الموضوع: عايز أسافر تركيا أعيش هناك .. حد يفيدني ؟

المشاركة الأصلية كتبت بواسطة mohamed_hamid

وبرضه الدين مش تفصيل ولا بالمزاج

قال النبي صلى الله عليه وسلم : ( أَنَا بَرِيءٌ مِنْ كُلِّ مُسْلِمٍ يُقِيمُ بَيْنَ أَظْهُرِ الْمُشْرِكِينَ ) . رواه أبو داود (2645) وصححه الألباني في صحيح أبي داود .

يا أخى حتى لو مش حرام بس على الأقل فيه شبهة عظيمة وخطر على الدين ولو انت تمام التمام علشان متربى فى مصر بلد الاسلام ( مش عارف هو فين الاسلام فى مصر دلوقت بصرف النظر عن الشعائر زى الصلاة فى الجوامع) يبقى تخاف على أولادك اللى هيتربوا فى مجتمع غريب عن عادات الاسلام.

والله ده رأيى اللى أدين بيه لله. مش ملزم لحضرتك او لغيرك. مقتنع بيه تمام مش مقتنع بيه براحتك وممكن تسأل طبعا فى الأزهر الشريف ان حبييت :)

الأسلام أنتشر في دول شرق آسيا بواسطة المهاجرين العرب الذين أستقروا في بلاد الكفر (أغلب الناس هناك كانت بتعبد حاجات غريبة ) و لولا معاشرة هؤلاء التجار العرب لهؤلاء المشكرين الكافرين ما كانوا تحولوا للأسلام و لا أسلموا و لا شموا عن الأسلام ريحة !!!!!!!!!!!

مسلمين كثير جدا بيؤمنوا بالأسلام (بيتحولوا من المسيحية للأسلام مثلا ) بسبب وجود المسلمين معاهم جزئيا .

طيب أيه حكم الحديث الللي حضرتك وضعته هنا من الناس دي ؟؟؟؟؟؟؟؟؟
أيه حكم الحديث من

الأقليات المسلمة التي تعيش في بلاد الكفر البين زي الصين و الهند و سنغافورة ؟ (بوذيين على سيخ ؟ )

يا أستاذ محمد الموضوع مش شخصي بيني أو بينك أو أني بحاول أغير مفهومك عن شئ معين .

الموضوع هو اعمال ببعقل فقط لا غير .

مفيش آية قرآنية واحدة بتنص على ذلك .......

تحياتي .


طبعا أنت صح لو الواحد مسافر بلد معينة و متربي و أساسه هنا بيختلف لواحد آخر مولود و متربي هناك .


على فكرة أنا سألت قبل كدا (ﻷني كنت عايش في دولة غير اسلامية )
طالما انت تعيش في دولة تحترم المسلمين و تسمح بأقامة شعائرهم .... مش حرام و لا مكروه .
و الكلام ده ينطبق على الدول التي فيها خطر على اقامة المسلمين و منع لشعائرهم .
الموضوع مش مقفول على العموم كدا .

تحياتي مرة أخرى

المشاركة الأصلية كتبت بواسطة tutankhamoun

الأسلام أنتشر في دول شرق آسيا بواسطة المهاجرين العرب الذين أستقروا في بلاد الكفر (أغلب الناس هناك كانت بتعبد حاجات غريبة ) و لولا معاشرة هؤلاء التجار العرب لهؤلاء المشكرين الكافرين ما كانوا تحولوا للأسلام و لا أسلموا و لا شموا عن الأسلام ريحة !!!!!!!!!!!

مسلمين كثير جدا بيؤمنوا بالأسلام (بيتحولوا من المسيحية للأسلام مثلا ) بسبب وجود المسلمين معاهم جزئيا .

طيب أيه حكم الحديث الللي حضرتك وضعته هنا من الناس دي ؟؟؟؟؟؟؟؟؟
أيه حكم الحديث من

الأقليات المسلمة التي تعيش في بلاد الكفر البين زي الصين و الهند و سنغافورة ؟ (بوذيين على سيخ ؟ )

يا أستاذ محمد الموضوع مش شخصي بيني أو بينك أو أني بحاول أغير مفهومك عن شئ معين .

