السيارة المستعملة التى يجب ان تتجنب شراءها ... خصوصا للاسرة متوسطة الدخل

**Samir345** · 20-07-2013 12:40 AM

الموضوع ده مهم جدا و بالفعل حصل معايا .... كانت اول عربية اركبها و كنت غشيم عربيات .. كانت تويوتا كورونا موديل 85 و الكلام ده كان 2005...المهم كان شكلها جميل و فيها كل الكماليات و ناعمة طبعا لانها ياباني..لكن بعد فترة من الاستعمال (حوالي سنة) بدأت معاناتي مع قطع الغيار الغالية جدا ده اذا لقيتها اساسا...المهم مش هطول عليكم خسرت فيها حوالي 30000 جنيه بعد استعمال 3 سنين ... ما حدش بيتعلم ببلاش

**aliabdo** · 20-07-2013 01:48 PM

انا فاكر اول عربيه اشتريتها كانت مازده 323 هاتش بصراحه شربتها تمام و لا عفشه و لا موتور و لا اى حاجه هى بس كان شكلها حلو ههههه بس الحمد لله اتعلمت

**husseinoo** · 23-07-2013 02:32 PM

المشاركة الأصلية كتبت بواسطة madman2002

اول عربيه جبتها فى حباتى كانت ال 132 .. 1600 سى سى .. تقيله جدا فى بيعها ... قطع غيارها متوسطه ... وبصراحه خسرت فيها جامد جدا

وسبحان الله بعد ما بعتها جالى ليها عشرين مشترى :))

اعتقد ان اصعب حاجة فى 132 استهلاك البنزين ... والله اعلم

**husseinoo** · 23-07-2013 02:33 PM

المشاركة الأصلية كتبت بواسطة aliabdo

انا فاكر اول عربيه اشتريتها كانت مازده 323 هاتش بصراحه شربتها تمام و لا عفشه و لا موتور و لا اى حاجه هى بس كان شكلها حلو ههههه بس الحمد لله اتعلمت

المازده 323 عربية ممتازة وقطع الغيار متوفرة ... لكن حظك انك اشتريت سيارة تعبانة

**husseinoo** · 23-07-2013 02:37 PM

المشاركة الأصلية كتبت بواسطة samir345

الموضوع ده مهم جدا و بالفعل حصل معايا .... كانت اول عربية اركبها و كنت غشيم عربيات .. كانت تويوتا كورونا موديل 85 و الكلام ده كان 2005...المهم كان شكلها جميل و فيها كل الكماليات و ناعمة طبعا لانها ياباني..لكن بعد فترة من الاستعمال (حوالي سنة) بدأت معاناتي مع قطع الغيار الغالية جدا ده اذا لقيتها اساسا...المهم مش هطول عليكم خسرت فيها حوالي 30000 جنيه بعد استعمال 3 سنين ... ما حدش بيتعلم ببلاش

يا نهار ابيض .... هو فعلا اليابانى مشكلة .... كل 3 او 4 سنين موديل جديد وبنفس الاسم .... يعنى تجد التويوتا اشكال والوان .... لكن احسنهم والله اعلم تويوتا الملكة تسعينات .... فى منها كتير وقطع غيار متوفرة لكن سعرها النظيف منها حوالى 45 الف على الاقل خلاف كده
هاتلاقى
تويوتا كورولا
تويوتا ستارليت
تويوتا كورسيدا "ودى حمارة شغل ... يعنى تقدر تقول عليها البيجو فى الخليج|
تويوتا كورونا
الخ

**husseinoo** · 23-07-2013 02:43 PM

المشاركة الأصلية كتبت بواسطة aliabdo

بغض النظر عن ماركه العربيه الى حتشتريها اهم حاجه تتاكد من
حاله العربيه عموما انها مش متهانه اى عربيه سليها ليها زبونها الى غاويه
حاله الصاج و الطلاء الخارجى و الاهم الداخلى و يا ريت تجيب متخصص امين فى الموضوع ده عشان معظم الصنياعيه معندهموش ضمير عن تجارب كتير
تاكد من حاله الموتور و العفشه و الات الجر و الفتيس
حاله الكوتش و متقولش مش فارقه انت بتشترى عربيه على اقصى حدود ميزانيتك فحرام تشترى كوتشى ب 2000 جنيه كمان و لا حاجه لو الكوتش متبهدل نزل فى سعر العربيه و ده ينطبق على اى شئ اخر
بص للعربيه من الامام و الخلف بدقه شويه شوف شكلها متناسق و كويس و لا

