مشكلة في فتيس الميجان 2006

**hayoub26** · 01-09-2013 03:44 PM

المشاركة الأصلية كتبت بواسطة leitosr

طبعا اللي قالك الكلام دا

دا يعني,, لا تعليق عليه.!!
المشكلة مشكلة فتيس وهبدة في الفتيس مش مشكلة ماتور وبوجيهات, !!!

وبالنسبة للهبدة اللي أنت بتحكي عليها دي, بيكون سببها إن العربية بتاخد الغيار الأول متأخر,
ودا بيكون ليه أسباب كتير, خلل أو تهريب في الضغوط, أو قلة زيت أو قلة لزوجة زيت,,
والموضوع مالوش علاقة بالجوانات وأنا اول مرة أسمع المصطلح دا, أعتقد قصدة علي الشنابر.!

بغض النظر عن المصطلح, الموضوع اللي عندك ليه علاقة بالبلوف اللي بتتحكم في الضغوط الخاصة بالغيار الأول والتاني,
وكمان لزوجة الزيت,
فأنت أبدء بتغير زيت الأول, قبل ما تفتح في الفيس وتعمل شغل,, ويكون العيب زيت ناقص أو محروق.

كان معانا عضر هنا غير الجوانات أو الشنابر دي في توكيل رينو العامرية, والعيب رجع له تاني بعد شهر.
http://www.nilemotors.net/nile/257940-a.html

وأنا أعرف واحد غيرهم في فتيس بيجو, اللي هوا نفس الفتيس بس الكود بتاعه مختلف,
وبعد ما طلع بالعربية بقي كل ما يقف علي مطب وهيا علي d متطلعش بيه بيه مهما داس بنزين.!
يعني نفس العيب أتكرر تاني,

فأنت أبدء بتغير الزيت ونشوف بعدها هيستمر العيب ولا لأ.

شاكر ليك جدا و على الرابط .. فعلا المشكلة بينسبة 90 % هي مشكلتي... انا ممكن اروح توكيل المقطم و اعمل نفس الكلام اقولهم عايز اغير شنابر ديل الفتيس و الزيت على مسؤليتي و اهو اكيد شغل التوكيل اضمن من شغل عادل او اي ميكانيكي بره ,, و هي نفس التكلفة ... و لو ان عادل حايبقى هو المسؤل لأنه متأكد و بيقول على مسؤليته مش زي التوكيل ... حاتبقى على مسؤليتي انا .. ايه رأيكم ؟.

**medo99_pc** · 01-09-2013 10:34 PM

اتاكد من مستوى زيت الفتيس, لو رياده يعمل نتشه معاك بين الاول والتاني

**hayoub26** · 02-09-2013 02:23 AM

المشاركة الأصلية كتبت بواسطة medo99_pc

اتاكد من مستوى زيت الفتيس, لو رياده يعمل نتشه معاك بين الاول والتاني

انا اتأكدت مستوى الزيت و كان كويس...

**Ahmed Amin** · 02-09-2013 10:31 AM

المشاركة الأصلية كتبت بواسطة hayoub26

شاكر ليك جدا و على الرابط .. فعلا المشكلة بينسبة 90 % هي مشكلتي... انا ممكن اروح توكيل المقطم و اعمل نفس الكلام اقولهم عايز اغير شنابر ديل الفتيس و الزيت على مسؤليتي و اهو اكيد شغل التوكيل اضمن من شغل عادل او اي ميكانيكي بره ,, و هي نفس التكلفة ... و لو ان عادل حايبقى هو المسؤل لأنه متأكد و بيقول على مسؤليته مش زي التوكيل ... حاتبقى على مسؤليتي انا .. ايه رأيكم ؟.

