الموضوع: مشكلة في فتيس الميجان 2006

المشاركة الأصلية كتبت بواسطة MuhamedNabil

احمد باشا شاكلك متابع الموضوع ده, انت عملته عندك و لا لسة.
انا من 3 شهور كده كنت غيرت اويل سيل و طرمبة و فلتر الفتيس و زيت بس مكنش العيب ده ظهر.
انا حروح لشريف و اشوف اخباره ايه فى الشنابر.

أزيك يا بشمهندس محمد.
واحشني والله.

أنا فعلاً كنت متابع الموضوع مع بشمهندس hayoub26 لاني عندي نفس المشكلة زي مانت عارف.
وكنا عايزين نعملها بس المشكلة كان في الوقت ساعتها مكناش نقدر نستغني عن العربية لفترة لو حصل ضرر واحنا بنغير الشنابر وكنا قلقانين نعمل الموضوع دا غير لما يكون فيه وقت وواثقين منه.
بشمهندس حسن عملها من حوالي أسبوعين والعربية أتظبطت معاه ومبقاش فيه مشكلة الترزيع او التأخير في النقلات وخصوصاً الغيار الأول.
أتا لسه معملتهاش لاني مش بخرج كتير وكمان عندي ال (*) Snow mode دا بهرب بيه من المشكلة دي قبل ما تحصل ومش بيحصل لا تنتيش ولا ترزيع عشان بستغني عن الغيار الاول في الفترة اللي بتسخن فيها العربية وبيبدأ يهبد الأول فيها.

أنت غيرت كل الحاجات دي ليه ؟ ومين اللي عملك الحاجات دي ؟ وكلفتك كام ؟ أنت تعتبر عملت عمرة للفتيس.
المفروض اللي عملك الحاجات دي كان يبص علي الشنابر وكاوتشات البيستون كلاتش طالما فتح الفتيس وغير الطرمبة والفلتر عشان تاخد فتيس جديد وكل الضغوط تبقي محكومة والغيارات كلها تبقي مظبوطة معاك.

قبل ما تروح لشريف أبقي كلمني عشان أوصيه عليك أحنا لسه مغيرين فتيس ٤٠٦ عنده أمبارح في عربية واحد صاحبي ومظبطين الاويل سيلات والفالف بادي ولو احتاجنا زيارة تانية ممكن نروح له مع بعض.