السلام عليكم ورحمة الله وبركاتة ازيك يا دكتور وعامل اية وصحتك عاملة اية دلؤتى ان شاء الله احسن دائما
ثانيا تم تغيير زيت وولف امس الحمد لله ومعرفتش اغيرة من عندهم بتاريخ انتاج احدث كما توقعت وقالولى دة احدث انتاج عندهم وهو 25/8/2012 بالرغم انى لقيت من الزيت المعدنى عندهم انتاج حديث جدا شهر 4/2013 ولاكن التخليقى دة احدث انتاج عندهم حاجة غربية فعلا وعموما قالولى يا فندم الزيت صلاحيتة 5 سنوات وهو متبرشم طبعا انا مسدئتهمش علشان كلام حضرتك اللى قولتوهولى وهو سنة سواء داخل الموتور او خارجة او متبرشم فقولت هما بيقوللى كدة وخلاص علشان يبيعوا وخلاص بس عموما بعد ما تم التغيير الانطباع الاول هدوء صوت الموتور بدرجة تخض وايضا انخفاض صوت الموتور بدرجة كبيرة عند ار بى ام عالى 5 و 5.5 ودة غالبا عند تغيير اى زيت جديد بس طبعا مش بالدرجة الكبيرة دة الصراحة ولسة تحت التجربة ويا رب يستمر هذا الاداء الفظيع طول مدة الاختبار والمدة بتاعتة وعموما ان شاء الله مسافر اسكندرية بكرة فهشوف الزيت بردة على السرعات والتكييف علشان يكون الحكم علية بصدق وامانة ودقة اكثر
والف شكر يا دكتور على الاختيار الموفق دة وتشجيعى على تغيير هذا الزيت وثقت حضرتك فية وانقال خبراتك لينا لنستفيد من خبرتك العظيمة فى هذا المجال وربنا يجعلة فى ميزان حسناتك ان شاء الله
ان شاء الله اعمل تقرير على الزيت خلال 5000 كم الاولى من عمرة ليكون التقرير بصدق وامانة اكثر والحكم يكون اكثر دقة و تحت جميع الظروف للاستفادة العامة و ايضا يكون كلامى بناء على تجارب اكثر ليكون تقرير وافى ان شاء الله ومتنسناش يا دكتور ايضا بتقاريرك العظيمة و الوافية عن هذا الزيت خلال فترة اختبار حضرتك لية ومعلش طولت على حضرتك ودة من عشمى والله
والسلام عليكم ورحمة الله وبركاتة
المفضلات