لو أنت نفس مشكلتك اللي هيا في الرابط بتاعت العضو shawkylotfy
يبقي أنت عندك نفس الموضوع, وأنا كنت فهمته غلط أول مرة لما قال من المشكلة رجعت من شهر, وأنا فهمتها رجعت بعد شهر, يعني كويس إن العيب راح لسنة ونص,,
طبعا كدا مش علاج قطعي, بس أحسن من أنك تمشي بالفتيس كدا أو تخاطر بفتيس أستيراد يكون فيه مشاكل تانية وتكلفة فتيس جديدة,
فتيس بيجو وستريوين اللي هوا AL4 المفروض هوا نفسه بتاع الميجان DP0
بس واضح كدا أنهم نفس البلوك بس, والقطع اللي جوا مختلفة,

لأن عندنا في البيجو والستروين في حل المشكلة دي بنغير البلوف أو الالكترو فالفز المسؤلة عن ضغط الزيت وبتحل المشكلة,
أما في الميجان من تجربة شوكي تغير الشنابر حل المشكلة ودا مش بيحلها في البيجو,!!
ومشوفتش حد قبل كدا قال أنو غير بلوف في الميجان عشان كدا الموضوع دا مخليني مستغرب,,
هل محدش جرب يغير البلوف قبل كدا في الميجان وشاف العيب راح ولا لأ, ولا المشكلة مش بتتشخص كويس..؟!
حتي رقم البارت بتاع الالكترو فالفز في البيجو والستروين غير الرينو, والرينو بتاخد زيت فتيس مختلف وأرخص كتيييير من زيت البيجو وسيتروين,

المهم بالنسبة لمشكلتك هيبقي أفضل طبعاً أنك تعملها في أقرب توكيل رينو ليك عن عادل أو غيرة من الميكانيكة,,
وأنا عن نفسي مش برتاح للعسكري والكلام اللي بيتقال عليهم بيبقي حاجة,
والنتيجة اللي بتاخدها الناس لما بتروح لهم بتبقي حاجة تانية خالص,,

فأنت أفضلك تروح تعملها في التوكيل لأن هناك عندهم العدة اللازمة لكل حاجة هتتفك وهتبقي عدة خاصة برينو, وكمان تضمن أنك واخد قطع الغيار الأصلية, ومش مضروبة.
وكمان في التوكيل ليهم نظام معين شغالين بيه في الفك والتركيب, ونضافة المكان في التوكيل مش هتتوفر في الحرفيين, وأي شغل في الفتيس محتاج مكان نضيف ومنظم جداً وإلا هتاخد نتايج مش مرضية.

فأنت أتوكل علي الله وغير الشنابر زي ما شوقي غيرهم وحلت له المشكلة,
وطبعاً هيغيرو لك الزيت كمان بالزيت الأصلي,, والأتنين دول هيفرقو معاك في ظبط الضغوط جامد.
وهيبقي أحسن من أنك تفكر في فتيس أستيراد أو عمرة كاملة,

سؤال بقي جانبي لشوقي وميجي بوي,
متعرفوش حد غير قبل كدا السولنيد فالفز بتاعت الأول والتاني في الرينو وحلت معاه المشكلة النتشة او الرزعة وفرق الضغوط دي.؟
أحنا عايزين نوصل لسبب وحل المشكلة لو كان فيه, مش علاج مؤقت لأن واضح إن فيه حاجة تانية بتضر الضغوط بعد فترة من تغير القطع سواء شنابر او بلوف ضغط.

**Ahmed Amin** · 02-09-2013 05:20 PM

المشاركة الأصلية كتبت بواسطة hayoub26

سألت طارق اللي في الهرم.. قالي العربية ماشية اد ايه ؟ قولتله 80 الف km... قالي يبقى ان شاء الله تغيير الشنابر حاينجح..

لما بتبقى ماشية كتير التجربة دي مش بتنفع لا الفتيس نفسه بيبقى تعبان
و لما بنغيرله طقم الشنابر و نحكم الضغط الفتيس اداءه بيبقى اسوأ ,,
و ساعتها تضطر تجيب واحد استيراد

ومقلتلوش ساعتها,, لا والله.؟!!

