رجاء بخصوص البنزين

**hossam_elwani** · 26-06-2013 12:57 AM

المشاركة الأصلية كتبت بواسطة mous6fa

مقدرش أقول غير إنه شعب متخلف لدرجة انه مقتنع إن كل مشاكل حياته بسبب رئيس الجمهورية .. أوعدكم بعد 30 يونيو مش هنلاقي رغيف عيش .. وكل ده بسبب تخلفنا كمصريين .. المشكلة فينا مش ف النظام ... المشكلة فيناااااااااااااااااااااا اااااااااااااااااااا ... عليا الطلاق أنا لا إخوان ولا سلفي ولا ليا دعوة بالتيار الإسلامي كله .. أنا واحد شايف إننا هنفضل ع نفس الوضع ده لعقود طويلة جداااااااااا لإن مهما تغير النظام الحاكم مش بيتغير الشعب اللى بيتحكم .. لو مغيرناش من نفسنا يبقى أقسم بالله لو ربنا بعتلنا رسول يحكمنا هيفشل برضو والناس هتنزل ف ثورة عشان تسقطه !!!!!!!!

+11111111111

**Elawany13** · 26-06-2013 01:14 AM

مصرع طالب فى محطة وقود بسبب الخلاف على أولوية الحصول على بنزين بمدينة نصر

مصرع طالب فى محطة وقود بسبب الخلاف على أولوية الحصول على بنزين بمدينة نصر - بوابة الأهرام

**felazhary** · 26-06-2013 04:22 AM

يا جماعة المشكلة فينا احنا المشكلة مش فى الاخوان ولا فى محمد مرسى ولا فى حسنى مبارك المشكلة فينا احنا وما فيش حاجة هتتغيير الا لما احنا كشعب نتغيير ( ان الله لا يغير ما بقوم حتى يغيروا ما بانفسهم)

**أحمد جودة** · 26-06-2013 09:10 AM

المشاركة الأصلية كتبت بواسطة tamatemo

احبائي اهالي القاهرة المنعمين اللي عندهم الازمة من امبارح

احنا مفحوتين في القصة دي من 3 اسابيع او اكتر

وبيجي علينا ايام بنحط جراكن

او تحط 10 لتر 80 علشان عربيت ما تعطلش

وال 10 لتر يدوبك يدويك الشغل واحتمال يرجعك منه

والمواصلات مفيش علشان مفيش سولار

والقطارات بتتاخر علشان الناس تكفر واجدع قطر يقوم متاخر مش اقل من ساعة "الاسباني علي فكرة "

وتيجي للبنزين بتمون وخلاص ولا انتا عارف دا 80 ولا 90 ولا 92 ولا بنزين صافي ولا مخلط واهو كله بيمشي

داخلين في شهر في القصة دي ولا حد حاسس بحاجة

بس انتم من قرصة يوم او اتنين مضايقين

اول ما الاعلام والحكومة والمجتمع يعرف ان مصر مش قاهرة وجيزة واسكندرية

هانعرف نتطور ونتقدم

اما لما منشوفش غير 3 محافظات يبقي عليه العوض

-------------------

المهم احنا كدا كدا بناخد احتياجتنا بس ومش بنعبي في جراكن ومش بنعمل حاجة تانية

الرك علي السبب الاساسئ في الازمة مين هوا او ايه السبب ربنا وحده اللي يعلم

والله عندك حق أنا اصلا من القاهرة بس فى زيارة حالياً للشرقية

والله الطوابير تقطع القلب ومش على الـــ80 لا والله انا شايف امبارح واليوم الطوابير على الـــ92 وبيقولو لتر البنزين 80 وصل 2 جنية واكتر فى السوق السودا فى الشرقية

الحمد لله معايا اكتر من نصف التنك يروحني وبالنسبة للطوابير اللى شفتها يبقي احنا فى نعمة ومعندناش ازمة

**أحمد جودة** · 26-06-2013 09:21 AM

انا متفق مع الفكرة تماما وكلام زي الفل بس صعب صعب صعب صعب من هنا لاخر طابور البنزين

أن الفكرة تتنفذ لان الشعب بقي فاققد الثقة فى كل من حوله حتي في نفسة

والله انا مقتنع بالفكرة بجد بس مقدرش اعملها لسبب ان ال10 لتر اللى هاسبهم دول احتمال يتباعو فى السوق السودا باضعاف تمنهم او ياخدهم واحد فى جركن او او أو ...............

على فكرة ومحدش يقول عليا اناني أنا مليت جركنين بنزين وشايلهم للطوارئ وبلاش والنبي حد يقولي كلام كبير وان دة سبب الازمة ومش عارف اية

ماهو لما واحد ياخد يومين تلاتة مشاوير فى منتهي الاهمية ولازم وجود العربية علشان حد كبير او مريض او او وتبهدل من ميكروباص لتاكسي لتوكتوك

يبقي اللى عملته الصح وعين العقل وعلى راي المثل الصعيدي لو خرب بيت ابوك الحق خدلك منه قالب وانا مخدتش غير شوية بنزين

تحياتي لكل الاراء بس ياريت مننساش ان المدينة الفاضلة لسة فى خيالنا احنا بس

**MMamdouh** · 26-06-2013 12:41 PM

المشاركة الأصلية كتبت بواسطة تامر.محمد

لو انت معاك اكل يكفيك 4 ايام ولقيت قدامك واحد مامعاهوش اكل خالص و بيقول لك اديني شوية , هاتديه الاكل بتاع اليوم الرابع , ولا هاتسيبه يموت من الجوع ؟