الموضوع هو اعمال ببعقل فقط لا غير .

مفيش آية قرآنية واحدة بتنص على ذلك .......

تحياتي .


طبعا أنت صح لو الواحد مسافر بلد معينة و متربي و أساسه هنا بيختلف لواحد آخر مولود و متربي هناك .


على فكرة أنا سألت قبل كدا (ﻷني كنت عايش في دولة غير اسلامية )
طالما انت تعيش في دولة تحترم المسلمين و تسمح بأقامة شعائرهم .... مش حرام و لا مكروه .
و الكلام ده ينطبق على الدول التي فيها خطر على اقامة المسلمين و منع لشعائرهم .
الموضوع مش مقفول على العموم كدا .

تحياتي مرة أخرى

أبدا مفيش اى شخصنة للموضوع ليه بتقول كدة؟ احنا ناس كبار وده نقاش راقى ان شاء الله :)
- مش شرط يكون كل حاجة يبقى فيها نص قرآنى. الشرع له شقين هما القرآن الكريم+السنة النبوية زى ماحضرتك عارف. بالتالى مش لازم تكون فيه آية قرأنية للاستدلال طالما فيه نص حديث
- موضوع سفر المسلمين فى القرون الأولى للاسلام على حد علمى كان للتجارة مش للاستقرار. هل استقروا هناك بعد كدة وحكم الشرع ايه فى كدة؟ الله أعلم. هل يجوز لهم ده من باب نشر الاسلام؟ ممكن. الله أعلم.
- حتى لو مش حرام العيش وسط مجتمعات غير مسلمة. بس على الأقل فى شبهة. (واجتنبوا الشبهات)
- مرة تانية دى رأيى. ممكن يكون مش داخل دماغك. حقك طبعا.بس انا مقتنع بيه جدا. يا أخى اذا كنا احنا مفتونين بيهم واحنا هنا فى بلادنا المسلمة وبنقلد كل حاجة ليهم ( ياريت الحاجة الكويسة لكن الوحش بس ) اومال لما نعيش وسطهم؟!

المشاركة الأصلية كتبت بواسطة mohamed_hamid

أبدا مفيش اى شخصنة للموضوع ليه بتقول كدة؟ احنا ناس كبار وده نقاش راقى ان شاء الله :)
- مش شرط يكون كل حاجة يبقى فيها نص قرآنى. الشرع له شقين هما القرآن الكريم+السنة النبوية زى ماحضرتك عارف. بالتالى مش لازم تكون فيه آية قرأنية للاستدلال طالما فيه نص حديث
- موضوع سفر المسلمين فى القرون الأولى للاسلام على حد علمى كان للتجارة مش للاستقرار. هل استقروا هناك بعد كدة وحكم الشرع ايه فى كدة؟ الله أعلم. هل يجوز لهم ده من باب نشر الاسلام؟ ممكن. الله أعلم.
- حتى لو مش حرام العيش وسط مجتمعات غير مسلمة. بس على الأقل فى شبهة. (واجتنبوا الشبهات)
- مرة تانية دى رأيى. ممكن يكون مش داخل دماغك. حقك طبعا.بس انا مقتنع بيه جدا. يا أخى اذا كنا احنا مفتونين بيهم واحنا هنا فى بلادنا المسلمة وبنقلد كل حاجة ليهم ( ياريت الحاجة الكويسة لكن الوحش بس ) اومال لما نعيش وسطهم؟!

العيشة في وسطهم ..... مختلفة تماما .. أنت بتشوف الناس على حقيقتها كناس عادية
الفتنة علشان بتقعد تقارن ما بين الزبالة اللي أحنا وضنعا نفسنا فيها و في الجمال اللي هما عايشين فيه
بس بمجرد وجودك معاهم (هاتلاقي نفسك تلقائي بتتعامل عادي )
بس عموما شكرا على توضيح رأيك .

على فكرة

ماليزيا و أندونيسيا دخلوا الأسلام من فترة قريبة جدا مش من أوائل التجار العرب و لا حاجة .

