الموضوع: رجاء بخصوص البنزين

المشاركة الأصلية كتبت بواسطة dr_hassan1eg

كلام غلط ومتاكد ان صاحب الموضوع نفسه مبيعملوش
ولو مصر كلها دخلتا تفول ال 10 لتر يبقى مصر كلها هتقضى حياتها فى البنزينة
ولما تكون عايش فى بلد وزير بترولها مش معترف ان فيها ازمة بنزين
يبقى انا لو هينفع اركب فى شنطة العربية تانك احتياطى هعملها
وفعلا بفكر بجد فى كده
فوووووووووووووووووووووووو وووووووووق من النوم

مش عارف شفت فين ال10 دي , لأ 10 قليل فعلا , على الاقل 20 و بالكتير 30
عربيتي التانك بتاعها 60 لتر و كان فاضي خالص , و لما دخلت النهارده حطيت 30 لتر

المشاركة الأصلية كتبت بواسطة migo123

هو احنا بنلوم بعض على اننا بنفول عربياتنا .... وبنتهم اللي بيفول اناني
يا جدعان ده ابسط حقوقنا والله ... صب غضبك على المقصر والفاشل ... غاية المساعدة في الظلم هو الامتناع عن انتقاده والتبرير له ورمي كرة اللهب في حجر الشعب

كلامك صح , بس في حالة حدوث الازمة و بيننا و بين بعض لازم نفكر اكتر في بعض , و اللي هياخد حاجة عشان يأمن نفسه بعدين , يسيبها لواحد مزنوق فيها النهارده

المشاركة الأصلية كتبت بواسطة mr_selvester

حضرتك بتتكلم عن اننا نشيل بعض طب انا هقولك موقف صغير اوي
ان رحت افول علشان انا مسافر تاني يوم وطبعا خفت اني الصبح ملاقيش بنزين
نزلت الساعة 9 ونص راجع الساعة 3 الفجر
دورت علي بنزين في جميع مناطق الاسماعيلية
بنزين 80 زحمة نار وانا مليش فيه ... الجاز زحمة اكتر وبرضه مليش فيه ... 92 بالظبط بنزينتين في الاسماعيلية او 3 الي فيهم بنزين
رحت افول وطبعا زحمة جدا من بنزينة علي طريق الاسماعيلية بورسعيد الكيلو 11
اللتر بيتباع ب 2 جنيه تفويلة العربية عليها 5 جنيه سواء فولت بلتر او اتنين او عشرة او كانت فاضية
قلت املي جركن علشان الظروف الجركن 10 لتر عاوز يبيعهولي ب 30 جنيه اقسم بالله 30 جنيه ولما اتخانقت علي الجركن صاحب البنزينة راح ناتشو وقالي عليا الحرام من ديني منت اخدو ودلقوا علي الارض
عارفيين يعني ايه 10 لتر يتدلقوا علي الارض وغير 10 جنيه اتاوة علشان الطابور وكدا
غير خناقة مع العرب الي بيحكوا البنزينة واتقالتلي بالنص امشي بدل مندفنك هنا ومحدش يعرفلك طريق ...

يعني من دا كلو تفتكر اني اخد كام لتر يمشوني واتعرض لنفس الاهانات الي اتعرضت ليها دي ... مع اني راجل محامي مش بلطجي ولا رايح سايق توكتوك

لا حضرتك فول التانك كله و لو تقدر تاخد تانك تاني خد كمان :)
الكلام ده لا يشمل ظروفك دي اكيد , ربنا يكون في عونك :)

المشاركة الأصلية كتبت بواسطة tamatemo

احبائي اهالي القاهرة المنعمين اللي عندهم الازمة من امبارح
احنا مفحوتين في القصة دي من 3 اسابيع او اكتر
وبيجي علينا ايام بنحط جراكن
او تحط 10 لتر 80 علشان عربيت ما تعطلش
وال 10 لتر يدوبك يدويك الشغل واحتمال يرجعك منه
والمواصلات مفيش علشان مفيش سولار
والقطارات بتتاخر علشان الناس تكفر واجدع قطر يقوم متاخر مش اقل من ساعة "الاسباني علي فكرة "
وتيجي للبنزين بتمون وخلاص ولا انتا عارف دا 80 ولا 90 ولا 92 ولا بنزين صافي ولا مخلط واهو كله بيمشي
داخلين في شهر في القصة دي ولا حد حاسس بحاجة
بس انتم من قرصة يوم او اتنين مضايقين
اول ما الاعلام والحكومة والمجتمع يعرف ان مصر مش قاهرة وجيزة واسكندرية
هانعرف نتطور ونتقدم
اما لما منشوفش غير 3 محافظات يبقي عليه العوض
-------------------
المهم احنا كدا كدا بناخد احتياجتنا بس ومش بنعبي في جراكن ومش بنعمل حاجة تانية
الرك علي السبب الاساسئ في الازمة مين هوا او ايه السبب ربنا وحده اللي يعلم