المهم بقى لو لقيت فى العربيه مشاكل و شغل عايز يتعمل بلاش منها احسن عشان حتتعبك قوى لو كان الموضوع سهل زى ما بيتقالك كان صاحبها عمله و مبعهاش ؛ الوقفه على تصليح عربيه مش سهل و لا رخيص الحاجه الى بتقدرها ب جنيه فى الغالب بتصرف 5 و ده لو عرفت تعملها صح

اهم حاجه قبل الشراء الاستخاره ثم الاستخاره

هو فعلا خلاصة القول
العربية حالة
يعنى تلاحظ ان الناس اللى ربنا فاتح عليها تقدر تشترى عربيات زيرو
وموش هاتلاقى فى الغالب اى مشاكل حتى ولو كان الموديل جديد وموش منتشر لان العربية زيرو
وبعد اربع سنين على الاقل يبدأ يفكر يبيعها
وانت وحظك
اهم حاجة حالة العربية
كل حاجة بثمنها
كاوتش العربية
بطارية العربية
سمكرة
دوكو
فرش
فوانيس وشبكة وكهرباء
ضبط زجاج ... الخ
عفشة ... وما ادراك ما العفشة .... اعوذ بالله
وطبعا الماكينة والفتيس

اهم حاجة حالة العربية
والاكيد ان الحدياة مابترميش كتاكيت
يعنى عمرك ما هتلاقى عربية رخيصة لجمال عيونك
لازم فيها حاجة
ممكن يكون بسبب ان الوديل قديم
وطبعا احيانا يكون الموديل قديم لكن السيارة ممتازة ... زى البيجو 504 او 504 او البيتلز 1300

مع اطيب التمنيات
اخوكم حسين غزالة

**husseinoo** · 23-07-2013 02:48 PM

المشاركة الأصلية كتبت بواسطة hamodaa

فولكس واجن (بيتلز) عربيه رهيبه سريعه جدا و تستحمل و قطع غيارها كلها اصليه و مضمونه بس عيبها انها ضيقه ياعنى تلاته ع الكنبه بالعدد وواحد جنبك و شكرا على كده ازيد من كده العربيه بتكحت فى المطباط عشان هيا اساسا العربيه واطيه لوحدها بس مع تجربتى مع العربيه دى انها جميله جدااااااااا انا معايا بقالها سنه و شغاله زى الفل الحمد لله بس بئا كل شويه واحد ييجى يقولى حد يركب عربيه خنفسه او قرده و شويه تهزيق كده اقولو عشان انت جاهل و ماتعرفش قيمه العربيه دى

حبيب قلبى
الفولكس البيتلز لا يشتريها الا اللى بيحبها وغاويها
وقبل الشراء سوف تجد الكثير من الناس اللى حواليك يحذروك من شراءها .. وفى الغالب عن عدم علم بها
ورغم ذلك تصمم على شراءها
فيها حاجة تشدك
العربية طبعا ممتازة بكل المقاييس
وقطع غيارها اعتقد متوفرة جديد واستعمال ومواتير تسقيط كمان

عيبها من وجهة نظرى
الكنبة الخلفية ضيقة
سعر اعادة البيع "تقيلة شوية فى بيعها"

يعنى لو كنت شاب
او اغلب مشاويرك لوحدك ومعاك حد كمان
يبقى مافيش اى مشاكل
عربية ممتاز بمعنى الكلمة
والنظيف منها هايكون فى رنج 12000 الف جنيه وانت طالع لحد ما توصل 25000 الف جنيه
نفسى اشترى واحدة ممتازة
وربنا يسهل ان شاء الله

