تقييم الكارينز الجديدة كليا 2014

**WOLFRINE** · 04-01-2014 10:52 PM

المشاركة الأصلية كتبت بواسطة masryxt

اشكرك علي كلماتك الطيبة
حتي الأن غير نادم علي الاختيار بالعكس كل يوم بيزيد اقتناعي

ملاحظة مهمة الاكيد ان ادأها كموتور كان هايكون افضل من كدة بمراحل لو مونت 95
دا مش معناة ان الاداء وحش بالعكس الاداء ممتاز بس اللي بيركب من زمان وجرب نوعيات مختلفة فاهم انا قصدي اية الموتور دة رهيييب

الجزء التاني بالنسبة للارتفاع اعتقد انة مناسب جدا ولا يحتاج لزيادة انا محمل العربية اشخاص واحمال ولم اتعرض للاحتكاك في 95% من مطبات المحروسة بس ماتخشش علي المطب بسرعة علشان تكمل ال 100%

ربنا يسهل بالنسبة للفرش الجلد انا عاوز من بدري اركبة بس مستني العملية تسمح بس

ربنا يوفقك للاختيار الاصلح

ربنا يكرمنى ويكرمك للاصلح دايما
كل الريفيوهات على الموتور GDi ممتازة وكلها تقول انها موتور رهيب وقوى طبعا بس اخنلاف البنزين بتاع بلادنا هو السبب فى ضعف الاداء نوعا ما
وبالنسبة للرتفاع اعتقد انها موش حتخسر لو حطيت الكاوتش 215/60 16 بريدجستون او فايرستون خصوصا ان الكاوتش اللى فيها معرفهوش ومعرفش كفائته خصوصا انى اسافر اسبوعيا القاهرة اسكندرية فمحتاج كاوتش اكون مطمئن له

وربنا يكرمك ان شاء الله وتركب الجلد بس تبقى فرجنا الصور

تحياتى ليك

**temokemo** · 04-01-2014 10:56 PM

الف الف الف مبروك ك ك

**mahmoudysf** · 05-01-2014 12:11 AM

المشاركة الأصلية كتبت بواسطة wolfrine

بصراحة بعد ما قرات كل الموضوع من سرد كامل لمواصفات العربية واحساسك وبيها واقتناعك التام خصوصا انك ركيب عريبات وسواق قديم زى حلاتى وعلى فكرة احنا زمايل
المهم انى بعد دراسة كاملة للسوق والعربيات الموجوده بيها وفحصها نظريا فى المعارض اقتنعت بالكارينز الجديدة بنسبة 70% لانى ركيب اوربى فى الاساس وعمرى ما ركبت كورى ولا عمرى اقتنعت بيه بس لما شوفت الكارينز وقارنتها باللى موجود فى السوق من ناحية السعر والكاماليات والخامات وكمان قرأه ودراسه الريفيوهات بالمواقع الاجنبيه خصوصا فى كندا ( اسمها كارينز كوندو )
ولكن موضوعك زود اقتناعى بالعربية بنسبة وصلت ل 90% والباقى يمكن اقتناعى الشخصى بالكورى ومقارنته بالاوربى
وكمان خوفى من ارتفاع العربية عن الارض وده يمكن خلانى افكر انى اول ما اجيبها اغير مقاس الكاوتش من 205/55 16 الى 205/60 16 او 215/60 16 لزيادة ارتفاع العربية شوية واضافه اتزان رغم انى عارف انها متزنة
بالنسبة للفرش جلد لو ناوى تركب ( انا ناوى ان شاء الله ) روح جينز كار ركبت هناك قبل كده الخامات نضيفة اوى والتفصيل رائع بجد شغل محترم صحيح غالى بس زى ما بيقولوا الغالى تمنه فيه

المقاسين دول غلط وهيدوك قراية غير حقيقية على عداد السرعة

**WOLFRINE** · 05-01-2014 11:29 PM

المشاركة الأصلية كتبت بواسطة mahmoudysf

المقاسين دول غلط وهيدوك قراية غير حقيقية على عداد السرعة

طبعا موافقك تماما يا كبير واعتقد ان المقاس المفروض انه يتركب بدون تاثر على قرأه العداد هو 195/60 16 بس فى احتمال كبير انى افتقد جزء من ثبات العربية وانا غير مستعد لده لان معظم طريقى سفر فعندى استعداد افقد فرق قرايه بحاولى 3 الى 5 ك فى العداد فى نظير الثبات
الا لو قولتلى يا كبير على مقاس يحقق لى المعادلة الصعبه ارتفاع ثبات مع وضع فى الاعتبار ان مقاس الجنط 16

**masryxt** · 13-01-2014 01:35 AM

انا باسكركم علي ثبيت الموضوع واتمني ان يستفيد جميع الاعضاء من تجربتي المتواضعة

**houseiny** · 17-01-2014 05:43 PM

باشا اخبار الصيانة إيه ؟؟؟

**masryxt** · 19-01-2014 03:09 PM

المشاركة الأصلية كتبت بواسطة houseiny

باشا اخبار الصيانة إيه ؟؟؟

انا عملت صيانة ال10000 وتم فيها تغيير زيت الموتور والكشف علي السيارة طبقا لجدول الصيانة
الصيانة القادمة 20000 كم وكمان فية صيانة مجانية علي 15000 كم

**wma71** · 25-01-2014 09:32 PM

حضرتك ما حاولتش تركب فرش جلد للارضية و هل تنصح بيه و لا لا و بالنسبة لفرش الكراسي ايه رأيك في الفرش اللجلد و هل تنصح بيه

**houseiny** · 26-01-2014 10:04 PM

باشا ، انا حصلتك وجبت كارينز 2014 - وبجد حبيت اشكرك لانك من الناس اللي ساعدتني اني اخد قرار بسهولة - معلش بققى هتقل عليك في الاستفسارات - لان حضرتك بقيت المرجع الاساسي دلوقتي في المنتدي للكارينز 2014- ربنا يجزيك خير ويبارك فيك

**masryxt** · 27-01-2014 01:38 PM

المشاركة الأصلية كتبت بواسطة houseiny

باشا ، انا حصلتك وجبت كارينز 2014 - وبجد حبيت اشكرك لانك من الناس اللي ساعدتني اني اخد قرار بسهولة - معلش بققى هتقل عليك في الاستفسارات - لان حضرتك بقيت المرجع الاساسي دلوقتي في المنتدي للكارينز 2014- ربنا يجزيك خير ويبارك فيك

الف مبروك ربنا يديك خيرها ويكفيك شرها وتحت امرك في اي حاجة

ويارب بعد تجربتك ليها تكتبلنا انطباعك وتجربتك معاها علشان الاعضاء كلها تستفيد وماتبقاش من وجهة نظر واحدة

كل ما تعددت التجارب ووجهات النظر كل ما الاعضاء هايستفيدوا

اتمني ان يكون تقريري بالنسبة ليك كان صادق وامين بعد تجربتك

الموضوع: تقييم الكارينز الجديدة كليا 2014

LinkBack

أدوات الموضوع

عرض

-

-

-

-

-

-

المواضيع المتشابهه

رسمياً : هيونداى تعلن عن i10 2014 الجديدة كليا

رسميا بي ام دبليو تكشف عن x5 2014 الجديدة كليا

صور تويوتا كرولا 2014 الجديدة كليا

لوجان 2014 الجديدة كليا

Kia cerato 2014 الصور الرسمية - سيراتو 2014 الجديدة كليا !

الكلمات الدلالية لهذا الموضوع

المفضلات

المفضلات

ضوابط المشاركة