بس برضه حضرتك لم تجاوب على سؤالي

أيه حكم الحديث في المسلمين القلة في دول البوذيين و عبدة البقر
الصين و الهند و سنغافورة ؟؟؟؟؟؟؟

اللي اقصده أن الدين مش تفصيل ... صح 100 %
يعني مثلا مش هاينفع أقول حكم القتل خطأ او القتل يتم تغييره أو ما شابه من أحكام قاطعة واضحة

ما أتحدث عنه هنا موضوع مختلف تماما و هو مواكبة العصر ووسائله

فاكر لما اسلفيين رفضوا الوقوف لتحية العلم المصري في دولة أفريقية ؟؟؟؟؟؟


كل اللي أقصده ... لا يجب أن نتجمد عند أحداث و حاجات معينة .

تحياتي .

حاجة تانية عايز أضيفها
لأني عشت معاهم

أنت بتحاول تكون ملتزم أكتر و أنت معاهم ....... عن محاولة ألتزامك و أنت هنا في مصر
ده اللي حصل معايا شخصيا .

كذا مرة في كذا عمل أشتغلت فيه
تم سؤالي

تحب نوفرلك وقت أو حاجة مخصوص (مرتبطة بدينك و شعائرك ؟ )
و يومها طلبت من المدير بتاعي تحديد ساعة الراحة يوم الجمعة في وقت صلاة الجمعة علشان ألحق الصلاة و بقية أيام الأسبوع تركت لهم هم الخيار .

كنت بأصلي في مكان ملك لنادي أجتماعي و بيتركوه صالة متوسطة الحجم للمسلمين يوم الجمعة لمدة ساعتين و نصف الساعة و بتيجي واحدة ست تفتح لنا المكان و تساعدنا في أي حاجة نطلبها منها
(لأني كنت بأشتغل في مكان أقرب جامع كان على مسافة حوالي 10 كم و مينفعش أروح علشان وقت البريك )
فكان كل اللي بيصلي في المكان ده يا أما موظفين زيي ........ أو ناس من سكان المنطقة مكسين يروحوا الجامع اللي على بعد 10 كم ) ... و أنا هناك المسلمين كانوا بيلموا فلوس لبناء مسجد في المنطقة و تم أفتتاحه بعد ما مشيت و رجعت المخروبة جمهورية مصر العربية هيههههههههههههههههههههههه هه :)

المشاركة الأصلية كتبت بواسطة tutankhamoun

بس برضه حضرتك لم تجاوب على سؤالي

أيه حكم الحديث في المسلمين القلة في دول البوذيين و عبدة البقر
الصين و الهند و سنغافورة ؟؟؟؟؟؟؟

انت قصدك على المسلمين ابناء نفس البلد ولا أغراب عايشين معاهم؟
لو قصدك على اولاد نفس البلد مادى بلدهم هيعملوا ايه. ادينا شايفين المسلمين فى ميانمار بيتعمل فيهم ايه وفى الصين كذلك.انا لو مكانهم وعرفت اهرب بجلدى منهم انا واهلى هنفذ طبعا. الله ينصرهم ويعينهم.

المشاركة الأصلية كتبت بواسطة tutankhamoun

حاجة تانية عايز أضيفها
لأني عشت معاهم

أنت بتحاول تكون ملتزم أكتر و أنت معاهم ....... عن محاولة ألتزامك و أنت هنا في مصر
ده اللي حصل معايا شخصيا .

كذا مرة في كذا عمل أشتغلت فيه
تم سؤالي

تحب نوفرلك وقت أو حاجة مخصوص (مرتبطة بدينك و شعائرك ؟ )
و يومها طلبت من المدير بتاعي تحديد ساعة الراحة يوم الجمعة في وقت صلاة الجمعة علشان ألحق الصلاة و بقية أيام الأسبوع تركت لهم هم الخيار .

