الموضوع: بلونه في الكاوتش

البالونة ديه معناها أن السلك اللي في المنطقة ديه اتكسر من مطب جامد مثلا أو أنك مشيت علي الكاوتش و هو نايم و بالتالي المنطقة ديه ما فيهاش غير المطاط هو اللي بيقاوم ضغط الهوا. و بالتالي المنطقة ديه ضعيفة جدا و مع أي حرارة أو تحميل أو مطب ممكن تنفجر لا قدر الله.

يا باشا ارمي الكاوتش بسلاطاتة ببا غنوجة وهات واحد جديد انت هتضحي بنفسك وبالعربية عشان مئات الجنيهات في حين لاقدر الله اي مشكلة هتكلفنا ما لا يستطيع المال شراءة وربنا يحفظك

غير ياباشا انا عملتها معايا من يومين
انا كنت رايح من طنطا الى بنى سويف.. وكان عندي بالونه صغيره في الفرده الشمال الخلفيه .. اتحركت من طنطا تمام..وصلت الدائرى تمام..نزلت نزلة الاوتوستوراد عشان ادخل من طريق الكريمات تمام.. وانا على طريق الاوتوستوراد طلبت معايا اشرب حاجه ساقعه ركنت عند بنزينه عشان اشتري من الماركت .. دخلت واشتريت وانا طالع لقيت العربيه مايله..هوبا ..الفرده نايمه وانا كنت ماشي عليهاوالبلونه فرقعت..الحمد لله الجنط ماباظشي..قعدت من الساعه 9 صباحا حتى الساعه 12 ظهرا ادور على كاوتش 16-205-55 عشان ما امشيش من غير استبن ودخت السبع دوخات ..وفي الاخر ركبت فرده استعمال من عند واحد بتاع كاوتش اخليها استبن..وكملت الطريق بعد عذاب بجد
نصيحه غير الفردتين اللي قدام ب 2 جداد وارتاح

المشاركة الأصلية كتبت بواسطة car's sniper

اكتشفت واحدة فى الكاوتش اللى قدام يمين ..جبت الاستبن بداله وركلته ورا وركبت كاوتش نضيف قدام قام هو كمان طلعله بالونة اكبر
وحاليا بقالى ييجى شهرين ماشى بيها وللاسف باسرح عالطريق وباجيب بيها ال150 عادى خالص
شفت بقى الدنيا حلوة ازاى هههههه
ربنا يسترها لغاية ماشوف بيتنا بس واظبط الاداء بكاوتشين جداد

يا دكتور نصيحة من أخ غير الكاوتش و بلاش تأجيل. ربنا ستار لكن لو حصل حاجة لا قدر الله لن ينفع الندم.
بسم الله الرحمن الرحيم (وَأَنفِقُوا۟ فِى سَبِيلِ ٱللَّهِ وَلَا تُلْقُوا۟ بِأَيْدِيكُمْ إِلَى ٱلتَّهْلُكَةِ ۛ وَأَحْسِنُوٓا۟ ۛ إِنَّ ٱللَّهَ يُحِبُّ ٱلْمُحْسِنِينَ ) صدق الله العظيم.