عايز أسافر تركيا أعيش هناك .. حد يفيدني ؟

**ESO101** · 30-09-2013 06:05 PM

المشاركة الأصلية كتبت بواسطة mohamed_hamid

أعتقد أن حضرتك مفهمتش المقصد من كلامى
واحد جاى من بلد أرياف معروف انه مجتمع محافظ بيصلوا وكدة. راح امريكا رجع بحلق فى ودنه وبدأ يتكلم فى جو الحاد! الفكرة مش فى انك تناقشه او مش تناقشه ما هلازم طبعا يبقى فيه مناقشة وكدة. المقصد اللى بتكلم فيه ان اى انسان معرض للفتنة فمش يروح لها برجليه.

مفيش حاجة إسمها فتنة في الفكر
الفكر يتحاور بالفكر ... والدين مفهوش خلل ولا ضعف عشان نخاف من أي فكر جديد
والمسلم لو راح بلاد الغرب هيسأل كتير ودا مش فتنة
دا بدأ يفكر بأسلوب منطقي وبدأ يشوف ثقافات تانية
وهتحصله صدمة وهيبدأ يفكر في كل شيء
دي مش فتنة

**casperinoo** · 01-10-2013 03:33 AM

تنجو بدينك في تركيا :)
حضرتك المساجد هناك مش هتلاقي بيصلي فيها غير السياح ..
المظهر الوحيد اللي ممكن تلاقيه من الدين انك تلاقي واحده في الشارع كل فين وفين لابسه حجاب .
اردوغان رئيس محترم والاتراك اختروه مش علشان الدين خالص ..علشان ناجح في شغله ده غير ان حوالي 60 % من اشهر رجال الاعمال في تركيا بيأيدوه ..

لو عايز مكان تحافظ فيه علي دينك فعلا يبقي عليك وعلي ماليزيا ..
ديه كندا ممكن تنجو فيها بدينك عن تركيا :)

**أبو آسر** · 01-10-2013 03:46 AM

المشاركة الأصلية كتبت بواسطة casperinoo

تنجو بدينك في تركيا :)
حضرتك المساجد هناك مش هتلاقي بيصلي فيها غير السياح ..
المظهر الوحيد اللي ممكن تلاقيه من الدين انك تلاقي واحده في الشارع كل فين وفين لابسه حجاب .
اردوغان رئيس محترم والاتراك اختروه مش علشان الدين خالص ..علشان ناجح في شغله ده غير ان حوالي 60 % من اشهر رجال الاعمال في تركيا بيأيدوه ..

لو عايز مكان تحافظ فيه علي دينك فعلا يبقي عليك وعلي ماليزيا ..
ديه كندا ممكن تنجو فيها بدينك عن تركيا :)

يبدو إن في إجماع على ماليزيا

طيب حد يعرف المطلوب إيه للسفر والإقامة هناك ؟ وهل الموضوع سهل ولا صعب ؟

**mgheam** · 01-10-2013 04:55 AM

انا مش عارف ان كان العيشة في بلاد الكفر حرام ولا لأ
مقدرش افتي
بس اعرف ان مثلاً مرسي عاش في مجتمع الكفر في امريكا - والعياذ بالله - وابنه امريكاني
وابو اسماعيل عاش في امريكا وامه امريكيه
يعني الناس دي معقول تكون على خطأ ؟وهما بيدعوه انهم ممكن يموتوا نفسهم عشان الاسلام
لازم اكيد اما هم خطأ او انت عندك تقدير خطأ للموقف ده

**أبو آسر** · 01-10-2013 05:20 AM

المشاركة الأصلية كتبت بواسطة mgheam

انا مش عارف ان كان العيشة في بلاد الكفر حرام ولا لأ
مقدرش افتي
بس اعرف ان مثلاً مرسي عاش في مجتمع الكفر في امريكا - والعياذ بالله - وابنه امريكاني
وابو اسماعيل عاش في امريكا وامه امريكيه
يعني الناس دي معقول تكون على خطأ ؟وهما بيدعوه انهم ممكن يموتوا نفسهم عشان الاسلام
لازم اكيد اما هم خطأ او انت عندك تقدير خطأ للموقف ده

