الموضوع: مشكلة في فتيس الميجان 2006

المشاركة الأصلية كتبت بواسطة hayoub26

أولا انا قرأت الرابط بتاع شوقي و المشكلة اللي حضرتك بتوصفها اللي عندك دلوقتي غير مشكلة شوقي.... مشكلة شوقي لما يجي يهدي او يقف و دي فعلا بعد ما سألت كتير واضح انها مشكلة شنابر .

مين اللي قالك أن مشكلتي غير مشكلة شوقي, أنت كدا هتلخبط نفسك,,

المشاركة الأصلية كتبت بواسطة hayoub26

المشكلة اللي عند حضرتك لما تيجي طالع الأول او لما تهدي في مطب بعد مشوار طويل بحيث تكون العربية سخنت و تيجي طالع برده على الاول تحصل الهبدة زي ما ححضرتك وصفتها تماما و هي دي بالظبط بالظبط مشكلتي.

طيب أنت بتقول إن دي مشكلتي تمام.؟ ودي فعلاً مشكلتي أنا مقولتش حاجة,,
بس أقري مشاركة شوقي تاني بيقول أيه,,

المشاركة الأصلية كتبت بواسطة shawkylotfy

السلام عليكم
كان عندى مشكلة فى فتيس الميجان DP0 وتحلت وقولت اشارك علشان الكل يستفيد.

المشكلة : لو انت ماشى بسرعة ووقفت فى اشارة المفروض العربية بتنقل من الرابع او الثالث للاول ... العيب ان العربية بتغيب جداا فى الاول .. وتروح متعشقة للاول بهبدة جااامدة..

هيا هيا نفس المشكلة يا باشا,

المشاركة الأصلية كتبت بواسطة hayoub26

بس انا مش فاهم انت قولت في الأخر انها اتحلت ... انا مافهمتش يعني اتحلت بعد تغيير ال Torque و لا ايه ,,, ارجوك وضحلي أكتر وممكن نتكلم على التليفون ؟

أنا هكلمك بس أنا أحب أفيد باقي الزملاء هنا باللي أنا أعرف وعرفته,,
ونستفيد من بعض عشان الموضوع دا يهم ناس كتير من مالكي الرينو وبيجو وستروين وعشان نوصل لحل خصوصاً ان الموضوع بقي حيوي وفيه مشاركات كتير,,
أنا لسه محلتهاش, ولسه متعايش معاها,,
في واحد اللي حلها عنده قالي إن سبب المشكلة الأساسي هوا ال Torque Converter
اللي بيقولو عليها الأربة عندنا, عشان هيا شبه الأربة, وهيا بتكون ما بين الفتيس الأوتو والموتور,
زي كدا ما بيكون فيه أسطوانة دبرياج ما بين الفتيس المانيوال والماتور, نفس المكان.

لأن هيا اللي فيها أكبر كمية زيت في الفتيس, وهيا اللي بتعمل فرق الضغوط الأساسي,
الشنابر ممكن تكون بتحكم الضغوط اللي جوا الفتيس أه لما بتتغير,
لكن علي حسب ما فهمت أنها بتهلك وبتبوط من ضغط القربة لو وحش,,

حتي لما أنت بتفضي زيت الفتيس عشان تغيرة, بينزل لك بتاع 2 ل 3 لتر, وبيفضل جوا القربة حوالي 3 لتر تانين, ولو الزيت دا وحش بيتخلط علي الزيت الجديد.
وبتبقي عملت مسكن للمشكلة لكن مش علاج,

الراجل اللي قالي علي موضوع القربة دا أو الTorque Converter
كان غير البلفين قبل كدا في التوكيل والزيت, ورجعت له المشكلة بعد شهر,
وبعدين واحد قاله إن القربة هيا السبب, وغيرها عندها وبيقولي من ساعتها معملتهاش معاه.!

بس هوا لحد دلوقتي لسه مكملش سنة علي التغيير,,
لو عدي سنة ونص زي شوقي يبقي السبب الأساسي هوا القربة مش الشنابر,
بما أنها بيكون فيها زيت قديم ساعة غيار الزيت, وكمان بتعمل فرق في الضغوط,,

أما لو مكملش سنة ونص زي شوقي هيبقي فيه سبب تاني للمشكلة,
ومش هنقول إن الحل هوا الشنابر, لان الشنابر مكملتش سنة ونص رجعة تاني الرزعة دي,

وأنا عندي شك كبير إن السبب الأساسي زي ما كلنا قلنا في وسط الكلام "الحرااااارة"
لأن العربية مش بيبدأ فيها كل المشاكل دي إلا لما بتقف في الزحمة وبتسخن, أو راجعة من مشوار وسخنة,
ومش بتعمل الرزعة دي في الزحمة لو باردة ولسه خارج بيها,,
وساعتها في حاجة أخيرة لازم يتكشف عليها وهوا الكولر بتاع زيت الفتيس, ودورة التبريد الأساسية بتاعت المية لأنها بتبرد الفتيس برضه,
لانه الكولر لو مش بيبرد الزيت كويس, الزيت هيسخن بشكل أعلي ويتحرق بسرعة, وهيأذي البلوف والشنابر والقربة.
ودا شكله,
http://www.jpat.co.uk/dpoflyer.pdf

المشاركة الأصلية كتبت بواسطة hayoub26

سؤال تاني : انا عايز اغير مجموعة سير الكاتينة .. و انا اتعاملت مع واحد كان في التوكيل برده.. قالي عندي الماني (350) و عندي الأصلي (650) و مش عارف ازاي اعرف انه اصلي ؟ و عندي حاجة كده مش عارف تايلاندي باين بس بيشكر فيها جدا (450)... ولا اعملها في التوكيل ؟ و كام سعرها في التوكيل ؟

طبعاً طبعاً غيرة في التوكيل,,, !!!
لا ألماني ولا تايلاني بيشكرو فيه, سير الكاتينة لو مش أصلي وواحد حلف لك أنو مية مية وشكر فيه وركبتة وأتقطع,, أنت كدا لبست في عمرة وش سلندر وبهدلة.!!
وعلي أيه البهدلة دي ؟
كمان أنت هتاخد ضمان من التوكيل لو حصل حاجة هترجع لهم يصلحوها,
أما لو جبته وعملته بره هتصلح علي حسابك لو حصل غلط..

الفرق مش مستاهل أنك تعمله برة, دا غير إنك ممكن تعمل أي حاجة برة التوكيل,
إلا سير الكاتينة.