مع اطيب التمنيات
اخوكم حسين غزالة

**husseinoo** · 23-07-2013 02:52 PM

المشاركة الأصلية كتبت بواسطة survival

الاكسيل الاوتو الكورى - كل اللى يشوفها يقولى الاوتو بتاع الاكسيل دا كح و وحيش و فيه كل العبر و مش هتعرف تبيعها - الحقيقة ان فعلا الفتيس بتاعها سواء كان الكهربا او الواير فهو جيد نسبيا و سعره استراد من 900 - 1200ج و غيرته مرة عشان الميكانيكى بوظهولى منه لله
بس العربية نفسها لو نظيفة مش هتلاقى زيها بالسعر دا - اوتوماتيك و باور و ازاز كهربا وتكييف و صالون واسع و قطع غيار رخيصة و اى حد بيفهم فيها.
يعيبها العفشة الضعيفة و استهلاك البنزين حوالى 210كم فى الصفيحة جوا البلد من غير تكييف و ان قطع غيارها قلت لحساب الفيرنا.
لما حبيت ابيعها قولت للسايس بتاع الجراج بعد ساعتين جالى اتنين و فعلا بعتها.

لكن كفئة سعرية اللى احلى منها الدوجان او الشاهين.

ههههههههههههه استهلاك ضعيف 210 داخل المدينة
الشكوى دى لو كانت العربية 800 سى سى
خلاف كده اعتقد ان ده استهلاك ممتاز خصوصا داخل المدينة والله اعلم

**husseinoo** · 23-07-2013 02:55 PM

المشاركة الأصلية كتبت بواسطة nescafio

أنا كان معايا قبل الجوليت فولكس بيتل

ولغاية دلوقتى ندمان إى بعتها عربية فعلاُ أسطورة

العربية كانت موديل 1972 وبعتها بعفشتها بتاعة الفابريكة ( صدق أو لا تصدق ) حاجة

فوق الخيال

عربية خفيفة جداُ عالأرض وبالرغم من كدة ثباتها رهيب لما بتجرى طبعاُ الألمان الله يباركلهم

عاملين فيها شغل أيروديناميك عالى جداُ العربية كنت بجيب بيها 140 وتجميعها كان سريع جداُ

وتقدر تغرز بيها وتتشقلب وتعمل كل اللى نفسك فية عربية بسيطة جدا ودة سر قوتها

عربية تتعشق من أول ما تركبها وبجد تحس إنك راكب عربية والله لما كانت معايا كنت بتنطط بيها على أى حد وكنت حاسس إن معايا جوهرة ولا زلت

الله يبارك الله أخدها هو كان عقيد فى الجيش وأول لما أخدها إترقى

وما بيركبش غيرها دلوقتى نظراُ لإنها عربية جامدة جداُ فى المطاردات وتقلب أجدعها عربية

وملمومة جداُ من الداخل وسواقتها أسهل من السهولة لإنك بتبأة شايق جوانب العربية كلها

أما الرفارف فادية بتاخد على أبعادها بعد كام مشوار

مشكلتها إنها قطع غيارها غالية بس معمرة بشكل مدهش

بجد أنا ندمان أشد الندم إنى بيعتها وإن شاء الله هاشترى واحدة تانية

ههههههههههههههه
انا افتكرت ان فيه نوع جديد من البيتلز اسمه جوليت
ههههههههه
روحت ادور عليها واشوف صورتها
كده يا مان
كل سنة وانت طيب
كلامك سليم 100%

الموضوع: السيارة المستعملة التى يجب ان تتجنب شراءها ... خصوصا للاسرة متوسطة الدخل

LinkBack

أدوات الموضوع

عرض

-

-

-

-

-

-

-

المواضيع المتشابهه

هل من الممكن القضاء على جنون الأسعار للسيارات الألمانية المستعملة (خصوصا مرسيدس)

كيف أكشف عن عيوب السيارة المستعملة؟

هل لودهنت السيارة بالكامل ده يعيبها (خصوصا لو رشيت السقف)

اسئلة واجاباتها عن جسم السيارة المستعملة

الكشف على السيارة المستعملة

الكلمات الدلالية لهذا الموضوع

المفضلات

المفضلات

ضوابط المشاركة