الفتيس الأوتوماتيك

**houras1010** · 19-06-2013 02:48 AM

وبيعتمد ecu العربيه على اكثر من حساس لتقليل نسبه حدوث اخطاء فى النقل بمقارنه المعلومات من اكثرمن حساس على جسم الجير زى حساس سرعه التوربين turbine sensor
وحساس سرعه العربيه vss
وحساس بوابه الهواءtps
وعصايه النقلات
يعنى لو دوست بنزين والبوابه اصبحت مفتوحه لنصفها مثلا
عن طريق البيانات الوارده من الحساسات المذكوره يقدر ecu يحدد العربيه فى وضع ثبات
او على سرعه عاليه ومحتاج كيكداون
يعنى ممكن تكون على مطلع فلفات الموتور كتيره وسرعه العربيه بطيئه يبقى المفروض انا عايز غيار اقل
لكن لو لفات الموتور وسرعه العربيه متقاربين ودوست بدال السرعه اكتر يبقى انا محتاج غيار اعلى او كيكداون حسب طريقه الضغط على البدال

و نفس الشئ لو ضغط على البدال من وضع الثبات
ومن اجل ذلك بيوضع حساس على مدخل الفتيس واخر على مخرجه

وتختلف طبيعه عمل الحساس حسب الشركه المنتجه
وبالنسبه للجير اعلاه بيعتمد على نبضات مغناطيسيه من الحساس تترجم داخل ecu لسرعات
وvss قليل الأعطال واذا تلف افتقد ecu لبيانات يحتاج اليها لأعطاء امر النقل فالنتيجه العربيه تمشى بكامل قوتها على الغيار الأساسى ولا تتعداه حتى لو عدد لفات الموتور زاد
والغيار الأساسى الأول او الأول والثانى حسب برمجه ecu
و vss موجود على جسم الجير من الخارج وتغييره سهل لأنه مربوط بمسمار واحد ومش محتاج تفك الجير
واسعاره فى الصينى والأنواع المطابقه مش كتير
وهو ايضا من الأجزء المعمره
لأن الشركات المنتجه للجير شركات معظمها يبانى والمانى وامريكيه
يتبع

ا

**houras1010** · 19-06-2013 11:38 PM

وبالنسبه للسيارات الغير مزوده ب ecu بتكون الأجزاء الكهربيه من حساسات وسلونيد غير موجوده وبيكون النقل قائم على النظام الهيدروليكى
و من الأجزاء الأخري الموجوده بداخل النوعين
accumulator piston

وده وظيفته تتشابه مع وظيفه المساعد فى نظام التعليق
ومهمته ضمان نقل الزيت من مكان لمكان بسلاسه اثناء النقل

**houras1010** · 19-06-2013 11:46 PM

accumulator piston

و الجزء الأكثر عرضه للتلف هو الأويلسيل الحاكم للتسريب الواضح بلون اسود فى الصوره اعلاه
وسعرهم لا يذكر
و ده شكل المكان المرتكز عليه فى الفالف بودى

يتبع

**houras1010** · 25-06-2013 08:25 PM

والفكره الأساسيه للجير فى العموم هى تطويع القوه الناتجه من المحرك مع الأستفاده القصوى
من القدره المتحصل عليها منه

فمن الممكن ان تكون نفس عدد لفات الموتور وسرعات مختلفه واداء واستهلاك متغييرين
مثلا 3000 لفه فى الدقيقه على الغيار الأول تختلف عن 3000 لفه مع الغيار الرابع

يتبع

**fooooot** · 26-06-2013 01:44 AM

شرح رائع فعلا....لكن عندى سؤال بخصوص فتيس لانوس اوتوماتيك من اى نوع..بالاضافة لوجود مشكلة الا وهى حدوث نتشة تحس بيها عند حدوث كيك داون وكأن العربية حدث لها نترة للامام...وكذلك عندم اقف فى اشارة واخلى العربية على N ثم اتحرك واعطى غيار D هى لا تحدث بصفة مستمرة ولكن كتير... فتسبب قلق من ان تكون مشكلة كبيرة..مع العلم انى عندما احتاجت الكبالن للتغيير غيرتها ب يابانى واختفت المشكلة لشهرين تقريبا ثم عادت للظهور الايام دى...احدهم قالى لى ان هذا لان فتيس الانوس مش زى الاخرين دا معتمد فى عمله على ما يشبة الجنزير لنقل الحركة وانة على وشك التلف...هل هذا صحيح والمفروض اتصرف ازاى واجيبة منين...مع خالص تحياتى واسف للاطالة.

