الموضوع: رجاء بخصوص البنزين

كده يبقى انت راجل بركه فيك شيئ لله

انا عاوز أضيف إضافة صغيرة للموضوع :
ثورة 25 يناير المفروض إن المصريين قاموا بيها للتحرر من العبودية والقمع والتخلف اللى كان عايش فيه المجتمع أيام المخلوع .. وبالتأكيد ثورة يناير كان من ضمن اهدافها إننا نبقى مجتمع ديمقراطي ومتحضر زي باقي الأمم المتحضرة ..
طب لما نيجي ننزل أرض الواقع نلاقي إن العكس هو اللى حصل .. الثورة طلعت أقبح ما فينا .. طلعت الوساخة اللى بداخلنا كمصريين ..
الأمم المتحضرة عندها مبدأ "التعــــــــاون" مع النظام الحاكم .. يعني مثلا ازمة بنزين زي اللى حصلت دي المفروض الشعب يتعاون مع حكومته فى حلها .. وبعد ما تتحل يحاسب المقصر والمهمل ..
إنما إحنا مع الأسف الشديد مش أمة متحضرة ولكن متخلفة .. وقت الأزمات بننزل "نتحدى" الحكومة والنظام الحاكم ... يعني نص الطابور اللى ع البنزينة نازل يخطف شوية بنزين عشان عارف إن فى أزمة بنزين !!!!!!!!!!!!!!
طب ماهو ده بيكبر الأزمة وبيضخمها فوق أستطاعة اى حكومة ف الدنيا .. ازاي وقت الأزمة انزل اتحدى الحكومة واكبر الأزمة اكتر واطلع لساني لرئيس الجمهورية واقوله جتك خيبة يا فاشل ياللي مش عارف تحل المشكلة !!!!!!!!!!!!!!!!!
المصريين لو وزارة الصحة أعلنت نفاذ الامصال المضادة لسموم الأفاعي .. هينزلوا الصحرا يدوروا ع الأفاعي عشان يتلسعوا منها ويدخلوا المستشفي ويقولوا "منك لله يا مرسي هنموت بسببك عشان مفيش أمصال" !!!!!!!!!!!
يا جدعان وقت الأزمة المفروض اننا نتأقلم معاها ونغير من سلوكياتنا ... دول العالم كلها وقت الزلازل والاعاصير والكوارث مش بيلاقوا كهربا ولا بنزين ولا أكل حتى .. ولكنها أمم متحضرة وبيعرفوا يتصرفوا ..
أزمة البنزين ممكن تتحل خلال يومين تلاتة بالكتير .. والحل تافه جدااااااااااااااااااااااا اااااااااااااااا
لو سمحتوا كل اللى معاه عربية وبيروح بيها مشاوير ممكن تتقضى بالمواصلات يتفضل مشكورا يركن عربيته ف الجراج ويستحمل يومين او تلاتة ف المواصلات العامة .. والله والله لو نص الطوابير دي رجعت البيت هتتحل الأزمة خلال يومين او تلاتة ...
انا بقالي أسبوع بركب مواصلات ومترو وصدقوني مخسرتش اى حاجة .. ده حتى التنطيط ف المواصلات رياضة وتنشيط للدورة الدموية ..
أقسم بالله لو رجعت روح التعاون بين المصريين هتتحل كل مشاكلنا ... لكن للأسف مهما تغير النظام الحاكم هيقف عاجز امام همجية وتخلف المصريين ... ولا حول ولا قوة إلا بالله ... مبقاش فى حد بيحب البلد دي

المشاركة الأصلية كتبت بواسطة mr_selvester

حضراتكو متعرفوش ان في الاسماعيلية الي هي محافظة اوضتيين وصالة والي التاكسي فيها كان بياخد 3 جنيه في المشوار وبيبقي فرحان بقت الاجرة 5 جنيه
يعني انا لو حسبتها في مشوار واحد ممكن يكلفني حوالي من 15 الي 20 جنيه ... غير تناكة السواقيين الايامدي
طب تفتكر دا يرضي ربنا

ياباشا تعالى شوف عندنا في اسيوط التاكسي كان المشوار ب جنية ونص حاليا الاجرة عدت ال7 جنية وموضوع الازمات دي من وقت الثورة وهي شغالة عندنا مش بنلحق نشم نفسنا اساسا

انا معاك فى نقطه الجركن والالتزام بالطابور لكن تقولى 15 ولا 20 لتر فده كلام غير معقول...
مهو الواحد لما يقف فى طابور لمده 3 ساعات مثلا علشان يمون فهو أكيد تانكه اوشك على النفاذ و لازم ولابد ان يقوم بالتفويل ..اصلى الواحد مش هيفضى كل يومين يروح يحط صفيحه ويمشى .. الكلام ده صعب

والخطا مش من الشعب.. ياما كان هناك شعوب متخلفه وركيكه لكن نهضت بادارتها وحكومتها من الترااااااب واكرر من الترااااب .. واحنا اللى عندنا مصادر كتييير لكن مفيش اداره سليمه ..حكومه فاشله بمعنى الكلمه..