كنت بأصلي في مكان ملك لنادي أجتماعي و بيتركوه صالة متوسطة الحجم للمسلمين يوم الجمعة لمدة ساعتين و نصف الساعة و بتيجي واحدة ست تفتح لنا المكان و تساعدنا في أي حاجة نطلبها منها
(لأني كنت بأشتغل في مكان أقرب جامع كان على مسافة حوالي 10 كم و مينفعش أروح علشان وقت البريك )
فكان كل اللي بيصلي في المكان ده يا أما موظفين زيي ........ أو ناس من سكان المنطقة مكسين يروحوا الجامع اللي على بعد 10 كم ) ... و أنا هناك المسلمين كانوا بيلموا فلوس لبناء مسجد في المنطقة و تم أفتتاحه بعد ما مشيت و رجعت المخروبة جمهورية مصر العربية هيههههههههههههههههههههههه هه :)

تمام بس خللى بالك انت فى حالتك دى بتشتغل هناك مش مهاجر هجرة دائمة اللى هو محور كلامنا والله أعلم.
الله يعينك ويوفقك وفى ميزان حسناتك ان شاء الله :))

المشاركة الأصلية كتبت بواسطة mohamed_hamid

انت قصدك على المسلمين ابناء نفس البلد ولا أغراب عايشين معاهم؟

لاني انا قصدي على مسلمين من نفس البلد (الحديث مش بيفرق )
لو قصدك على اولاد نفس البلد مادى بلدهم هيعملوا ايه. ادينا شايفين المسلمين فى ميانمار بيتعمل فيهم ايه وفى الصين كذلك.انا لو مكانهم وعرفت اهرب بجلدى منهم انا واهلى هنفذ طبعا. الله ينصرهم ويعينهم.

ميانمار طبعا كارثة أنسانية و المسلمين ساكتين و عاملين من بنها و مش شايفين القرضاوي و لا شيخ من الشيوخ أو دولة بتحاول تساعد الناس دي !!!!!!!!!!!!!!!!!!!!!

ده أحنا ربنا هايحسابنا حساب يا أخي ؟؟؟ ربنا يسترها .

تمام بس خللى بالك انت فى حالتك دى بتشتغل هناك مش مهاجر هجرة دائمة اللى هو محور كلامنا والله أعلم.
الله يعينك ويوفقك وفى ميزان حسناتك ان شاء الله :))
لاءة أنا كنت عايش هناك و رجعت لظروف معينة و لم قدرت أرجع تاني .... هارجع ... كنت هناك عايش بكرامتي و الناس كلها بتحترمني و أنا بحترمهم . و ربنا يجعله في ميزان حساناتنا جميعا .

حتة ميانمار دي أستثناء أنساني و ياما قامت مذابح على بشر كتير من بشر تانية

العراق العيشة فيها لا تطاق ,,, و كلهم مسلمين !!
سوريا بيحاربوا و بيقتلوا في بعض برضه و أصبح جزء كبير منهم عايش خارج بلاده

فاكر لما الرومان قتلوا المسيحيين في مصر عند بداية المسيحيية !!
المسيحيين الغربيين أبداوا الهنود الحمر !!!

طيب الكلام بتاعي مقصده أيه ؟
المقصد طالما أنت في آمان ........ و عندك حرية العقيدة و حرية اقامة الشعائر بما لا يخالف القوانين
فايه المشكلة أنك تدور على حياة أفضل في مكان أفضل طالما الناس بتحترمك .

جميل...لكن يبقى السؤال؟
هل تضمن حماية نفسك ومن معك من الافتتان بعاداتهم وثقافاتهم وعقائدهم؟ أعتقد ده لب الموضوع.
مفيش اى خلاف على العيشة هناك فى مجتمع ووسط انسانى أفضل. لكن... ما هو الضامن للحفاظ على ما سبق ذكره؟
أنا أعرف واحد معاه الجنسية الأمريكية وكان بيسافر فى ثانوى يقضى الأجازة هناك. الواد مرة رجع من هناك حاطط فى ودنه حلق وبدأ يتكلم كلام غريب عن حقيقة وجود الله . وحاجات من دى. الواد ده معرفش عنه حاجة الكلام ده من بتاع 18 سنة. لسه بقى زى ما هو ولا رجع عقل. الله أعلم.