الموضوع: السيارة المستعملة التى يجب ان تتجنب شراءها ... خصوصا للاسرة متوسطة الدخل

المشاركة الأصلية كتبت بواسطة reda elgohary

فيه موديلات قديمة زي الآودي ، والميتسوبيشى ، صعب تلاقي لهم قطع غيار .

السلام عليكم ورحمة الله وبركاته
لكن الميتسوبيشى موديلاته اعتقد انها كثيير
عشان ما نظلمش العربية
يا ريت نحدد الموديل او السنة ... لان ده بيفرق فى العربيات خصوصا اليابانية ... كل 3 او 4 سنوات تلاقى موديل جديد وبقطع غيار جديدة

مع اطيب التمنيات
اخوكم حسين غزالة

لا يمكن تلاقي عربية مثالية كل عربية ليها عيوب وليها مميزات ولازم توازن بين الإثنين وتشوف الأول أيه المواصفات إللي إنت عايزها في العربية علشان ممكن تكون المواصفات دي هي عيوب العربية دي لكنها مميزات عربية أخري وهكذا ... أنا وجعت دماغك ... بإختصار زي كل شيئ في الكون الكمال لله وحدة!!!

المشاركة الأصلية كتبت بواسطة yousefsemsem

في ناس بتحذر من شراء عربيات بس مش عارف ليه بالرغم ان الحرفين فيها ام الحنه انا مره شوفت هناك نص همر
كان معايا 128 عربيه بصراحه كانت من انضف العربيات اللي ركبتها وكنت سافر بيها في اي حته الحمد لله ماتعبتنيش خالص ومكنتش فاتحه بؤها الحمد لله خدتها من طنطا لمطروح رزع ماريحتش الا في العلمين ابص علي الميه وكملت اعاده بيعها كسبت فيها الحمد لله مبلغ محترم واشتريت بروتون ويرا
الناس حذروني منها اوي والوالد نفسه مكنش حاببها وكان عاوز اخليني ابعها باي شكل لكن ماركبها معايا وجرب اد ايه بتستحمل وقطع الغيار موجوده وفي العادي خالص لقيته جاب لواحد صاحبه عربيه زيها

السلام عليكم ورحمة الله وبركاته

[color="rgb(0, 100, 0)"]يا اخى برغم ان ناس كثيير بتحب الـ 128 ... وبرغم ان مقتنع تماما انها سيارة عملية جدا جدا .... وقطع غيارها متوفرة ورخيصة وكل الميكانيكية بتفهم فيها
لكن موش عارف ليه مابفكرش فيها
مع انها سعرها مهاود .... وعربية سهلة فى صيانتها وعملية ومناسبة للاسرة المتوسطة الدخل

لكن انا دائما اميل الى السيارات الالمانى
بحبها جدا
احب السيارة "الجولف" طبعا جولف 2 لان سعرها مناسب
واحب الفولكس "بولو"
واحب السيات "ابيزا"
واعشق الفولكس "بيتلز"

لكن بخاف موت من موضوع قطع الغيار
بالنسبة لإعادة البيع
موش مهم عندى
كل اللى بفكر فيه ان يكون عندى سيارة وموش مهم هاتفضل معايا اد ايه ؟
المهم انى بحبها

مع اطيب التمنيات
اخوكم حسين غزالة[/color]