باشا انا مش بحب أدخل في مواضيع المقارنات والكلام دا,,
لأن مش كل الناس بتتكلم بحيادية وكله بيتعصب للحاجة اللي تخصة او عنده منها,,
وأنا نفسي عندي مشاكل في عربيتي ال 307 في الفتيس القديم AL4, بس المشكلة مش عويصة أوي والعربية ماشية الحمد لله, والمشكلة أتعالجت في الجيل الجديد من الفتيس الجديد AT8 زي بتاع ال 301
ولما حد بيسألني عن العربية بقوله الحلو فيها والوحش فيها,,
علي عكس ناس بتتكلم بس في الحاجات الحلوة في عربيتها وتعد تنفخ,. وتداري علي العيوب أو الحاجات الخطيرة.

بالنسبة لمشكلة نيسان أنا شايفها خطيرة, بدأت بمشاكل في الضفيرة لأنها "مصري"
ودلوقتي الموضوع وصل للأمان,, يعني حياة العربية وحياتك بعد الشر عليكم..

وحضرتك لما قلت

المشاركة الأصلية كتبت بواسطة grumby78

انا بجيب عربيه عشان ياباني وسعرها ممتاز وسمعتها زي الفل وسعر اعادة بيعها عالي وثابت وتوكيل محترم ومش بيحور للناس وبيحترم اسم نيسان

فأنا زيك هستني وأتابع أشوف نيسان مصر هتعمل أيه في موضوع ال Recall دا
http://www.nilemotors.net/Nile/359665-2013.html

لأن في تويوتا لما ناس كتير أشتكت, حصل أهتمام من جهاز حماية المستهلك وأتسحب 6500 عربية من السوق عشان يعالجو مشكلة الفتيس فيها,,
�� ǻ �� ,
ودا لنك من جهاز حماية المستهلك نفسه
http://www.cpa.gov.eg/events4.htm
http://www.cpa.gov.eg/

مع إن الفتيس روح العربية, ومن غيره مش هتمشي وتبقي قوة ساكنة,,
ولما كان بيسخن ولازم تركنه ربع ساعه قبل ما تمشي تاني كانت مشكلة أه عشان كدا مبقتش عربية إعتمادية,,
بس مشكلة نيسان الحالية الخاصة بالفرامل أخطرر وهيا بتتعلق بأمان العربية واللي راكبين فيها..

أما نشوف بقي وانا مش بتكلم بشماته بس بعلق علي كلامك,
أما نشوف "" توكيل نيسان المحترم واللي مش بيحور عال ناس وبيحترم إسم نيسان هيعمل أيه..؟

وأنا بقول الكلام دا عشان انا عايز أشوف رد فعل منه زي ما حصل مع تويوتا,
ومش عايز أشوف حد من ملاك الصني بما فيهم حضرتك في مشكلة مع الأمان في العربية..

وأخر حاجة هقولها لصاحب الموضوع لو كان حط الموضوع في قسم المقارنات كان جاله تعليقات ومشاركات أحسن من كدا,, لأنه هياخد مشاركات وخبرات ناس كتير..
لأن هنا كله هيقوله نيسان,, و best value for money !

تحياتي..

**Ahmed Amin** · 12-06-2013 01:36 AM

المشاركة الأصلية كتبت بواسطة grumby78

"" برضو النيسان احسن من البيجو ... ""

دا رأيك, ولكنه مش صح بالنسبة لكل الناس.

"" واعتماديه عنها. ""

أشك في الكلام دا بعد مشكلة الفرامل اللي كله بيشتكي منها..

"" واغلب الناس بتقلق من الفرنساوي ومش بتحبه لاجديد ولا مستعمل . ""

فعلاً ال 508 وال 308 مش مغرقة الدنيا, والناس مش بتحبها صح..!!!!

"" ده غير توكيل بيجو اللي بيعكوا وبيضربوا اسعار في السما .. ""

بيضربو أسعار أيه في السما.؟!
هوا حضرتك مقرتش أسعار قطع الغيار في المشاركة اللي فاتت ولا أيه..
مأخدتش بالك إن كل قطع غيار البيجو أرخص من الصني, وإن الصني اللي أسعارها في السما
ولا هيا دي اللي عصبتك..!

"" ياريت حضرتك تبطل الاصرار الغريب على انتقاد الصني وتقييم البيجو الفقيره المبالغ في تمنها اللي توكيلها في الكلتش بانها بوجاتي فيرون .. احنا عاجبانا عربياتنا ""

أنا مش مصر علي النقد علي الصني لمجرد النقد,.!
الراجل اللي عمل الموضوع دا عمله عشان ياخد رأيي الناس في العربيتين,, وأنت قلت رأيك, وأنا قلت رأيي وأني شايف إن العربية دلوقتي فيها عيب وخطير, وواجب عليا أعرفة وهوا في الأخر حر في أختياره..