**Hany Saad** · 02-09-2013 05:36 PM

المشاركة الأصلية كتبت بواسطة LeitoSR

لو أنت نفس مشكلتك اللي هيا في الرابط بتاعت العضو shawkylotfy
يبقي أنت عندك نفس الموضوع, وأنا كنت فهمته غلط أول مرة لما قال من المشكلة رجعت من شهر, وأنا فهمتها رجعت بعد شهر, يعني كويس إن العيب راح لسنة ونص,,
طبعا كدا مش علاج قطعي, بس أحسن من أنك تمشي بالفتيس كدا أو تخاطر بفتيس أستيراد يكون فيه مشاكل تانية وتكلفة فتيس جديدة,
فتيس بيجو وستريوين اللي هوا AL4 المفروض هوا نفسه بتاع الميجان DP0
بس واضح كدا أنهم نفس البلوك بس, والقطع اللي جوا مختلفة,

لأن عندنا في البيجو والستروين في حل المشكلة دي بنغير البلوف أو الالكترو فالفز المسؤلة عن ضغط الزيت وبتحل المشكلة,
أما في الميجان من تجربة شوكي تغير الشنابر حل المشكلة ودا مش بيحلها في البيجو,!!
ومشوفتش حد قبل كدا قال أنو غير بلوف في الميجان عشان كدا الموضوع دا مخليني مستغرب,,
هل محدش جرب يغير البلوف قبل كدا في الميجان وشاف العيب راح ولا لأ, ولا المشكلة مش بتتشخص كويس..؟!
حتي رقم البارت بتاع الالكترو فالفز في البيجو والستروين غير الرينو, والرينو بتاخد زيت فتيس مختلف وأرخص كتيييير من زيت البيجو وسيتروين,

المهم بالنسبة لمشكلتك هيبقي أفضل طبعاً أنك تعملها في أقرب توكيل رينو ليك عن عادل أو غيرة من الميكانيكة,,
وأنا عن نفسي مش برتاح للعسكري والكلام اللي بيتقال عليهم بيبقي حاجة,
والنتيجة اللي بتاخدها الناس لما بتروح لهم بتبقي حاجة تانية خالص,,

فأنت أفضلك تروح تعملها في التوكيل لأن هناك عندهم العدة اللازمة لكل حاجة هتتفك وهتبقي عدة خاصة برينو, وكمان تضمن أنك واخد قطع الغيار الأصلية, ومش مضروبة.
وكمان في التوكيل ليهم نظام معين شغالين بيه في الفك والتركيب, ونضافة المكان في التوكيل مش هتتوفر في الحرفيين, وأي شغل في الفتيس محتاج مكان نضيف ومنظم جداً وإلا هتاخد نتايج مش مرضية.

فأنت أتوكل علي الله وغير الشنابر زي ما شوقي غيرهم وحلت له المشكلة,
وطبعاً هيغيرو لك الزيت كمان بالزيت الأصلي,, والأتنين دول هيفرقو معاك في ظبط الضغوط جامد.
وهيبقي أحسن من أنك تفكر في فتيس أستيراد أو عمرة كاملة,

سؤال بقي جانبي لشوقي وميجي بوي,
متعرفوش حد غير قبل كدا السولنيد فالفز بتاعت الأول والتاني في الرينو وحلت معاه المشكلة النتشة او الرزعة وفرق الضغوط دي.؟
أحنا عايزين نوصل لسبب وحل المشكلة لو كان فيه, مش علاج مؤقت لأن واضح إن فيه حاجة تانية بتضر الضغوط بعد فترة من تغير القطع سواء شنابر او بلوف ضغط.

أنا عن نفسى كنت مغير سولونويد فالف قبل كده بس كانت أعراض مختلفة عن المره دى.....رزعه جامدة مش و أنا بفرمل لأ دى كانت وسط ما أنا سايق يعنى بينقل من أول لتانى مثلا و طاخ عينك متشوف إلا النور هبده جامده و راح على الsafe mode و طلع الرسالة check gear box

أتنين solenoid valve بيتغيروا مع بعض للأمان مع طبعا الزيت و reprogramming للgearbox ECU