أرجو احترام رغبتي كصاحب الموضوع وعدم التطرق لنقاشات جانبية .. سياسية .. جدلية .. هزلية !
متخلوش الواحد يكره المنتدى الوحيد اللي بيخشه ويشارك فيه
ولا هي الناس من ساعة ما قسم أحوال الشارع المصري ايديها بتاكلها ومش قادرة تبعد عن جر الشكل والخناق ؟!
من كان يؤمن بالله واليوم الآخر فليقل خيرا أو ليصمت

**mgheam** · 01-10-2013 05:26 AM

المشاركة الأصلية كتبت بواسطة أبو بودي وعمر

أرجو احترام رغبتي كصاحب الموضوع وعدم التطرق لنقاشات جانبية .. سياسية .. جدلية .. هزلية !
متخلوش الواحد يكره المنتدى الوحيد اللي بيخشه ويشارك فيه
ولا هي الناس من ساعة ما قسم أحوال الشارع المصري ايديها بتاكلها ومش قادرة تبعد عن جر الشكل والخناق ؟!
من كان يؤمن بالله واليوم الآخر فليقل خيرا أو ليصمت

انا مش بتكلم سياسة على فكره
انا بقول فيه مشايخ من اللى بيعتبروا الاقامه في بلاد الكفر حرام زي ابو اسماعيل
اقاموا هناك وعائلتهم عايشة هناك عادي وامهم امريكية عادي
يعني بطرح وجهه نظر ان ممكن يكون فيه تفسير انت او انا مش عارفينه
انا عن نفسي بشر بأخطأ واصيب واعلم اشياء واجهل اشياء
ان كان صاحب الموضوع يعلم اي شئ في كل شئ اكتر من هؤلاء وهم من يدعون انهم مشايخ الدين !!
يبقى اكيد مشاركتي ليس لها فائده
سلام عليكم

**أبو آسر** · 01-10-2013 06:58 AM

المشاركة الأصلية كتبت بواسطة tutankhamoun

الأقامة هناك محتاجة حاجة من أثنين (اللي أعرفه )

1 اقامة عمل و دي محتاجة عقد عمل و دي صعب قوي تجيبها .
أو

2 اقامة بفلوسك
يديك فيزا اقامة أسمها فيزا التقاعد في بلدك التاني ماليزيا و لازم تفتح هناك حساب بنكي بأسمك و تحول عليه تقريبا نصف مليون رنجت (مليون جنيه مصري ) و ما يعادل دخل شهري ثابت من خارج ماليزيا بما يعادل 20 ألف جنيه مصري أي 10 الاف رنجت .

طبعا الطريقة التانية عايزة واحد رايح ماليزيا للمكوث فيها فقط مش للعمل

يبقى مفيش أمامك غير الطريقة الأولى و هي فيزا العمل و بصراحة أعتقد ان الموضوع مش سهل خالص .
بس دور و ربنا يجعل الصعب سهل .

========

بالله عليكم الأخوة الكرام .......... بلاش خناقة .... قلة الكلام في السياسة اريح و احسن للأعصاب و مش بتعمل توتر للعلاقات ما بين الناس .

مليون جنيه ؟!! يا خبر !

وأنا لو معايا مليون جنيه هعيش على كوكب الأرض أصلا ؟!

وعقد العمل صعب ليه ؟ مش عايزين مصممين مواقع ولا إيه ؟

**أبو آسر** · 01-10-2013 07:36 AM

المشاركة الأصلية كتبت بواسطة tutankhamoun

لو الموضوع سابوه مفتوح كدا على البحري
هاتلاقي البلاد المتقدمة دي خرابة كبيرة بسبب الهجرات من البلاد الفقيرة

أنا لو معايا مليون جنيه ........ أقعد في بيتنا معزز مكرم ..... و أشتري عبد يعملي كل حاجة

عقد العمل بيعتمد على قوانين حكومية و مؤسسات
يعني لو عايز تجيب عقد عمل .... لازم يكون مش متوفر زيك في البلد للمؤسسة اللي هاتشغلك

يعني الأولوية لأبناء البلد الأول (ملقيوش )
يجيب من برة البلد .

شكرا على الإحباط