الموضوع: 5 اسئلة وبعدها تقرر دخول عالم صني الجديدة

المشاركة الأصلية كتبت بواسطة grumby78

احنا بقى العربيه دي شاءت الاقدار انها مش مع واحد جارنا يافندم .. دي عربياتنا واتمنى ده ميزعلش حضرتك .. وكمان بنركبها ونجربها ونسافر بيها بصفه يوميه . واحنا مش بندافع او نهاجم بشكل اعمى .. لأ احنا بنقيم بشكل موضوعي يعني كلمة " احسن الف مره " دي عمرها ماطلعت مننا لانها مش تقييم ولا موضوعيه .. الغريب بقى ان حضرتك بتتكلم عن عربيه انا شايفها تقفيل على قده وله عيوبه -ماليزي- وسعر شراء غالي واعادة بيع واقعه وقطع غيار غاليه وتوكيل سيء وحضرتك بتتكلم عنها كانها الفئه السابعه يافندم .. اللي بالمناسبه برضو بتتقفل في مصر - الفئه السابعه دي - وطلبت من حضرتك مصدرك عن صناعة الجير بوكس والموتور الهندي والمكونات المصريه .. وحضرتك ماجاوبتش ؟؟؟!!! متنتظرش مننا اننا نسمع تشويه لحاجه احنا راكبنها ومقارنات غير منصفه ومبالغات ونسكت!! ... يعني احنا هنا في القسم قررنا منسكوتش على الكلام ده عشان كده اظن كفايه ..كل الماركات فيها فضايح مش عيوب حتى الاوروبي منها فيه بلاوي وعيوب وقطع غيار مولعه وتوكيلات مش فاهمه وفي الاخر يقولك اوروبيه واعتماديه .. بامارة ايه ؟ وييجي يقولم نيسان معيوبه ؟؟ عشان ايه ؟ عشان صاج ضعيف !! يعني العربيات التانيه مدرعات ومجنزرات في الشارع .. وتيل فرامل بيخلص وبيصفر ؟؟!! والتوكيل بيغيره على حسابه .. كفايه بقى مبالغات من غير ملاكها .. لكن الرد في الشارع ..العربيه بقت ماليه البلد فعلا ..

أنا مكنتش ناوى أرد على الكلام ده عشان بصراحة خسارة الوقت اللى هضيعه فى الرد (محدش يزعل من كلامى بس الحوارات اللى على العربية دى بقت فعلاً تشل ، اللى بيقول عليها ربع كلمة زى ما يكون داخل يشتم فيكم) بس قلت أرد رد أخير عشان بس متفتكرش انى معنديش رد أو انى بقول كلام من دماغى ، و الموضوع ده أولا و أخيراً اراء و كل واحد حر فى رأيه و ربنا يبارك لكل واحد فى عربيته ، و أنا بالنسبة لى تخطيت مرحلة "نظرية القطيع" دى من زمان و جو "خليك زى الناس" و "الحاجة المنتشرة" و الحوارات دى ، عشان كده بقيم العربيات على أساس ال Reviews الأجنبية اللى عندهم أسلوب مختلف تماماً عن العك اللى عندنا باستثناء بعض الناس اللى بتفهم فعلاً هنا فى المنتدى و اللى أنا شخصياً اتعلمت منهم كتير و لسة بتعلم منهم (و على فكرة أنا أصلاً معنديش أى عربية بروتون للى كان بيقوللى "البرسونا بتاعتك" أنا اللى معايا مكتوب تحت اسمى فى المنتدى)

بالنسبة للموتور و الفتيس دى مشاركة لأخونا العضو Formulator و الاخوة الأعضاء الجداد اللى ميعرفوش مين هو فى نايل موتورز يبقى يسألوا عليه و هم يعرفوا

"الفتيس فعلا القطعة الوحيدة اللى Made-in-Japan وش
من شركة JATCO التابعة لنيسان، وهى بردو اللى بتعملهم فتيسات الـCVT القديم والـX-tronic الجديد!!

الموتور مبدئيا شركة Aichi اليابانية هى اللى بتعمله، بس فيه إثنين state-of-tune:
- واحد 109/112 حصان-139/140 نيوتن تقريبا (الأقوى) وده يابانى وبينزل فقط mated مع الفتيس الـCVT
- والتانى 99 حصان-134 نيوتن (de-tuned لتقليل إستهلاك البنزين) وده بينزل mated مع فتيسات CVT أو 4-سرعات أوتو!!