لو ضامن و متاكد ان فى اليوم الرابع هقدر اجيب اكل لاولادى و لنفسى هديلة.... لو مش ضامن يبقى مش هديلة

مع احترامى للرسالة المثالية اللى بنناقشها... مفيش حد اعز عند اى انسان من اولادة و نفسة

MMamdouh

**MMamdouh** · 26-06-2013 12:50 PM

المشاركة الأصلية كتبت بواسطة Samir Elshahawy

صراحة بأحييك علي تفكيرك و كلامك و ياريت اللي قرأ الموضوع يعمل به

أنا شخصيا دائما عربيتي بيكون التانك ممتلئ او علي الاقل نصفه و لما بتحصل أزمة بأعمل الاتي :
1- بأتجنب تماما أني أدخل محطة بنزين علشان أملأ التانك و أنتظر يوم أو يومين أو حتي ثلاثة أيام
2- باتجنب اعمل أي مشاوير مالهاش لازمة
3- لما بأمشي بالعربية بأحاول ألتزم بالسرعة أو السرعات الاقتصادية و بيساعدني علي كده الاوبشن الموجود في عداد العربية (لمبة الايكو - الاستهلاك اللحظي للبنزين / 100 كم)
4- و فعلا لم اقف في طابور للبنزين منذ ظهور أزمات البنزين حتي الان و الحمد لله و لم أتأثر بأي أزمة

بأختصار :
10 لتر بنزين تكفي لمسافة لاتقل عن 100 كم و لو نصف التانك ممتلئ يعني مش أقل من 20 لتر أي مايعادل 200 كم (الكلام ده لأي عربية) , يبقي هاتقدر تعمل مشاويرك المهمة لمدة 4 أيام

يعنى يا هندسة انت بتفول كل ما التنك يبقى نصة فاضى لان عربيتك دايما اما مفولة او نص تنك... و لما بتحصل ازمة مبتروحش تمون لمدة 4 ايام... طيب احنا فى ازمة دلوقتى تجاوزت اسبوع... هتعمل ايه؟

انا سامع ان طابور البنزين امبارح كان من اول بوابة 13 لحد بوابة 9...

طبعا الحاجات اللى قولت عليها لترشيد الاستهلاك دى هايلة و لازم كلنا نعملها سواء فيه ازمة او لا... احنا بنستهلك بنزين مدعم يعنى استهلاكنا الشخصى بيكلف الدولة و لو وفرنا فيه هيبقى فيه ترشيد للدعم فى بند الوقود ممكن يوجة لبند تانى محتاج دعم اكتر

الفكرة كلها الواحد يروح يمون امتى و يمون قد ايه...

انا شايف ان اللى يقف فى طابور ساعتين و تلاتة لازم يفول... كدة مش هيزور المحطة تانى الا بعد ما يخلص ثلاثة ارباع التنك على الاقل و دة فى المتوسط هياخد اسبوع... انما اقف و ازاحم الناس ساعتين تلاتة عشان احط 10 ولا 20 لتر عشان بعد يومين تلاتة ارجع ازاحم الناس تانى... مش منطقى الصراحة

و برضة اللى بيروح المحطة ميروحش الا لما يبقى عايز بنزين فعلا... يعنى مش يستهلك ربع التنك و يخش يفول تانى لمجرد انة يبقى مفول... هنا دى تبقى انانية لان فيه ناس تانية مش لاقية بنزين اصلا و انت معاك 3/4 تنك

MMamdouh

**MMamdouh** · 26-06-2013 12:55 PM

المشاركة الأصلية كتبت بواسطة felazhary

يا جماعة المشكلة فينا احنا المشكلة مش فى الاخوان ولا فى محمد مرسى ولا فى حسنى مبارك المشكلة فينا احنا وما فيش حاجة هتتغيير الا لما احنا كشعب نتغيير ( ان الله لا يغير ما بقوم حتى يغيروا ما بانفسهم)

لا يا راجل؟؟؟؟؟

يعنى البنزين فى البلد للركب و احنا اللى وحشين و عاملين زحمة على الفاضى؟؟؟

بذمتك انت مصدق اللى بتقولة دة اساسا؟؟؟؟

انا هسالك سؤالين:

شوفت كام محطة بنزين قافلة عشان مفيهاش بنزين؟

شوفت كام محطة بنزين عليها طابور؟

لو اجابتك هى "صفر" على السؤالين يبقى انت صح و احنا فينا مشكلة

لو جاوبت باى حاجة تانية يبقى الكلام اللى بتقولة ملوش اى علاقة بالواقع اللى احنا عايشينة

MMamdouh

-

الموضوع: رجاء بخصوص البنزين

LinkBack

أدوات الموضوع

عرض

-

-

-

-

-

-

المواضيع المتشابهه

رجاء بخصوص Compressin Test

رجاء الافاده بخصوص النيفا

هام بخصوص ال FM Transmitter ,رجاء الدخول

رجاء النصيحه بخصوص جولف 4

رجاء شرح عمل و مكونات طلمبة البنزين الكهربائيه و انواعها

الكلمات الدلالية لهذا الموضوع

المفضلات

المفضلات

ضوابط المشاركة