الموضوع: مشكلة بكورسا 1000

إضافة فيه ناس قالت رشاشات واللى قال حط نص علبه زيت باور على البنزين واللى قال منظف كويس زي max 44 أو stp الفضي على 15 لتر بنزين وحرقهم فى مشوار طوالى واغير فلتر بنزين بعدها

هل لو رشاشات مسدودة أو بتسيل المنظف حيحل المشكلة فعلا ولا مفيش بديل عن فك الرشاشات وتنظيفها خصوصا ان أنا من أسكندرية ومش لاقي ورشة عندها جهاز ألتراسونيك اللى بينضفهم؟

المشاركة الأصلية كتبت بواسطة م/أحمد عبد الفتاح

حاتفتح الكونتاكت من غير ماتدور لمده ٥ ثوانى وبعدين تدور - لو دارت معاك على طول يبقى الاحتمال الاكبر طلمبة البنزين بدأت تفيص معاك

حضرتك الطرمبة ممكن تزود استهلاك البنزين بالمعدل ده؟

المشاركة الأصلية كتبت بواسطة colin chapman

أبو الحمد اللى فى طريق المطار بعد ماتعدى المطار و
قبل البنزينة بتاعة موبيل بشارعين وتليفونه 0124230010
ميكانيكى أوبل ممتاز وشغال فى توكيل مقار اللى عند الشلالات
كمان
فى واحد ورا عبد الوهاب بتاع المشويات اللى فى السيوف اسمه الحاج عبد العزيز بيشتغل اوبل بيقولوا شاطر

شكرا علي الرد.. انا بأحاول اجمع فكرة عن السبب قبل ما أروح الميكانيكي علشان ما اغيرش حاجة علي الفاضي.

المشاركة الأصلية كتبت بواسطة م/أحمد عبد الفتاح

اولا معلش انا جاوبتك عالطاير من الموبايل بس انا ذكرتلك طريقة اختبار عمل الطلمبة باسرع طريقة ودى طريقة مشهورة وبتبين اذا كان العيب من الطلمبة بنسبة كبيرة.
لما البنزين يكون ضغطه قليل او ضغطه بيقع بسرعة اثناء التشغيل الكمبيوتر بيحس ان العربية lean (يعنى البنزين اللى داخل الموتور قليل) فبيعمل تزويد للبنزين عن طريق تزويد زمن فتح الرشاش وبالتالى بيزيد استهلاك البنزين - لو الطلمبة ابتدت تبوظ (بيبقى ٩٠٪ البلف الغير رجاع بتاعها فاتح على طول فى الاتجاهين) فالضغط بيلعب فيها باستمرار ساعات يعلى وساعات يوطى بس بسرعة والكمبيوتر مابيلحقش يصحح نفسه ويظبط كمية البنزين الخارجه من الرشاشات فتفضل العربية rich
لو كمان قدرت توصل لمنظم طلمبة البنزين حتلاقى عليه خرطوم فاكيوم رفيع شوفه لو كان مخلوع من مكانه او مشروخ - شوف كمان كل خراطيم الفاكيوم اللى خارجه ورايحه للموتور لو خرطوم مخلوع او فيه مشكلة .
كل اللى فات ده على اساس ان مافيش لمبة تشيك منورة حاليا - وكمان لو الرشاشات فيها مشكلة زى رشاش بيسيل لازم حينور لمبة تشيك انجن ويدى فى الغالب كود ميس فاير ( مجموعة اكواد من ٠٣٠٠ الى ٠٣٠٤)
ممكن تبدأ فى الاول بوضع منظف رشاشات بنزين زى الماكس لكن تلتزم بالارشادات المكتوبة على العلبة من حيث كمية المنظف وكمية البنزين وسيبك من كلام اى حد يقولك اى حاجه غير المكتوب عالعلبة - ممكن يكون فيه سدد مؤقت على البلف الغير رجاع بتاع الطلمبة والمنظف يسلكه لاه المنظف بيمشى مع البنزين فى كل الدايرة وينظف اللى فى سكته.
حاجه تانية لو قدرت تراجع عالتقسيمة ممكن تكون فيها سنة ولا حاجه خصوصا لو كنت مغير السير قريب.