"" وتقييم البيجو الفقيره المبالغ في تمنها اللي توكيلها في الكلتش ""

فعلا البيجو فقيرة ومبالغ فيها,, بإمارة أن البيجو 208 مترشحة Car of The Year Award لسنة 2013..
The Nominees 2013 - Car of the year
http://www.telegraph.co.uk/motoring/...Year-2013.html

والبيجو 307 واخدة جايزة Car of The Year لسنة 2002
Previous winners - Car of the year - Car of the year
http://en.wikipedia.org/wiki/Peugeot...ar_of_the_Year

سبحان الله, عربية فقيرة فعلاً ومبالغ فيها صح..!

"" احنا عاجبانا عربياتنا ""

أستاذ جرمبي, ربنا يبارك لك في عربيتك,, ويستر طريقك
أنا وضحك كذا مرة في مشاركتي اللي فاتت إني مقبلش ليك أو لأي حد بعربية فيها عيب,
وأن لو في مشكلة زي دي وناس كتير بدأت تشتكي منها أنكم تبعتو لحماية المستهلك, وأنا بتكلم عن الناس اللي عندها مشكلة مش عليك..!!
والموضوع يبقي فيه أهتمام زي ما حصل مع مشكلة تويوتا بتاعت جنوب أفريقيا في فتيس ال mmt

لكن عشان حضرتك تيجي تقولي

"" برضو النيسان احسن من البيجو ... واعتماديه عنها .. احنا عاجبانا عربياتنا .. ""

بدون ذكر سبب,, ولمجرد فرض رأيي.. ومن غير ما يكون عندك أسباب عشان تقول الكلام دا.!
فا دا مش أسلوب حوار ولا نقاش,,

أنا لما أتكلمت حطيت نقط علي الحروف,, وقلت أسباب تقييمي للعربيتين,
وجبت المراجع بتاعتهم من منتدي نيسان وبيجو,, يعني مألفتش من دماغي ولا أفتيت..

المراجع كانت بالنسبة للأسعار والمشاكل اللي في النيسان دلوقتي,,
لأن البيجو لسه ملهاش أي مشاكل تذكر,

بس عشان حضرتك ترد بالأسلوب دا, فا دا اللي بيخليني محبش أدخل في جدال مقارنة ما حد ما بين عربيتين,
عشان الناس اللي بتتعصب للحاجة بتاعتها لمجرد أنها بتاعتها من غير ما يكون عندها أستعداد للنقاش..

فا الأخر قبل ما أمشي وأقفل كلامي في الموضوع دا أحب أقولك أنت بتحب عربيتك حبها,, عربيتك زي الفل,, وربنا يبارك لك فيها..
ويبارك لكل واحد مالكها,,
وأتمني مشكلة الفرامل اللي ناس أشتكت منها أنها متزيدش عن كدا أو تكون بداية لحاجة أوحش,, ويكون ليها حل قريب من وكيل نيسان ف مصر,,
ولو محتاجة Recall يتعملها زي ما حصل برة في أوروبا والهند وأفريقيا,!

وميكروتوش الناس اللي هنا في مصر واللي راحت علي أسم Nissan

تحياتي لك ولكل الناس المحترمة اللي هنا.

**Ahmed Amin** · 12-06-2013 04:07 AM

وأنا بحترم رأيك, وشكراً علي توضيح وجه نظرك و مشاركتك القيمة..
أه وبالمناسبة لو أخدت بالك من الصورة بتاعتي هنا, وهيا بقالها أكتر من سنة علي كدا هتلاقيها لنيسان GTR و 370z :)
لأني بحب العربيتين دوول.

تحياتي لك.

-

-

-

الموضوع: السلام عليكم عايز مقارنة بين نيسان صنى 2013 و بيجو 301 ولكم الشكر الجزيل :)

LinkBack

أدوات الموضوع

عرض

-

المواضيع المتشابهه

مقارنة بين جراند بونتو 2013 و نيسان تيدا هاتشباك 2013

السلام عليكم - عاوز مساعدة في حجز نيسان صني 2013

السلام عليكم مقارنة بجد حيادية

ارجو المساعده ولكم كل الشكر

السلام عليكم ممكن مقارنة بين الهوندا سيتي و النيسان تيدا سيدان

الكلمات الدلالية لهذا الموضوع

المفضلات

المفضلات

ضوابط المشاركة