الموضوع: تقييم الكارينز الجديدة كليا 2014

المشاركة الأصلية كتبت بواسطة hazem osman

السلام عليكم
دى أول مشاركة ليا في المنتدي بعد ماسجلت
وحبيت أبدأها بشكر حضرتك على أسلوبك الراقي و المعلومات القيمة وسرعة استجابتك
والسيارة دى بسم الله ماشاء الله عجباني أوى بصراحة وزاد اقتناعي بيها الصراحة بعد كلام حضرتك
ربنا يبارلك فيها

دة شرف ليا ان اول مشاركة ليك تكون في موضوعي وشكرا ليك علي حسن ظنك بي

المشاركة الأصلية كتبت بواسطة wolfrine

بصراحة بعد ما قرات كل الموضوع من سرد كامل لمواصفات العربية واحساسك وبيها واقتناعك التام خصوصا انك ركيب عريبات وسواق قديم زى حلاتى وعلى فكرة احنا زمايل
المهم انى بعد دراسة كاملة للسوق والعربيات الموجوده بيها وفحصها نظريا فى المعارض اقتنعت بالكارينز الجديدة بنسبة 70% لانى ركيب اوربى فى الاساس وعمرى ما ركبت كورى ولا عمرى اقتنعت بيه بس لما شوفت الكارينز وقارنتها باللى موجود فى السوق من ناحية السعر والكاماليات والخامات وكمان قرأه ودراسه الريفيوهات بالمواقع الاجنبيه خصوصا فى كندا ( اسمها كارينز كوندو )
ولكن موضوعك زود اقتناعى بالعربية بنسبة وصلت ل 90% والباقى يمكن اقتناعى الشخصى بالكورى ومقارنته بالاوربى
وكمان خوفى من ارتفاع العربية عن الارض وده يمكن خلانى افكر انى اول ما اجيبها اغير مقاس الكاوتش من 205/55 16 الى 205/60 16 او 215/60 16 لزيادة ارتفاع العربية شوية واضافه اتزان رغم انى عارف انها متزنة
بالنسبة للفرش جلد لو ناوى تركب ( انا ناوى ان شاء الله ) روح جينز كار ركبت هناك قبل كده الخامات نضيفة اوى والتفصيل رائع بجد شغل محترم صحيح غالى بس زى ما بيقولوا الغالى تمنه فيه

اشكرك علي كلماتك الطيبة
حتي الأن غير نادم علي الاختيار بالعكس كل يوم بيزيد اقتناعي

ملاحظة مهمة الاكيد ان ادأها كموتور كان هايكون افضل من كدة بمراحل لو مونت 95
دا مش معناة ان الاداء وحش بالعكس الاداء ممتاز بس اللي بيركب من زمان وجرب نوعيات مختلفة فاهم انا قصدي اية الموتور دة رهيييب

الجزء التاني بالنسبة للارتفاع اعتقد انة مناسب جدا ولا يحتاج لزيادة انا محمل العربية اشخاص واحمال ولم اتعرض للاحتكاك في 95% من مطبات المحروسة بس ماتخشش علي المطب بسرعة علشان تكمل ال 100%

ربنا يسهل بالنسبة للفرش الجلد انا عاوز من بدري اركبة بس مستني العملية تسمح بس

ربنا يوفقك للاختيار الاصلح