الموضوع: تقرير مصور و تجربه قياده مرسيدس c250 م 2011 و مقارنه بال 316 F30

المشاركة الأصلية كتبت بواسطة Silent~Dream

تسارع 335 الاوتو 5.1 والمانوال 5.4 المرسيدس 6 ثوانى البى ام متحددين 250 ده على الورق لكن الراجل قال بالنسبه لطرقنا اللطيفه الجميله
مرسيدس عزلها افضل شويه و مريحه عن بى ام شويه

BMW 335i Sedan - Features & Specs - Specifications - BMW North America

Mercedes-Benz Egypt - Technical data - Models

واتاكدوا من على اليوتيوب ( الفيديو ده كمان فيه المرسيدس دفع رباعى و تسارع 6 ثوانى )

تسلم يا كبير و انت كده اكدت كلامي

المشاركة الأصلية كتبت بواسطة برنس الليالي

الله عليك يا باشا ... كان فين التقرير دا من زمان والله ما اخدت بالي منه !!

ما شاء الله انا اول ما شفت المرسيدس شفت حاجة فخمة جداً فعلاً وتناسب ناس كتير اوي

والـc250 عربية تحفة وفعلاً حكاية التسارع دي مظبوطة متشكش فيها طلاما هي فعلاً الـc250

وفعلاً في اخ هنا معرفة جرب المرسيدس وبيقول انها تتفوق جداً في حكاية الفرامل دي

سبحان الله الكمال لله وحده فعلاً وكل عربية فيها اللي يعجبك واللي يضايقك مهما طلعت بالفئة السعرية

-- بس انا شايف ان بجد عربيتك ما شاء الله عليها, عليها وقفة وحش كاسر مع اللون الابيض دا

واعشق حاجة اسمها تابلو البي إم بالرغم ان تابلوه البي إم معروف انه سيمبل

بس بجد عليها طرة تحفة مقارنة بطارة الـC بصراحة البي إم تكسب 1000% وهو نفس تابلو الـ1 Series

-- وفعلاً الخبير احمد الوكيل اللي كلنا بنتابعو بيقول ان الـ3 تتفوق على الـC بفرق كبير خصوصاً الـ328

وان العربية بتتحول بجد بعد خاصية الاسبورت بلس

تسلم يا باشا على التقرير وانا من اشد المعجبين بالـ3 وادائها الرائع وركوبتها اللي بتاخدك لعالم تاني

بس انا ليا سؤال عند حضرتك .. هي الـ3 مصفحة من الاسفل كويس عشان بس موضوع المطبات دا ؟

ولا بمجرد ما تاخد مطب حلو بعد اول عجلتين ممكن يزعلك جامد ؟

العفو يا باشا
و انا نسيت ابعتلك اللينك برضه زي ال a class

و زي ما قلت العربيتين مع انهم بيتنافسوا لكن كل واحده ليها روح و شخصيه مختلفه
و الواحد يختار اللي تناسبه اكتر

طبعا الاشكال دي ازواق و طبلوه المرسيدس الفيس لفت احلي بكتير من بتاعه حمايا و الحق يقال بحس فيه بفخامه و شياكه اكتر من البي ام اللي فيه روح رياضيه اكتر

و بالنسبه للون انا فعلا شايف الابيض احلي لون عليها بصراحه و للاسف مش بينزل الا علي ال 316 بس

و اعتقد ايوه العربيه مصفحه من تحت
و زي ما بقول لك الحمد لله ملبستش و لا مطب بيها و لما حكت مني كان في حفره مش مطب
و المرسيدس اوطي ب1 سم و برضه محكتش مني في طريقي خالص

المشاركة الأصلية كتبت بواسطة zegna

فعلا مهما طلعت بالفئة السعرية برضو هتلاقي عيوب تحس انها مافية والسوق محكوم مفيش فية العربية اللي تقدر تقول عليها لقطة لا كلوة معمول حسابة

مهو مفيش عربيه كامله طبعا
بس الواحد بيجيب العربيه اللي بتلبي اغلب متطلباته و حسب الاولويات اللي حاطتها

المشاركة الأصلية كتبت بواسطة damasry

شوية صور للسى كلاس الشكل الجديد

2014 Mercedes-Benz C-Class spy shots reveal S-Class-inspired panels - Photos (1/8) | CarAdvice



2014 Mercedes-Benz C-Class spied with more detail - Photos (1/6) | CarAdvice

تسلم ايدك يا زعيم
و زي ما توقعت في الاغلب هتكون ميني s class و ان كان وشها اقرب لل a class شويه و اعتقد ده عشان متبقاش كلاسيك قوي