أبو يحي أخبارك أيه, عاش من شافك,,
والله الموضوع دا تاعبني جداً من العربية زي مانت عارف,
وأنا مش عايز حد يعك فيها ويفك ويعكس أماكن الفالفات ويرجع يغيرهم بأتنين تانين تاني,
نفسي لو العيب يتشخص صح مرة واحدة ويتحل علي طول, عشان كدا بدور علي سبب مقنع للمشكلة.
في واحد أعرفة عكس مكان الفالفين بتوع الأول والتاني, ومحلش العيب واحد وغيرهم وبرضه المشكلة رجعت بعدها بفترة, يعني مش دا العلاج,
وأنا زي ما أخدت بالي إن المشكلة بتحصل وبتزيد مع السخوينة فقط, غير كدا مش بتحصل لو ماشي علي طريق سريع ووقفت مرة واحدة.
دا اللي خلاني أفكر في الكولر, لأن كان فيه بشمهندس قالي غيرة قبل كدا,
من شوية قريت في المانيوال بتاع صيانة الفتيس ملحوظة
وأنا مش فاكر الفتيس كان نازل محروق ولا لأ, لأني غيرته بليل, منه لله اللي غيرهولي سابة ينزل علي الأرض من غير ما يحطة في حاجة أشوفه منها,
بس أنا علي ما أتذكر أنو كان أسود وكان ناقص,
فا من الملحوظة دي ممكن يكون دا سبب تاني يخليني أفكر في الكولر, قبل ما أفكر في حاجة تانية.
أخر حاجة أمبارح واحد كان مغير الفالفين والزيت في التوكيل والمشكلة رجعت له بعدها بهشر, وبعدين راح لواحد بيقولي أنو غير القربة والمشكلة راحت, بس دي جديدة عليا الصراحة.!!
عندك خلفية عن الموضوع دا ؟ عشان القربة مش سهلة, وكدا الفتيس كله هينزل لو هيا السبب في برجلة الضغوط مع زيادة الحرارة.
المفضلات