الموضوع: وعندك كمان مشكله في فتيس فانتازيا 2010 :(:(:(

تابعت الموضوع والردود ........ شىء ممتاز وشكرا للجميع

المشاركة الأصلية كتبت بواسطة leitosr

يا محمد باشا الشكر لله,,
وأسمح لي أقتبس ردي من التوقيع بتاعك, أنا سعيد انك سألتني السؤال ده

الحقيقة دا مش مجال شغلي,, أنا غاوي وبحب العربيات والمواتير من وأنا صغير أوي,,
والمعلومات دي كلها وصلت لها عن بحث في نفس المشكلة في فتيس العربية عندي,,

فا كنت بقرأ كتير في الموضوع وسألت ناس كتير عشان أعرف سبب المشكلة, قليل اللي كان فاهم والدنيا مكنتش واضحة في الردود,
لأن ساعات المشاكل بتبقي شبه بعض في الأعراض بس حلها مختلف.

وبعد ما لاقيت ناس كتير مش فاهمة وناس بتفتي واللي زعلني أن معظم اللي أفتو غلط وكانو مش فاهمين كانو من التوكيل ومراكز الخدمة,,
فقعدت أقرء في المواضيع دي أكتر من المنتديات الأجنبي وتجارب الناس هنا وبرة,,
عشان لاقيت إني كنت هدفع تكلفة للتوكيل ومش هاخد نتيجة ولا العيب هيتصلح, وحسيت من كلامهم أنهم هيجربو عليا,, :copy of rfds:
وممكن يضحك عليا وألبس في حاجات ملهاش علاقة بمشكلتي زي ما كان هيحصل مع صاحب الموضوع من قلة ضمير المهندسين والتشخيص الغلط,,
لأنو مينفعش يقوله كلام زي اللي أتقال, وكان أكرم له أنو يسكت أو يقول مش عارف,!
بدل ما يقوله غير فتيس وفالف بادي في عربية جديدة وكل المشكلة كانت في تغير زيت,, وتنضيف الزيت القديم من الجير بتغير علي فترات أقل لو كان نازل محروق أو ناقص,,

والحمدلله إن ربنا سترها معايا إني متورطتش مع التوكيل ومراكز الخدمة في تغير قطع ملهاش لازمة,,
ولا مشيت ورا كلام الناس اللي قالت لي فتيس أستيراد وبهدلة العك دا,, :_alshmokh22[1]:
والحمدلله برضه إني عرفت سبب المشكلة دي عشان أتجنبها بعد كدا في أي عربية وبرضه أفيد ناس زي مانا أستفدت.

وشرف ليا أنك أستمتعت بردودي,,
أنا لما لاقيت الرد هيطول حبيت أضيف عليه شوية دعابة عشان ميبقاش تقيل علي النفس. :f_eyeb1[1]:

بصراحه أنت راجل محترم
ومش هقول لك غير ربنا يباركلك على العلم اللي بتفيد بيه غيرك وجازاك الله عن كل حد أنتفع بردودك خير إن شاء الله