المرة دى العيب مختلف تماما....هو lag فى تعشيق الأول طلوعا و نزولا....الغيار الأول فقط....تانى تالت رابع و ريفيرس كله تمام....النقل فى الطوالى ما بين الأربع غيارات تمام....كل المشكلة وقت الوقوف التام أو بداية التحرك فقط و لاغير....مفيش أى رسائل error بتظهر....تهريب ضغوط و ليس عيب قطعة معينة

**Ahmed Amin** · 03-09-2013 12:57 AM

المشاركة الأصلية كتبت بواسطة Meggieboy

أنا عن نفسى كنت مغير سولونويد فالف قبل كده بس كانت أعراض مختلفة عن المره دى.....رزعه جامدة مش و أنا بفرمل لأ دى كانت وسط ما أنا سايق يعنى بينقل من أول لتانى مثلا و طاخ عينك متشوف إلا النور هبده جامده و راح على الsafe mode و طلع الرسالة check gear box

أتنين solenoid valve بيتغيروا مع بعض للأمان مع طبعا الزيت و reprogramming للgearbox ECU

المرة دى العيب مختلف تماما....هو lag فى تعشيق الأول طلوعا و نزولا....الغيار الأول فقط....تانى تالت رابع و ريفيرس كله تمام....النقل فى الطوالى ما بين الأربع غيارات تمام....كل المشكلة وقت الوقوف التام أو بداية التحرك فقط و لاغير....مفيش أى رسائل error بتظهر....تهريب ضغوط و ليس عيب قطعة معينة

الله ينور, تسلم إيدك يا معلم علي التوضيح,

قلت كل اللي في بالي وكنت محتاج حد يأكده, وأيه اخبار الجيربوكس معاك دلوقتي.؟

انا حالياً عندي العيب التاني زي اللي كان عند شوقي ان العربية بتغيب قي انها تاخد الغيارالاول بعد ما تقف عشان مطب او زحمة عال كورنيش,
وبعدين بتاخد الأول برزعة لما تيجي تطلع وهيا عال D وتطلع بهبدة أكن حد خبطك من ورا.

وكله كان بيقولي غير الاتنين سلونويد فالف وكله هيبقي تمام, بس انا مكنتش بقتنع لاني كنت قاري قبل كدا ان لو كان فيهم عيب كانو هيدو في الغالب gearbox fault او check gearbox

وانهم كان فيهم عيب في الموديلات والقطعة القديمة اللي كان البارت نمبر بتاعها 2574.10 واتعدل في القطعة الجدة اللي رقمها 2574.16.
الكلام دا طبعاً بالنسبة للفتيس AL4, والرينو بتاخد نفس البلوف بس ببارت نمبر مختلف لانه مش بيطلع من مصانع PSA. بس اللي بيشتري البلوف دي من شركة غير بيجو او رينو بيركبو علي الفتيسين عادي ومعني كدا انهم نفس المواصفات.

اخر حاجة بالنسبالي العربية بتعمل الهبدة دي وبتتأخر في انها تاخد الاول بعد فترة من السواقة جوا البلد خصوصاً في الزحمة ولما تسخن,
غير كدا انا لو علي سريع وماسك خط طوالي ووقفت لمطب او كمين وطلعت تاني مبتعملهاش,,

فا أنا عندي شك كبير إن المشكلة مشكلة حرارة, وممكن يكون ليها علاقة بالكولر بتاع الفتيس ودورة التبريد.
او الفلتر لان الزيت لما بيقل ويسود بيعمل رايس وبيسد او بيأثر علي الفلتر ودا بيضعف الضغوط.
وبيبقي تغير الزيت مسكن لكن مش علاج لأن الفلتر لسه متوسخ من الزيت المحروق القديم.
او الشنابر زي ما ناس قالت انها بتحكم الضغوط, ومش بتطلع رسايل عيب بما انها اجزاء ميكانيكية ومش زي البلوف هيا اللي بتدي رسايل.
واخر حاجة واحد قالهالي انو غير البلوف مظبطتش معاه, بعدين غير القربة ال Torque converter والمشكلة راحت تماماً.!
ولسه مش عارف العيب من ايه في دوول.؟!