رجاء بخصوص البنزين

**tamersab** · 25-06-2013 05:00 PM

عندك حق

**أبو آسر** · 25-06-2013 05:05 PM

المشاركة الأصلية كتبت بواسطة mous6fa

مقدرش أقول غير إنه شعب متخلف لدرجة انه مقتنع إن كل مشاكل حياته بسبب رئيس الجمهورية .. أوعدكم بعد 30 يونيو مش هنلاقي رغيف عيش .. وكل ده بسبب تخلفنا كمصريين .. المشكلة فينا مش ف النظام ... المشكلة فيناااااااااااااااااااااا اااااااااااااااااااا ... عليا الطلاق أنا لا إخوان ولا سلفي ولا ليا دعوة بالتيار الإسلامي كله .. أنا واحد شايف إننا هنفضل ع نفس الوضع ده لعقود طويلة جداااااااااا لإن مهما تغير النظام الحاكم مش بيتغير الشعب اللى بيتحكم .. لو مغيرناش من نفسنا يبقى أقسم بالله لو ربنا بعتلنا رسول يحكمنا هيفشل برضو والناس هتنزل ف ثورة عشان تسقطه !!!!!!!!

والله انت برنس
انت جبت الخلاصة كلها
وخلاصة الخلاصة في الآية الكريمة دي
إن الله لا يغير ما بقوم حتى يغيروا ما بأنفسهم
وبالحكمة التي تقول: كما تكونوا يولَّ عليكم
وعلى فكرة أنا مش إخوان

**SERGIOOO90** · 25-06-2013 05:14 PM

المشاركة الأصلية كتبت بواسطة gebreel

و زود على كدة ان متبقاش عربيتك متفولة و نزلت مشوار و تدخل تقف في الطابور علشان تحط ال5 ولا ال10 لتر اللي استخدمتهم

إيه ؟؟؟؟!!!!!!!!!! للدرجادي الغباء و الإفتراء

**mohamed1979** · 25-06-2013 05:18 PM

عن نفسى مش حعمل الكلام ده

**Hossam Farouk** · 25-06-2013 05:26 PM

أحب أضيف على كلام حضرتك ان اللى معاه شوية بنزين فى عربيته ومش محتاجها فى مشوار ضرورى يقدر يقديه بالمواصلات العامة أو الميكروباصات أو يكون شغله له مواصلة سهلة يركنها أحسن لأنه كده كده لو خرج بيها هيقف فى الزحام اللى مسبباه البنزينات وبالتالى هيفقد كتير من البنزين اللى معاه فى العربية ده بس لحد لما ربنا يسهل ونعدى الأزمة ديه وربنا يسترها على الكل

**medo500** · 25-06-2013 05:33 PM

كلام مظبوط الشعب المصري للاسف محتاج ثورة علي الاخلاق

**tamatemo** · 25-06-2013 05:35 PM

احبائي اهالي القاهرة المنعمين اللي عندهم الازمة من امبارح

احنا مفحوتين في القصة دي من 3 اسابيع او اكتر

وبيجي علينا ايام بنحط جراكن

او تحط 10 لتر 80 علشان عربيت ما تعطلش

وال 10 لتر يدوبك يدويك الشغل واحتمال يرجعك منه

والمواصلات مفيش علشان مفيش سولار

والقطارات بتتاخر علشان الناس تكفر واجدع قطر يقوم متاخر مش اقل من ساعة "الاسباني علي فكرة "

وتيجي للبنزين بتمون وخلاص ولا انتا عارف دا 80 ولا 90 ولا 92 ولا بنزين صافي ولا مخلط واهو كله بيمشي

داخلين في شهر في القصة دي ولا حد حاسس بحاجة

بس انتم من قرصة يوم او اتنين مضايقين

اول ما الاعلام والحكومة والمجتمع يعرف ان مصر مش قاهرة وجيزة واسكندرية

هانعرف نتطور ونتقدم

اما لما منشوفش غير 3 محافظات يبقي عليه العوض

-------------------

المهم احنا كدا كدا بناخد احتياجتنا بس ومش بنعبي في جراكن ومش بنعمل حاجة تانية

الرك علي السبب الاساسئ في الازمة مين هوا او ايه السبب ربنا وحده اللي يعلم