5 اسئلة وبعدها تقرر دخول عالم صني الجديدة

**amr12345** · 14-10-2013 03:33 AM

كل عام وأنتم بالف خير وعيد سعيد عليكم بإذن الله

بدايةً انا منذ فترة وأنا أبحث عن سيارة جديدة أتوماتيك في حدود من 100 - 110 ألف جنيه وبعد الفحص والتقييم للجوانب الفنية ولجانب إعادة البيع وجدت النيسان الصني هيا الانسب في هذا السعر ولكن انا محتاج رأيكم للأجابة على 5 أسئلة مهمة قبل قيامي بالشراء وهيا كالتالي :

1 - هل مشكلة النوع السيئ لتيل الفرامل و الطنابير تم حلها للسيارات المسلمة منذ شهر أغسطس الماضى ؟

2 - هل السيارة ثابتة على الطريق على السرعات العالية ولغاية كام تكون ثابتة مع العلم باني كنت راكب فيرنا ومعروف ان الفيرنا خفيفة ؟

3 - الخامات المستخدمة في التابلوه الداخلي ومقارنتها بالجودة في السيارات من نفس الفئة ؟

4 - هل قطع الغيار الأصلية متوفرة خارج التوكيل ؟

5 - هل نوع الكاوتش الصيني اللي راكب في العربية مؤثر على اتزان العربية وهل فعلاً بيعمل صوت؟

ارجو الافادة من الافاضل رواد المنتدى مالكي النيسان صني

**AlGazar2** · 14-10-2013 04:07 AM

الى اعرفه منهم على حسب ما قريت هنا

ثبات العربية سئ بعد ال 120 : 140

الكاوتش الصينى بيؤثر جدا على الاتزان و على الفرامل

قطع الغيار هتلاقيها فى المراكز المعتمدة مش فى كل السوق

من خلال رؤيتى للسيارة و بعض السيارات الاخرى فى المعارض فخاماتها مش حلوه مقارنة بالريو مثلا و شكل التابلوه معجبنيش شخصيا

النقطه الاولى لا اعلم

**hamaka** · 14-10-2013 04:18 AM

هاتلك بروتون برسونا أحسن 100 مرة عن تجربة لجارى اللى جاب الاتنين و بيشتم الصنى100 مرة كل ما نفتح الموضوع...عيب البرسونا فى عز العرب و كده كده انت مش محتاج تروحلهم عشان عصام صفا عامل الواجب و زيادة...

**amr12345** · 14-10-2013 12:03 PM

انا الحقيقة فكرت في البرسونا بس مشكلة اعادة البيه بعدتني عنها
والكيا ريو الموتور 1400 سي سي
وكمان فكرت في البيجو 301 والستروين الاليزيه جميله بردو
بس المشكلة بقي عندنا في ثقافة السوق للسيارات الاوربية على الرغم ان البيجو والاليزية سيارتين تحفة

**john55** · 14-10-2013 12:15 PM

حضرتك عايز عربيه جديده مثلا اكيد هتكون معاك من 5 الي7 سنين هات العربيه اللي نفسك فيها سواء بيجو او ستروين واستمتع بيها ولما يجيي وقت بعها محدش عارف الدنيا هتكون فيها ايه لكن اركب عربيه فاضيه وكملياتها قليله علي سعرها علشان اعرف ابعها بعد كدا وادور علي تسوقها يبقي الاحسن اجيب عربيه مستعمله او كسر زيرو علشان الخساره دي وجهه نظر وشكرا

**amr12345** · 14-10-2013 12:50 PM

فعلاً وجهة نظر حضرتك محترمة جدا
بس الواحد بصراحة خايف ان البيجو 301 أو الستروين الاليزية قليلين في السوق
وده معناه ان بعض قطع الغيار ممكن تكون مش موجودة حتي في التوكيل بعد فترة
اما بخصوص الصني الجديدة انا سمعت ان العربية باعت في مصر بس 17000 عربية
يعني لو حسبناها
نلاقي انهم بيعين من العربية دي مليار وسبعمائة مليون جنيه
تخيلوا.................
وده مع كل عيوب العربية

**abou-yahia** · 14-10-2013 01:15 PM

متكررش اخطاء غيرك

**amr12345** · 14-10-2013 01:40 PM

فعلاً أهم حاجة موضوع الطنابير والتيل في الصني
لو اتحل الموضوع ده في العربيات المسلمة حديثاً
هيفرق جداً مع العربية دي
بس يامالكي الصني اخبار ثبات العربية ايه في السرعات يعني لوقلنا

على 120.....؟
على 140.....؟
على 160....؟

كل سرعة تاخد درجة كام من عشرة ؟

مع الشكر