الموضوع: السيارة المستعملة التى يجب ان تتجنب شراءها ... خصوصا للاسرة متوسطة الدخل

المشاركة الأصلية كتبت بواسطة husseinoo

السلام عليكم ورحمة الله وبركاته
الكورولا 84 عربية محترمة جدا جدا
نعومة وسحب غير عادى
وتوفير فى البنزين بشكل رائع
كل حاجة عشرة على عشرة
لكن لما الواحد بيحتاج قطع غيار ... خصوصوا لو كانت قطع غيار غريبة شوية
مثلا قواعد موتور
او اكرة العربية
او حتى فانوس
هنا يظهر الرخامة واللف الكثيير عشان تلاقى حجتك
هاتلاقيها لكن بعد تعب شوية

لكن بالنسبة للعربية مافيش اى كلام عليها برغم انها 84
يعنى لو نسيت نفسك
ممكن العربية تعدى الـ 110 كيلوا فى منتهى السهولة
على طول لازم ترفع رجلك شوية من على البنزين
خصوصا لو كنت موش غاوى جرى جامد

مع اطيب التمنيات
اخوكم حسين غزالة

وعليكم السلام ورحمة الله وبركاته يا استاذ حسين

فعلا قطع الغيار بتاعتها قليلة ولو لقيتها بتبقى غالية .. لفيت كتير اوي على المحلات لما العربية جابت جوانات من واحد من المشترين اخدها لف بيها مع قريبي عشان يجربها ونسي يحط لها مية كفاية .. الله يسامحه بقى .. والله انا لحد مابعتها ماركبت فيها غير جوانات وطقم السيرفيس ومارش وسيور ويمكن بابا غيرلها مساعدين في سنة من السنين .. كانت عربية حمالة قسية ولفت مصر في الفترة الي والدي بيكون فيها في مصر .. وشدت بيا صح على طريق الواحات عديت بيها ال 100 كيلو .. ربنا يبارك لك في عربيتك يارب :)