الموضوع: الكلام النهائى بالنسبة للإيموبيليزر و ال ebd فى البيجو ال 301 من الكتالوج

المشاركة الأصلية كتبت بواسطة 2CODE

مش بتكلم الا لما بكون متأكد من كلامي 100% لا تعليق
ومن غير تعصب للعربيات او لماركة معينة لا تعليق
علشان كده مش عايزك يا فندم تتعصب لعربيتك او لماركة معينة
العربية 301 زي الفل بس مش بالمواصفات الخارقة اللي انت بتتكلم عنها :)
ايوه فيها ABS ايوه فيها ايرباج لكن مفيش EBD وكمان EBA !!!!!!!! لا تعليق, الصدمة شديدة

صدقني كان الوكيل كتبها زي ما كاتبها في الريو ومش كاتبها في السيراتو الجديدة - علشان السيراتو الجديده مفيش فيها EBD لكن موجود فيها ABS
هو هيتكسف لما يكتب الـEBD بقول لحضرتك ده يزيده فخر ان عربيته فيها موزع فرامل لان ده هيغلي عربيته !!!!!!!!!!!!!!!!!!!!!!!

انت عايزني اقرا كل اللي انت كتبته ده دا انت كتبت صفحتين مش عارف اولهم من اخرهم

ورغم كل ده مأثبتش "نهائياً" هل البيجو فيها EBD و EBA و ايموبلايزر ولا لأ

بدل ما تقعد تكتب كل ده اثبت كلامك "والبينه على من ادعى"

وبلاش كلام زمان ده بتاع ان العربية اوروبي يبقى هتنزل بكذا وكذا وكذا standard حتى لو مش موجود
بلاش الفكر القديم ده اتحرروا بقى من الغرب

يا سيدي انا نفسي يكون كلامك صح احنا عايزين عربيات نضيفه بس بلاش تدافع من غير وجه حق
اثبت كلامك الاول ان عندك EBD و EBA و ايموبلايزر وتعالا قول لي بعد كده ومره تانية "البينة على من ادعى"

البوست اللي جاي دا مخصوص لأستاذ محمد أبراهيم عشان يطمن,
وعشان يبقي يتأكد من الحاجة 100% بعد كدا قبل ما يتكلم كدا,,

ويتصل حتي بالتوكيل قبل ما يهاجم العربية ويقول مفهاش دي ومفهاش من غير ما يكون عارف هوا بيتكلم عن أيه,

المشاركة,

المشاركة الأصلية كتبت بواسطة amrelsaqqa

كلمت توكيل بيجو المعادى النهاردة
في الاول الراجل بتاع السيلز تقريبا مكنش عارف يعنى ايه ايموبلايزر ههههههه او ماسمعش كويس بقى الله اعلم
المهم لما قلتله مفتاح مشفر فهم ، وقاللى اه فيها ، و اكد ان اي مفتاح لازم نعرفه على الكمبيوتر عشان يدورها
غير كدة لو حد عمل على المفتاح اخره يفتح الباب بس ، مايدورهاش

واكد برضه وجود الـ ebd

لنك المشاركة,,
http://www.nilemotors.net/Nile/37352...post3875141858


وطبعاً صور الكتالوج في أول الموضوع,,



وطبعاً بيجو بينزل فيها ال ABS وال EBD وال ASR وAirbag أساسي Standard في كل الفئات, من الأولي المانيوال للهاي لاين.
ومش مكتوب أنها ممكن تختلف من بلد ل بلد, زي ماكنت بتحاول تقارنها بصورة الأيرباج اللي هوا Optional من كتالوجك,

يعني البيجو الأمان فيها أساسي, مش زي الريو بنزل قرعة ومش بينزل فيها أصلاً ABS ولا EBD في أول تلات فئات,,


وعلي رأي أستاذ محمد,

المشاركة الأصلية كتبت بواسطة mohamed hussei

رد صغير للناس الي بتقول العربية دي للعالم التالت طيب ياعم للعالم تالت مانت عربيتك نازلة كمليات بالقطارة
هتقولي اصل توكيل هنا وحش وحرامي ومش عارف هقولك هي لو شركة كبيرة وبتخاف علي اسمها كانت نزلت كمليات قالت دية اساسية مش عجبك متشتريش

