الموضوع: عايز أسافر تركيا أعيش هناك .. حد يفيدني ؟

الحل ... عقد عمل في دولة عربية محترمة

المشاركة الأصلية كتبت بواسطة eso101

مفيش حاجة إسمها فتنة في الفكر
الفكر يتحاور بالفكر ... والدين مفهوش خلل ولا ضعف عشان نخاف من أي فكر جديد
والمسلم لو راح بلاد الغرب هيسأل كتير ودا مش فتنة
دا بدأ يفكر بأسلوب منطقي وبدأ يشوف ثقافات تانية
وهتحصله صدمة وهيبدأ يفكر في كل شيء
دي مش فتنة

حبيب قلبى
فيه فرق بين التعرف على الثقافات التانية زى ما بتقول... وما بين انك أصلا الوازع الدينى ضعيف وفى سن مراهقة وتدخل مجتمع منفتح تماما زى امريكا. موضوع الانفتاح على ثقافات الغير ده لما تكون انت وصلت لمرحلة معينة من النضج ووصلت لمرحلة انك تقدر تميز ما بين الغث والسمين. مش شاب مراهق مش عارف حاجة وبعدين تقوللى دى مش فتنة وانفتاح ثقافى !!!
على كدة بقى نفتح قنوات الدش ونخللى الهاسباسات والهوت بيرد يدخلوا عندنا بيوتنا ويشوفها ولادنا مادام انفتاح ثقافى بما فيها من برامج اجتماعية و"ثقافية" تنقل أفكارهم وعاداتهم !.
الفكر يتحاور بالفكر للناس الناضجين مش لشاب صغير لسه عايز تأسيس. مش تأسيس بدنى لا تأسيس عقلى وعقدى.

سامحنى يا ابو بودى وعمر للمشاركة اللى برة الموضوع :)

المشكلة انك حتى علشان تسافر بلد زى امريكا ولا المانيا ولا بريطانيا انتا محتاج فلوس وحساب فى البنك وحاجات اصلآ تخليك تفكر الف مره قبل ما تقول اسيب البلد وتقول لا دا انا عايش ملك هنا ولو معايا المبالغ اللى بيطلبوها وبيبالغو فيها دى عمرك ما هتفكر تسافر يعنى لو معايا مليون جنيه هروح افتح شركة استيراد وتصدير واعيش ملك واجيب لنفسى فيلا فى مكان محترم وابقى اسمى هربى عيالى بعيد عن القرف

ولو هتروح السعوديه ولا الامارات ولا الكويت ولا البحرين هيستعبدونا وهيفكرونا عبيد بنى قريش

ولو روحت تركيا الانفتاح هناك شكله يخوف ده غير ان مافيش حد يعرف تركى وعلشان تتعلم تركى هتكرهه نفسك لانه صعب ولو روحت تونس ولا لبنان ولا المغرب ولا الجزائر برضه هتكرهه نفسك لانك هتحس انك روحت دولة اوربيه مش دولة عربيه للاسف المجتمعات كلها مش زى ما احنا عايزين

علشان كده انا شايل فكرة السفر من دماغى لانك حتى لو قدرت توفر لنفسك هناك شغل هتتعب نفسيآ من اللى هتشوفه

الا لو توكلت على الله لوحدك وقولت تجرب وتشوف هتقدر تعمل ايه

من الاخر لو قررت تسافر توكل على الله لوحدك وشوف انتا هتقدر تعمل ايه لوحدك وما تأخدش حد معاك على الاقل اول سنه تشوف الوضع هناك عامل ازاى ايآ كان البلد اللى هتروحها حتى لو بلد عربى لانك ما تعرفش هتقدر تعيش لوحدك الاول بدل ما تأخد الاهل والاولاد وفى الاخر تندم

انا واحد صاحب زوج اختى جاب كل حاجه ورايح روسيا والتأشيره والتذاكر وكل حاجه وقرر يسيب مراته ويسافر وراح روسيا ورجوعه تانى من المطار لان فى اوراق مش كامله وضاع عليه عشرين الف جنيه

ماحدش يعرف الخير فين وماحدش يقدر يقول انا هسافر فيسافر ممكن يحصل زى اللى حصل معاه ويرجع تانى من على باب المطار لان ربنا مش كاتبله رزق هناك

ولو قررت تسافر ما تخليش اى حاجه تحبطك جرب مش هتخسر غير شوية فلوس وربنا هيخلف عليك فيها لانك كنت عايز تتبع اللى ربنا بيقول عليه

بسم الله الرحمن الرحيم
{إِنَّ الَّذِينَ تَوَفَّاهُمُ الْمَلآئِكَةُ ظَالِمِي أَنْفُسِهِمْ قَالُواْ فِيمَ كُنتُمْ قَالُواْ كُنَّا مُسْتَضْعَفِينَ فِي الأَرْضِ قَالْوَاْ أَلَمْ تَكُنْ أَرْضُ اللّهِ وَاسِعَةً فَتُهَاجِرُواْ فِيهَا فَأُوْلَـئِكَ مَأْوَاهُمْ جَهَنَّمُ وَسَاءتْ مَصِيرًا}
صدق الله العظيم

ان شاء الله ما اكنش فاهم الايه غلط

المشاركة الأصلية كتبت بواسطة janagabr

ومين قالك اصلا ان الملتحين اللي بنشوفهم في مصر مش الاوباش وهما بتوع التدين الظاهري الا من رحم ربي

معلش هو حضرتك سافرت برة فين؟
يعنى برة مصر ولا برة القاهرة؟ اصل كلامك مش بيفرق عن اللى بنشوفهم فى الشارع و مش مثقفين وكل ارائهم بتكون مش بتاعتهم و بيعمموا اى حاجة وخلاص.
معلش بس بصراحة انت خرجت عن سياق لموضوع علشان تتكلم عن نفسك وتعرفنا وجهة نظرك اللى انت شايفها صح.
بس خانك اسلوبك.....
وبعدين ايه المشكلة اللى مزعلاك فى اللحية يا اخى رسولك كان ملتحى........
مافيش مشكلة انك تكون اخلاقك كويسة وتكون ملتحى.انما كونك مش قادر تكون ملتحى فانت بتحاول تعرف نفسك وتعرف اللى حواليك ان اللحية مش كويسة!!!!!!!!!!
كان ممكن صاحبك الامريكى لما يجى يقولك انت مش ملتحى ترد عليه وتقوليه يارب اقدر التحى لانها سنة ولان اللحية الان تعتبر جهاااااد.
وايه اللى دخل الايباد فى الموضوع مش عارف؟؟؟؟
متزعلش من كلامى بس دى الحقيقة.....
على فكرة انا مش ملتحى بس كلامك نرفزنى.


وياريت مانبوظش الموضوع للراجل بالمناقشات الفرعية...