معاك حق , كان الله في عونكم

المشاركة الأصلية كتبت بواسطة mmamdouh

و انا اضمن منين الاقى بنزين بكرة لو حطيت 20 لتر بس النهاردة؟؟؟؟؟؟؟؟؟؟؟
mmamdouh

لو انت معاك اكل يكفيك 4 ايام ولقيت قدامك واحد مامعاهوش اكل خالص و بيقول لك اديني شوية , هاتديه الاكل بتاع اليوم الرابع , ولا هاتسيبه يموت من الجوع ؟

المشاركة الأصلية كتبت بواسطة sameh_fouad

طيب هو طبعا صاحب الموضوع مشكورا ان عرض اقتراح زى دة , ممكن يخلى الناس قلبها على بعض , بس معلش ياباشا
الكلام دة ممكن ينطبق على دولة غير مصر او شعب غير الشعب المصرى
ياباشا احنا الشعب الوحيد اللى ممكن يضيع حياة بنى ادم عشان رغيف عيش , تخيل بقى بنزين وخصوصا لو كان دة من مصادر رزقة
يعنى شوف كام مواطن بيمون عربيتة هنقول 10 مليون مواطن هل تفتكر اننا لو 100 واحد اقتنعنا بالحل دة , هل هنقدر نطبقة اكيد لأ وهقولك لية
لو انت عربيتك مافيش فيها غير 20 لتر فطبعا هتقول انا مش همون هخلى حد غيرى يكون محتاج بنزين او عربيتة هتفصل منة بنزين , يستفيد بيهم .
طيب تماما مانت معلش ياباشا انت محتاج مثلا فى اليومين مش اقل من 15 لتر فى الزحمة اللى احنا فيهم والبنزين المغشوش اللى بيطير بسرعة , واكيد مش هتروح تمون وعربيتك على التانك الاحتياطى , لانك هتعمل حساب انك هتلف لفة محترمة على البنزين يبقى انت بردة بدل ماهتمون بنزين والعداد عندك على الاحتياطى لأ هتروح ممون العربية وعلى الاقل العربية فيها 10-15 لتر , وساعتها هتفول عربيتك لانك مش ضامن الظروف اية اللى يحصل , يبقى 10-15 من 20 لتر مش فارقة كتير
- ياباشا صدقنى الواحد من اللى بيشوفة وهو واقف فى طابور البنزين بيقول ياريت كان عندى تانكين من تانك واحد او تانك 100 لتر عشان استريح من القرف والزهق دة
تخيل نفسك واقف 3 او 4 ساعات تمون فى الشمس الحارقة دية , وانت ونصيبك ياتمون يامتمونش بعد كل دة
ربنا معانا ويعديها على خير , عمر الازمة ماكانت كدة مرة واحدة ( بنزين - سولار )
وعلى فكرة محدش عارف السبب هل مفتعلة ولا وضع اقتصادى بيمر بمرحلة صعبة, ولا عدم وعى سياسى , ولا فلول عشان يوقعوا البلد ولا ولا ......... الخ , الواحد بقى عامل زى التاية فى البلد دية وكلنا مربوطين فى ساقية ومغمين عنينا ومش عارفين مين الصح ومين الغلط

متفق معاك في كل كلمة , لكن برده احنا من مصلحتنا الجماعية اننا يبقى قلبنا على بعض , لو النواة بدأت ب100 واحد فهي مع الوقت ممكن تزيد , و لو ما زادتش فكفاية ثوابها اللي في ظني كبير , تخيل انك النهارده فيه واحد كان هايمشي بعربيته فاضية و هايلوص , و انت السبب انه مشي عربيته فيها بنزين و راح على بيته او شغله على طول و عرف يقضي مشاويره

المشاركة الأصلية كتبت بواسطة adam87

انا مقتنع جدا كلام جميل بس غير عملي يتنفذ ازاي محدش يقولي ابدأ بنفسك احنا كلنا علي بعضنا هنا في نايل موتورز نعمل كام في المية من السيارات في مصر . ده غير طبعا الناس اللي هتمر مرور الكرام عالموضوع ومش هتنفذ منو حاجة . وعايزك تفهم كويس اوي ان حتي اخر عربية اللي انت هتعتبر انقذتها مش هتسيبلك الشوية اللي انت سيتهملها

انا بقترح ان الموضوع ييجي من فوق ازااااااااي ؟. انه يبقي الحد الاقصي مثلا 20 لتر وطبعا نلتزم بالجزء بتاع السلوكيات والاخلاق الامور هتمشي وهتعدي علي خير ان شاء الله

و الله حاولت مع بتاع البنزينة النهارده قال لي ما نقدرش , مع ان وطنية كانت بتعمل كده فعلا