ركنت عربيتي و غطيتها...حسبي الله ونعم الوكيل

**p r i n c e** · 09-06-2013 06:22 AM

الله يخربيتك يا مرسي
الله يخربيتك يا قنديل
الله يخرب بيت الثورة
حد يقنعني ازاي رئيس بقاله سنة و حكومة شغالة بقالها سنة إلا حاجة بسيطة مش قادرين يقضوا على تهريب السولار و البنزين؟!
سيبك يعم من السولار و البنزين بيتهربوا ماشي طب و الكهربا؟ بتقطع ليه؟ مش نفس المحطات اللي كانت موجود أيام مبارك؟ نفس المحطات و نفس المولدات طب اشمعنى دلوقتي الكهربا بتقطع؟
ولا كهربتنا منورة غزة؟ هاااا؟
نرجع بقى لحوار البنزين
العربية خلاص شطبت بنزين و داخل على الاحتياطي و عندنا هنا ف المنيا مفيش بنزين خالص لا 80 ولا 92 ولا حتى سولار
البنزينات كلها قافلة و العربيات واقفة طوابير طويلة مالهاش نهاية و البنزينات قافله، في اللي سايب عربيته موقفها فالطابور و روح و في اللي قاعد جنب العربية ف البنزينة مستني البنزين يجي
والله وضع مأساوي جدا
و سواقين التاكسيات على فترات بيقطعوا الطريق و بيقفلوه بالحجارة احتجاج على عدم وجود بنزين و قيادات من مديرية الأمن بتروح تتفاوض معاهم عشان يفتحوا الطريق و بيجيبولهم بنزين بس طبعا مش بيغطي كمية العربيات الرهيبة اللي واقفة فالطابور و بعد ما البنزين يخلص الناس اللي بقالها 3 ولا أربع ساعات و ممكن ناس بقالها فترة اكتر من كدا واقفة اول ما البنزين يخلص من البنزينة هوب يروحوا بردو قاطعين الطريق و قافلينة بالحجارة
و لك ان تتخيل المشهد المروري العبثي و طريق حيوي مقفول بالحجارة في ساعة الذروة تخيل كدا الطريق قدامك مقفول بالحجارة و وراك عربيات كتير، يعني لا عارف تطلع لقدام ولا ترجع لورا
بجد وضع مأساوي جدا
انا خلاص ركنت عربيتي و غطيتها لحد ما الأزمة دي تخلص دا اذا خلصت أصلا
خلاص ابجديات الحياة و ابسط حقوقنا ف الحياة بتتسلب مننا
لا احدثك عن حرية و عدالة اجتماعية؛ احدثك عن الماية و الكهربا و البنزين و السولار
حسبي الله و نعم الوكيل

**MaNoLa** · 09-06-2013 06:54 AM

عندك حق فى كل حرف كتبته
و حسبى الله و نعم الوكيل
بس الثورة قامت عشان كل دة
و الناس الى حكمت دى مالهاش علاقة بالثورة من اساسه انا معترفه ان الثورة بدأت يوم 25 مش يوم 28 بالليل
يبقى نغلط في الثورة ليه ؟

**khaabas** · 09-06-2013 07:32 AM

للاسف الوضع اصبح فى جميع المحافظات وليس كل :) مأساوى

**windofchange** · 09-06-2013 07:48 AM

حاسس ان اللي حاصل ده مفتعل علشان اسقاط الرئيس يوم 30/6

**الجنرال** · 09-06-2013 08:32 AM

يعنى هل انت متخيل .. ان محطات الكهرباء مثلا باظت كلها فى وقت واحد بعد الثورة؟؟

هل انت متخيل ان البنزين خلص فجأة من المحطات؟؟

انا معاك ان مرسي عليه مسئولية وهو لازم يتحرك ويعمل حاجة .. بس متطلعش كل غضبك عليه هو لوحده!!

كل واحد بيهرب بنزين وبيخبيه او ياخده مدعم ويبيعه بسعر غالي في دول تانية ربنا ينتقم منه

الولد بتاع محطة البنزين بيقولي ان حصته فى البنزين نزلت الثلثين !! ليه؟؟ البنزين فى مصر خلص؟؟

كل قيادات الفلول واللى بيعاونوا معاهم علشان يولعوا فى البلد علشان عايزين المنصب والكرسي .. ربنا ينتقم منهم ويارب نخلص منهم قريب

**paul_walker** · 09-06-2013 08:51 AM

المبرراتيه اللى بتؤل الفلول هم اللى بيعملوا كده : ابسط رد هرده عليك لو مش قادر يوقف الناس دى عند حدها يسيبها لدكر هو اللى يوقفهم عن حدهم

**ayman2** · 09-06-2013 09:32 AM

المشاركة الأصلية كتبت بواسطة paul_walker

المبرراتيه اللى بتؤل الفلول هم اللى بيعملوا كده : ابسط رد هرده عليك لو مش قادر يوقف الناس دى عند حدها يسيبها لدكر هو اللى يوقفهم عن حدهم

+1

**smartech** · 09-06-2013 09:37 AM

للاسف الموضوع تطور من 80 و سولار لل 92 ، يعنى البلد تقف و الناس اقعد فى بيوتها ،
نقعد فى بيوتنا نلاقى الكهربا تقطع ، لما الكهربا بتقطع يبقى اكيد الميه بتقطع ،
كل ده ومش عايزين الناس تنزل تعترض ولا تقطع شوارع ولا تعمل تمرد

لكى الله يا مصر

**akmm** · 09-06-2013 09:45 AM

المشاركة الأصلية كتبت بواسطة paul_walker

المبرراتيه اللى بتؤل الفلول هم اللى بيعملوا كده : ابسط رد هرده عليك لو مش قادر يوقف الناس دى عند حدها يسيبها لدكر هو اللى يوقفهم عن حدهم

هو ده الكلام ...... اللى مش قادر يسيب الحكم لأن الحاكم الهين فتنه واحنا شبعنا مبررات .

**bassol2000** · 09-06-2013 09:55 AM

المشاركة الأصلية كتبت بواسطة windofchange

حاسس ان اللي حاصل ده مفتعل علشان اسقاط الرئيس يوم 30/6

و انا فعلا حاسس انك محتاج تراجع موقفك و تنظر نظرة اعمق للواقع .. لكيد كلنا عاوزين مصلحة البلد ماحدش عاوزها خراب و انا عمري ما اقدر اشكك فى مصداقيه حضرتك انت مصري و انا مصري ماحدش يقدر يقلل من شأن حد بس حقيقي انت مقتنع برأي حضرتك و شايف ان الازمه دى حصلت بس عشان يوم 30 6 طيب احب انبهك انها بقالها فترة كبيرة من قبل اختراع 30 6 ده اللى مش عارفين هيودي البلد فين !!

الموضوع: ركنت عربيتي و غطيتها...حسبي الله ونعم الوكيل

LinkBack

أدوات الموضوع

عرض

ركنت عربيتي و غطيتها...حسبي الله ونعم الوكيل - انشر الموضوع فى :

-

-

-

-

-

-

-

المواضيع المتشابهه

حسبي الله ونعم الوكيل ..عربيتي اتخبطط

حسبي الله ونعم الوكيل في إللي عمل في عربيتي كدة

حسبي الله ونعم الوكيل ( نزلت لقيت عربيتي مخبوطة )

عربيتي تدمرت بسبب حفره حسبي الله ونعم الوكيل

الكلمات الدلالية لهذا الموضوع

المفضلات

المفضلات

ضوابط المشاركة