5 اسئلة وبعدها تقرر دخول عالم صني الجديدة

**د.هشام** · 14-10-2013 02:23 PM

المشاركة الأصلية كتبت بواسطة amr12345

فعلاً أهم حاجة موضوع الطنابير والتيل في الصني
لو اتحل الموضوع ده في العربيات المسلمة حديثاً
هيفرق جداً مع العربية دي
بس يامالكي الصني اخبار ثبات العربية ايه في السرعات يعني لوقلنا

على 120.....؟
على 140.....؟
على 160....؟

كل سرعة تاخد درجة كام من عشرة ؟

مع الشكر

حتى سرعة ١٤٠ الثبات ممتاز والتحكم ممتاز في العربية، حتى في الملفات، والعربية بتستجيب لدواسة البنزين بصورة جيدة، والباور الكهرباء مخلي التحكم في الدريكسيون مريح جدا، وبيتقل مع السرعات العالية، والعفشة مريحة جدا، والعربية عالية عن الارض ومابتحكش في أي مطب، وإن كان ده على حساب الثبات على سرعات أعلى من ال ١٤٠، وعلى سرعات أقل من ١٤٠ في حالة وجود رياح شديدة. بالنسبة للكاوتش اللي في العربية، مشكلته الوحيدة انه بيلم زلط. إحسب انت أولوياتك اللي محتاجها في العربية، يعني لو أهم حاجة عندك السرعات العالية وبتسافر كتير يبقى أرشحلك البيرسونا، بس لو أغلب مشاويرك جوة البلد، يبقى الصني إختيار موفق، وبالتوفيق ان شاء لله.

**amr12345** · 14-10-2013 03:17 PM

شكراً د.هشام على التوضيح
وربنا يطمنك

**abou-yahia** · 14-10-2013 03:48 PM

البيرسونا افضل في كل شئ

**amr12345** · 14-10-2013 09:09 PM

وأخبار اعادة البيع في البيرسونا ايه ؟
وكذلك قطع الغيار
عشان انا قرأت في المنتدي
بعدم توفر بعض قطع الغيار في توكيل عز العرب

**amr12345** · 14-10-2013 09:12 PM

بس على فكرة الناس فعلاً بتلف تلف
وترجع للنيسان صني تاني
في الأختيار
بقول لكم ان العربية الصني الجديدة بيعة 17000 عربية
يعني مليار و 700 مليون جنيه
احسبوها كده ؟

**د.عماد صلاح** · 14-10-2013 10:15 PM

كنت في نفس حيرتك و جبت اوبترا في الاخر

**amr12345** · 15-10-2013 04:01 AM

ياريت كل مالكي النيسان صني الجديدة يشارك بالرأي
ويحكي تجربته مع العربية
لأن مشاركتك توضح الكثير
وفعلاً لأن اللي سمع غير اللي ركب العربية وجربها

**Yosef_azab** · 15-10-2013 05:00 PM

أنا معايا نيسان الجديدة بالها سنة
بالنسبة للتيل والطنابر فـال توكيل غيره في صيانة ال 10000 وال مفروض إنه بقى أحسن بس أنا عند 13000 ومسمعتش حاجة منه تاني ولو لاقدر الله حصل فـفي توكيل محترم بيغير على طول
بالنسبة للثبات فـفوق 140 مش كويس بس أقل من كده 10 على 10 وده في أي عربية حتى لو بيجو وال عربيات اللي في نفس الفئة
الكاوتش رديء جدا جدا جدا بيلم زلط وانا على اقتناع إني لما اغيره أداء الفرامل هيتحسن أنا ناوي اغيره مع ال 20000
التقفيل من جوه مش واو بس لذيذ وشكله مش بطال ومهما كان الاكسنت أو الريو شكلهم أحلى من جوه بس هتخلى عن حاجات كتير عشان شكل التابلوه زي abs و 2 airbags وكاميليات تانية عشان إنت كده هتخش في فئة سعرية أعلى بكتير
قطع الغيار أنا معرفش الصراحة بس العربية ناجحة جدا في السوق وواحدة واحدة هتوصل قطاع الغيار في كل مكان
وفي توكيل محترم زي اوتو ايجيبت وراك وده مطمني الصراحة
من ناحية الشكل الخارجي فـأكتر حاجة مضايقاني الكصدام تعبان وبيطبق بسرعة وخبط الكصدام تلات مرات (كله في رصيف أو حجر مش بكون شايفه ) بس تصلحوا سهل الحمدلله وعملته بره التوكيل عند سمكري محترم بـسعر قليل جدا :)
أنا مقتنع 100 في 100 إني اخترت صح وإن دي انسب عربية في سعرها
بس لو معاك تجيب بيجو أو سيتروين جبهة على طول هي الفكرة كلها في السعر وهما أحسن من الصني مفيش كلام بس أغلى
وربنا يوفقك في الاختيار الصحيح