5 اسئلة وبعدها تقرر دخول عالم صني الجديدة

**amr12345** · 16-10-2013 03:25 PM

تقييم موضوعي جداً لأستخدام السيارة
ومفيد جداً لأعضاء المنتدي
وننتظر المزيد من التقاريير من مالكي الصني

**amr12345** · 17-10-2013 05:13 PM

متابع

**amr12345** · 17-10-2013 08:53 PM

فين مالكي الصني
فين رأيهم في العربية

**haitham fares** · 18-10-2013 07:08 PM

العربية ادائها جيد جدا ... الحمد لله مفيش مشكل لحد دلوقتي سافرت بيها كذا مرة ..العربية راسية لحد 140 وانا بصراحة ما زودتش عن كدة ..لما بتعدي من جنبك تريلا او اتوبيس بتحس العربية ممكن تتشد ناحيتها شوية..عربية واسعة وعالية ومبتحكش فى اى مطب فى مصر مهما كان

**amr12345** · 18-10-2013 08:49 PM

هل موضوع الثبات فوق 140 في العربية يعتبر عيب؟
وماهو ثبات العربيات المنافسة في نفس الفئة؟

**medo-312** · 19-10-2013 01:44 AM

العربية بالنسبة للفئة بتاعتها مميزاتها اكتر من عيوبها .. ادخل على اقسام العربيات التانية هنا فى المنتدى وهاتتأكد ان مافيش عربية كاملة المواصفات ( الكمال لله وحده ) .. انا معايا العربية وراضى عنها والحمد لله وصدقنى انا كنت خارج من البيت ورايح المعرض مخلص ومتفق على الكيا ريو 2014 رجعت البيت بالنيسان الصنى

**amr12345** · 19-10-2013 05:35 AM

فعلاً عندك حق
لما تدخل على أقسام العربيات التانية في المنتدي هتلاقي فعلاً ان في مشاكل فيهم بس أعتقد عشان الصني عاملة مبيعات كبيرة التركيز عليها أوي
وبس لو شركة نيسان تغير نوع التيل والطنابير في الدفعة الجديدة من العربيات المباعو تبقي العربية تمام

**edodahab** · 19-10-2013 11:53 AM

العربية دى لو فعلا يحسنوا نوع التيل و الطنابير مع تغيير نوع الكاوتش الصينى اللى عمال يلم زلط طول مانتا ماشى
بالاضافة الى تحسين شكل التابلوة او على الاقل يبقى لونين تبقى عربية ملهاش حل
هى فعلا عيوب بسيطة مش كارثية و الدليل المبيعات الخيالية للعربية بالرغم من العيوب دى

**addams_2** · 19-10-2013 12:21 PM

أنا شايف إن العربية ديه ممتازة و صفقة كمان
لو على الكاوتش يا جماعة نغيره أول مانشتريها و كإن سعرها ازيد 2000 جنيه
التيل ده هيتحل أكيد ديه نيسان يعني أنا مش فاهم إزاي تقارنها بهينداي و توكيل غبور كلنا عارفين بلاويه
أصلا اسعار هينوداي مكنش بيميزها غير السعر الحنين و معدش خلاص
نصيحتي ابعد عن الشكل الكوري الحلو و خليك في العملي
أنا لما اشتريت كانت عجبني جدا 301 بس مارتحتش في اعدتها كانت نيسان اوسع و أريّح بنسبا لي

ربنا يوفقك في الاختيار

**amr12345** · 19-10-2013 05:34 PM

فعلاً العربيات الكوري كان سبب انتشارها في مصر سعرها الحنين
بس دلوقتي أسعارها بقت خيالية
وده لمجرد زيادة الطلب عليها
الغريبة ان العربيات دي بيستخدموها في الدليفري بره عشان رخيصة