الموضوع: السيارة المستعملة التى يجب ان تتجنب شراءها ... خصوصا للاسرة متوسطة الدخل

ممكن يقصد انواع بعينها من المتسوبيشى..مثل الجالانت

في نقطة مهمة جدا أنا لبستها ...
أي عربية تشتريها ...لاااااااااااااااااااااا� �ازم تشوف الأول ملفها في المرور ...علشان ايييييييييه ؟!!
لو طلعت تاكسي ...
إياك ثم إياك أن تشتري عربية تاكسي لأها بتكون متهالكة وطلعان عينها ...
أنا أول عربية اشتريتها ستروين ax وكنت مستغرب جدا انها متهالكة كدة ...أتاريها طلعت كانت أجرة !!!!!!!!
كل قطعة طبعا بتقعد شهر ولازم تتغير ....والعفشة طبعا كانت متبهدلة والكهرباء مهترئة ...
طبعا ما أقدرش أقول ان الستروين وحشة لأن العربية اللي أنا جبتها كانت أجرة

الستروين قطع غيارها فيها مضروب ...مش أي صنايعي بيشتغل فيها ...الصنيعية بيكرهوا يشتغلوا فيها لعدة أسباب :
1 - الميكانيكي بيكرهها عمى لأن حوضها ضيق جدا والو هيشتغل شغلانة في أي عربية ب 20 هيشتغلها في الستروين ب 40 !!!
2 - عداد السرعة باظ فرحت لبتاع العدادات علشان يفك التابلوه طلع عين أهله وأخد مني 60 جنيه تقريبا مصنعية لأنه قعد يفكه بتاع 3 ساعات !!!!!!!!!!!!
3 - الكهربائي اللي رحتله كان عند البحث الجنائي في صقر وكان شغال في جاك بتاعت الستروين وكان خبرة فيها آخر خمسين حاجة بس كان غالي جدي ....
بس لما رحت لكهربائي غيره مرة طلع عيني وقعد يشتكيلي من كهربة الستروين ...فيبدو ان مش أي حد برضو بيفهم فيها ...
الستروين تعتبر عربية واطية وبتحك في المطبات كتير وعربية ضيقة
هي عربية كويسة لو شاب هيشتريها وموارهوش عيال يصرف عليهم يبقى يصرف شوية عليها لأنها عربية محتاجة صنايعي فاهم وقطع غيار محترمة ....
لكن نصيحتي الأخوية : لو أسرة متوسطة الدخل ...فبلاش ستروين لأن مفيش حاجة ببلاش ...هتشتري نعومة العربية بفلوس كتير ...ده غير ان الصنايعية هيتطوعوا ويبوظولك فيها :)
هات عربية أي صنايعي يسد فيها ...مش علشان يصلحها ...لا أبسوليوتلي ...علشان حتى مايبوظهاش :)
أنا متعقد جدا من صنايعية مصر أصلي :)

بالرغم مع افضلية السيارات الالمانية وكفاءة السيارات اليابانية وقوة السيارات الامريكية ولكن بحكم خبرتى لسنوات طويلة فى تجارة قطع غيار السيارات اجد ان النصيحة توجب ان افضل السيارات لمحبى الاقتصاد والتوفير هى السيارات الفيات والاعلى منها طبعا ويكون اكيد اريح وانعم هى السيارات الكورى زى الفيرنا واللانوس مثلا وطبعا عندنا فى اليابانى اللانسر فهى سيارة يابانية واقتصادية ممتازة.
ولكم الشكر محلات احمد محرم

اول عربية ركبتها كانت كورولا 84 هاتش باك .. كانت هايلة بكل المقاييس .. عفشة ناعمة .. تجميع يخدمك وقت اللزوم .. بس كانت بتاكل بنزين اوي بس دة كان عيب في البوجيهات واتظبط مع الوقت .. قعدت معايا من 2000 لغاية مابيعتها في نوفمبر الي فات .. وقبلها بسنتين كان عندي اختها بس موديل 2002 والاتنين بتوع ابويا والاتنين اول يد ليه

قعدت عارضاها للبيع لمدة سنتين ورا بعض كل الي يجيلي يقوللي 15 الف واللي يقوللي عشرة لان دة سعرها السوقي ومفيش حد غاوي يقدرها .. غير بقى نوعية الزباين اللي كلموني .. معظمهم اصحاب ورش وعاوزين ينقلوا بضاعتهم عليها .. النوعية دي لو دفعت لي 50 الف في العربية مكنتش حبيعها ليهم اكيد ..

رغم ان العربية فابريكا جوة وراشة حزام برة ومامشيتش كتير خالص عدادها 60 الف تقريبا واترفعت اكتر ما اتركبت عشان ابويا مش عايش في مصر .. فكل الي يشوفها يقوللي حرام تبيعيها دي على حالتها تجيب اكتر من تلاتين مرتاحة ومحدش حيعرف يقدرها صح .. في الاخر بابا نزل مصر وصدفة كان نازل يشتري حاجات راح مشرف امن العمارة عندنا قالله واحد قريبي عاوز يشوف عربية بنت حضرتك .. خمس دقايق وكان مخلص فيها ب 19 الف من ورايا وانا الي جالي فيها 26 الف وقولت لا .. لا وعشان رخصتها انتهت من تلات شهور فراح بابا مجددهاله ودفع ضريبة وتأمين مبلغ محترم .. يعني في النهاية اتباعت برخص التراب .. زعلت عليها جدا