جزاك الله كل خير علي الرد المفصل اللي فعلا ينم عن فهم واقنعتني بتفسير تأثير الطلمبة علي الأستهلاك وبما ان لمبة التشيك انجن مش منورة فأنا بإذن الله حأبدأ زي ما حضرتك اقترحت واختبر الطلمبة زي ما حضرتك وضحت الصبح بإذن الله وان دارت علي طول حأشتري منظف ماكس 44 واحطه واتابع مع حضرتك.

ربنا ينفعنا بعلمك ويجعلك ممن يستخدمهم لخدمة عباده.

المشاركة الأصلية كتبت بواسطة م/أحمد عبد الفتاح

اولا معلش انا جاوبتك عالطاير من الموبايل بس انا ذكرتلك طريقة اختبار عمل الطلمبة باسرع طريقة ودى طريقة مشهورة وبتبين اذا كان العيب من الطلمبة بنسبة كبيرة.
لما البنزين يكون ضغطه قليل او ضغطه بيقع بسرعة اثناء التشغيل الكمبيوتر بيحس ان العربية lean (يعنى البنزين اللى داخل الموتور قليل) فبيعمل تزويد للبنزين عن طريق تزويد زمن فتح الرشاش وبالتالى بيزيد استهلاك البنزين - لو الطلمبة ابتدت تبوظ (بيبقى ٩٠٪ البلف الغير رجاع بتاعها فاتح على طول فى الاتجاهين) فالضغط بيلعب فيها باستمرار ساعات يعلى وساعات يوطى بس بسرعة والكمبيوتر مابيلحقش يصحح نفسه ويظبط كمية البنزين الخارجه من الرشاشات فتفضل العربية rich
لو كمان قدرت توصل لمنظم طلمبة البنزين حتلاقى عليه خرطوم فاكيوم رفيع شوفه لو كان مخلوع من مكانه او مشروخ - شوف كمان كل خراطيم الفاكيوم اللى خارجه ورايحه للموتور لو خرطوم مخلوع او فيه مشكلة .
كل اللى فات ده على اساس ان مافيش لمبة تشيك منورة حاليا - وكمان لو الرشاشات فيها مشكلة زى رشاش بيسيل لازم حينور لمبة تشيك انجن ويدى فى الغالب كود ميس فاير ( مجموعة اكواد من ٠٣٠٠ الى ٠٣٠٤)
ممكن تبدأ فى الاول بوضع منظف رشاشات بنزين زى الماكس لكن تلتزم بالارشادات المكتوبة على العلبة من حيث كمية المنظف وكمية البنزين وسيبك من كلام اى حد يقولك اى حاجه غير المكتوب عالعلبة - ممكن يكون فيه سدد مؤقت على البلف الغير رجاع بتاع الطلمبة والمنظف يسلكه لاه المنظف بيمشى مع البنزين فى كل الدايرة وينظف اللى فى سكته.
حاجه تانية لو قدرت تراجع عالتقسيمة ممكن تكون فيها سنة ولا حاجه خصوصا لو كنت مغير السير قريب.

أنا جربت الصبح وفتحت كونتاكت خمس ثوانى الأول وبعد كده دورت التأخير اتحسن نسبيا ودارت فى أقل من 3 ثوانى وبطلت ودورت تانى دارت فى أقل من 3 ثوانى الحمد لله...كده طرمبة؟ وحضرتك تقصد بالبلف غير الرجاع ده هوه ال back pressure valve اللى في أخر مسطرة الرشاشات وواصل بيه خرطوم الراجع؟ لو هوه ده , فده ممكن اتأكد منه ازاي؟

بالنسبة للتقسيمة فسير الكاتينة جنزير وما اتغيرش قبل كده.

ملحوظة فيه ميكانيكي شاف العربية وفتح الكبوت وزود بنزين من البكره وقالى فيه ريحة بنزين ني وعدي عليا بعدين انظف الحساسات بس لسه ما روحتلوش منتظر ردك.