بيس يا مان,

المشاركة الأصلية كتبت بواسطة on1touch

ياجماعه هو انتوا ليه بتقولوا ان ال 301 فءة الريو مش السيراتو مثلا ؟ ثانيا الامكانيات اللي فيها زي امكانيات الكروز 2013 مع فرق 20000 في السعر ؟ انا بشتري كروز بصراحة بتغريني جدا امكانيات وثبات ع الطريق ومقصورة كبيره ومنظمة وشيك جدا عكس ال 301 خالص و بالصدفه البحته قريت موضوعكم عن ال301 رجعت لنقطة الصفر تاني .. انتوا السبب بقي مش عارف هعمل ايه بعد ماقررت

ياريت تسأل السؤال في مكان واحد,
وأنا رديت عليك في الموضوع دا,,
http://www.nilemotors.net/Nile/37325...post3875144586



مع أحترامي ليك, متجبش اللوم علي حد ولا تقول أنه السبب,, أنت سيد قرارك.!

والبيجو محدش قال أنها مفروض تتقارن بريو,, عشان نقول أنو الصح أنها تتقارن بسيراتو.!

اللي خلا ناس كتير تقارن البيجو 301 مع الريو الفترة اللي فاتت,, هوا فرق السعر ما بينهم لأنهم في نفس الفئة السعرية,,

أما لو هتقارن البيجو مع السيراتو الجديدو فأنت بتتكلم في فرق سعر كبير يبدأ من 50 ل 70 ألف جنية لو هتقارن العربيتين ببعض من البيز لاين للهاي لاين,
ومفيش حد بيقارن ما بين عربيتين بالشكل دا,,

بسعر السيراتو الجديد وسعر الكارينز العجيب ممكن تقارنهم بأوكتافيا, أو بيجو 3008 أو 308SW
أو حاجة من الحاجات الاوربي النضيفة,

فا الناس بتشوف معاها كام, وممكن يجيب عربية أيه وفيها مواصفات أيه بالسعر دا,,
وفي الأول والأخر كل واحد بيشوف عربية أنسب ليه حتي لو مكنتش أحسن صفقة في السوق,

أنا عن نفسي شايف البيجو أفضل صفقة في السوق من الكوري عموماً,
لأن الراحة في الأوروبي أعلي عن الكوري ودي مش محتاجة أحكي عليها ممكن أنت تجربها, والثبات والأمان نفس الكلام.

كفاية أن البيجو بتنزل من أول فئة فيها ABS+EBD+Airbag
والريو بتنزل فاضية مفهاش ولا حاجة من دووول, غير لما تجيب الهاي لاين.!
وتقولي نقارنهم ؟!!


فا أنت أقرأ عن العربيتين اللي بتقارنهم ببعض, أو شوف أيه اللي في السوق في رينج المبلغ اللي معاك,
وشوف أيه اللي في كل واحدة ومش في التانية, وشوف أيه اللي يناسبك وربنا يوفقك في الأختيار,

الكيا السيراتو مثلاً الناس كانت بتروح لها من 2008 معا أنها كانت كوري ومكنش حد بيحب أيامها الكوري ولا الصيني,
بس كله راح لها لأنها كانت نازلة في رينج ال 120 وهاي لاين فيها حساسات ركن وكاسيت mp3 وكلها حركات ودلع,, علي عكس الكوري اللي كان موجود من دايو وفيرنا.

ومن 2008 كانت هيا اللي بدأت تعمل أسم للكوري وحببت الناس فيه,
لأنها كانت بتديهم مزايا كتير مع سعر معقول, في الوقت اللي الأوروبي فيه مكنتش كل الناس بتقدر عليه مع سعرة الغالي وطبعاً تمنه فيه, وصياناته المكلفة,
في الوقت اللي كان كل السوق التفكير فيه لانسر وكورولا والباقي أوروبي.


أما دلوقي الأمر أختلف كلياً, الكوري سعرة زاد بشكل خوزعبلي.!! وبقي يديك مواصفات أقل في عربية زي الريو الجديدة مقارنة بالبيجو301,
وبقي كمان أغلي من الأوروبي زي السيراتو الجديدة والكارينز اللي سعرها مش مبرر.!

في حين إن الاوربي زي البيجو 301 سعرها معقول جدا بالنسبة لمواصفاتها وبالنسبة لعربية أوروبي بتدي راحة في السواقة وأمان عالي وتاريخها معروف, وقطع غيارها كمان سعرها في رينج الكوري يعني مش غالية,

فا أنت تاني أقرأ عن العربيتين اللي بتقارنهم ببعض, أو شوف أيه اللي في السوق في رينج المبلغ اللي معاك, وربنا يوفقك في الأختيار.

تحياتي ليك.