**houras1010** · 26-06-2013 02:48 AM

المشاركة الأصلية كتبت بواسطة fooooot

شرح رائع فعلا....لكن عندى سؤال بخصوص فتيس لانوس اوتوماتيك من اى نوع..بالاضافة لوجود مشكلة الا وهى حدوث نتشة تحس بيها عند حدوث كيك داون وكأن العربية حدث لها نترة للامام...وكذلك عندم اقف فى اشارة واخلى العربية على n ثم اتحرك واعطى غيار d هى لا تحدث بصفة مستمرة ولكن كتير... فتسبب قلق من ان تكون مشكلة كبيرة..مع العلم انى عندما احتاجت الكبالن للتغيير غيرتها ب يابانى واختفت المشكلة لشهرين تقريبا ثم عادت للظهور الايام دى...احدهم قالى لى ان هذا لان فتيس الانوس مش زى الاخرين دا معتمد فى عمله على ما يشبة الجنزير لنقل الحركة وانة على وشك التلف...هل هذا صحيح والمفروض اتصرف ازاى واجيبة منين...مع خالص تحياتى واسف للاطالة.

نترت لقدام وسحبت بنفس القوه من غير تقطيع عادى - ولو اتبعت الخطوات فى اللينك فى اول الموضوع ان شاء الله الفتيس يعيش مده طويله من غير صيانه والفتيس من اى نوع - لو مفيش سلك خارج من الفتيس للبوابه اوالكاربراتير يبقى نقله بسلونيد كهربا - ولو موجود يبقى نقله هيدروليك كامل

**fooooot** · 01-07-2013 02:38 PM

المشاركة الأصلية كتبت بواسطة houras1010

نترت لقدام وسحبت بنفس القوه من غير تقطيع عادى - ولو اتبعت الخطوات فى اللينك فى اول الموضوع ان شاء الله الفتيس يعيش مده طويله من غير صيانه والفتيس من اى نوع - لو مفيش سلك خارج من الفتيس للبوابه اوالكاربراتير يبقى نقله بسلونيد كهربا - ولو موجود يبقى نقله هيدروليك كامل

هو السحب عادى وبنفس القوة... لكن النتشة دى كانت قلقانى...لك كل الشكر ع الاهتمام

**houras1010** · 04-07-2013 10:36 PM

,وكانت الأستفاده بالطريقه الكلاسيكيه

فهى الأساس المبنى عليه الجير
منوال او اتوماتيك بأنواعه

ودراجات السباقات واضح فيها الفكره ومسليه فى استخدامها
وهى
Gear ratio

ونسبه التخفيض هى الفرق بين ترسان متصلان ببعضهم فى نصف القطر وعدد اسنانهم
يعنى الترس المتصل بالبدال لو دار ثلاث لفات والترس فى العجله دار دوره واحده يبقى ثلاثه لواحد

يتبع

**houras1010** · 18-07-2013 11:19 PM

كما ذكر سابقا عندنا فى الجير محول العزم
حلقه الأتصال الميكانيكى مع الموتور

والفالف بودى بمكوناته الكهربيه الرابط بين الجزء البرمجى والميكانيكى
بالجير

وما يتبعه من اجزاء الكترونيه من حساسات سبق الحديث عنها
-اصبح لدينا مجموعه ادخال
ومجموعه اخراج المتصله ب كبالن - عمود الكردان فى الدفع الخلفى
- تبقى ما بينهما
مجموعه التخفيض
-والمستهلك الأول فى الجير - الكلاتشات - -

يتبع

**houras1010** · 23-07-2013 03:56 AM

و مجموعه التروس فى الفتيس الأوتوماتيك
يطلق عليها مسمى اجزاء النظام الشمسى

Sun gear

planetary gear

ring gear

لتشابه الحركه
وطريقه الدوران

وتلك التروس مقسمه لمجموعات كل مجموعه او اكثر مسؤله عن تخفيض

ومن اجل الحصول على الخرج المطلوب عن طريق ايقاف مجموعه او اكثر عن الدوران مع السماح لمجموعه محدده بالدوران على حسب الغيار المطلوب

و ذكر سابقا عن علاقه قطر الترس و عدد السنون و عدد التروس بنسبه التخفيض
ودى وظيفه

brake assembly

مجموعه الفرامل الكلاتشات
و تروس الجير الأو توماتيك زى تروس الجير المانيوال عمرها الأفتراضى طويل وصعب ان تعطب
وخاصه ان المسؤل عن ايقافها اضعف منها

وفى عربيات مانيوال اتكهنت وفتيسها متفكش
ونادر لو اتكسر ترس فى جير مانيوال او حصل فيه بوش من غير ما يكون السبب اهمال ضخم فى استخدام الجير

يتبع