الموضوع: هوا ليه موضوع السخونة×الطوالي لسه متحلش

أخر التطورات ياجماعة...أمبارح نزلنا أشترينا رادياتير جديد نحاس 3ماسورة بكل لوازمة من علب ورقاب وقلل وترموستات وبرضوا الحرارة في الحبشتكانات ههههههههههههههههه والله العظيم 3 كنت عارف م الأول أنه مش عيب راديتير!!!!!!!
علي أي حال الرادياتير الجديد نضيف أوي والميه مابتنقصش منه ملي واحد حتي بعد مشوار بتاع 3ساعات ع الدائري في عز الولعة
بس برضوا أحقاقا للحق بأه العربية أه لسه بتسخن في الطوالي والمؤشر بيسرح لفوق بس مش مع نفسه أوي زي الأول بصراحة...دا غير أنه بيرجع ينزل في وقت قياسي جدااااااا بمجرد مالسرعة تقل عن80....علي عكس الأول لما كانت العربية تفضل طول أي مشوار طوالي تاكل في نفسها
كمان أنا عارف أن المؤشر كداب وبيبالغ في السخونة بس دا مايمنعش برضوا أن العربية بتسخن بدليل لنبة الزيت اللي بتقعد ترعش خفيف ع السلانسيه بمجرد أما أهدي السرعة بعد فترة من الجري
بس اللي أخدت باللي منه أن الترموستات اللي عندي 68-82 والمروحة لما بتشتغل بيكون المؤشر ع ال90بالظبط ودا يدل أن المؤشر بيهجص شوية بس مش أوي يعني
هافكركم في يوم م الأيام أن الليلة دي كلها هاتطلع سكة عادم وفرن ماتور عين واحدة اللي بمجرد مايتغير بفرن أتنين عين العربية هايتغير أداءها 180 درجة
مسيري أفكركم بغض النظر بأه الماتور اللي عندي بتاع ريجاتا ولا لأ

المشاركة الأصلية كتبت بواسطة ahmed_h_g

من الأخر
سيب الموتور يجيب أخره وغيره علشان المشكله داخل الموتور نفسه
ومتدخلش نفسك فى عمره وكلام فاضي

والله ياريس أنا شايف أن تغيير المواتير ده يفضل لما تكون عربية موديل حديث وأستحالة كفتجية الخراطة والميكانيكة بتوعنا يعرفوا مقاستها ويعمروها ويرجعوها ولو حتي بنص معدل كفاءاتها من الزيرو
أنما مواتير العربيات القديمة أو مايطلق عليها مجازا بالكنب سهل خراطتها وتعميرها وأعادتها لحالة قريبة جدا من حالة الزيرو لأنها ببساطة كانت حقل تجارب لعشرات السنين في أيدين الخراطين والميكانيكية علاوة علي أن تكنولوجيا تصميمها بدائية جدااااا مما يسهل لأي عربجي واخدها عافية صيانتها وتصليحها والخروج بنتائج مبهره جراء عجنه فيها
وعلي فكرة اللي أكتشفته مؤخرا أن اللي باعلي العربية الله يسامحه بأه كان مغيرلها ماتور أستيراد وأخر مازهق من موضوع السخونة المبالغ فيه ده قرر يبيعها وجيه العبد لله ولبسها!!!!
وطالما أي ماتور أستيراد بطيخة مقفولة زي مابيقولوا وطالما العربية موديل قديم وفيه أمل كبير في الخروج بنتايج مرضية من العمرة بشرط النزول وأختيار قطع الغيار بنفسي علاوة طبعا علي الأختيار الجيد للخراط والميكانيكي اللي هاتعامل معاهم....يبقي أفضلي أعمر ماتوري وأرجعه لحالة قريبة من حالة الزيرو بدل مانزل أشتريلي ماتور أستيراد وارد جدا يطلعلي فيه بلاوي أستحالة تظهر غير بعد تركيبه وتجربته لشهور