الأخير بتاع مصر-الهند Manufactured-in-india والكلمة دى معناها:
ان قطع Aichi اليابانية internals الموتور (بلوك-وش-كامات-كرنك-بساتم-بيلات-كاتينة-كارتيرة-injection-وكنترول) كلها يابانى
- لكن الـAccessories (دينامو-كمبريسور-سيور وشدادات-طلمبات-قواعد) هندى؟!!!

يعنى الموتور Assembled تجميع هندى، وفيه مكونات مش يابانى -هندى زى معظم مكونات العربية اللى بتتجمع فـ مصر؟؟!!!

وعشان محدش يقول بيفتى، خدوا الـparagraph ده:

Since last year, Nissan is manufacturing the 1.5-liter petrol engine (HR15DE) at the Renault-Nissan alliance plant in Oragadam, Chennai.

وكمان ده من press-release لرينو الهند:

The Sunny sedan uses the HR15DE four cylinder petrol engine good for a peak power of 99 Bhp and peak torque of 134 Nm. This move from Renault India could have something to do with the 1.5 Liter HR15DE engine already being readily available and manufactured in India by long-time alliance partner, Nissan.

معروف طبعا ان Renault-Nissan عندهم مصنع فـ الهند؟!!!

Rgds،"

و ده لينك عن فتيسات Jatco اليابانية اللى هى الحاجة الوحيدة اليابانى 100% فى العربية
List of Jatco transmissions - Wikipedia, the free encyclopedia


أما بالنسبة للمكونات المصرى فا معروف لأى متابع لسوق العربيات المصرى ان العربيات اللى بتتقفل فى مصر ليها معايير و نسب محددة للمنتج المحلى فى العربيات المجمعة محلياً و النسب بتتراوح من 35 % ل 55 % طبقاً لنوع المركبة (ملاكى - نقل خفيف - نقل ثقيل - أوتوبيسات) و المكونات المحلية دى بتكون زى الزجاج ، الكراسى ، بعض مكونات الصالون كفرش و زراير ، الصاج و بعض المكونات الكهربائية زى الضفيرة و البطارية فى حالة الصنى...

و أخيراً ياريت الموضوع يرجع للهدف منه و هو ارشاد الأخ اللى عايز يجيب عربية جديدة و ربنا يباركلكم فى عربياتكم....

المشاركة الأصلية كتبت بواسطة hamaka

أنا مكنتش ناوى أرد على الكلام ده عشان بصراحة خسارة الوقت اللى هضيعه فى الرد (محدش يزعل من كلامى بس الحوارات اللى على العربية دى بقت فعلاً تشل ، اللى بيقول عليها ربع كلمة زى ما يكون داخل يشتم فيكم) بس قلت أرد رد أخير عشان بس متفتكرش انى معنديش رد أو انى بقول كلام من دماغى ، و الموضوع ده أولا و أخيراً اراء و كل واحد حر فى رأيه و ربنا يبارك لكل واحد فى عربيته ، و أنا بالنسبة لى تخطيت مرحلة "نظرية القطيع" دى من زمان و جو "خليك زى الناس" و "الحاجة المنتشرة" و الحوارات دى ، عشان كده بقيم العربيات على أساس ال reviews الأجنبية اللى عندهم أسلوب مختلف تماماً عن العك اللى عندنا باستثناء بعض الناس اللى بتفهم فعلاً هنا فى المنتدى و اللى أنا شخصياً اتعلمت منهم كتير و لسة بتعلم منهم (و على فكرة أنا أصلاً معنديش أى عربية بروتون للى كان بيقوللى "البرسونا بتاعتك" أنا اللى معايا مكتوب تحت اسمى فى المنتدى)

بالنسبة للموتور و الفتيس دى مشاركة لأخونا العضو formulator و الاخوة الأعضاء الجداد اللى ميعرفوش مين هو فى نايل موتورز يبقى يسألوا عليه و هم يعرفوا

"الفتيس فعلا القطعة الوحيدة اللى made-in-japan وش
من شركة jatco التابعة لنيسان، وهى بردو اللى بتعملهم فتيسات الـcvt القديم والـx-tronic الجديد!!

الموتور مبدئيا شركة aichi اليابانية هى اللى بتعمله، بس فيه إثنين state-of-tune:
- واحد 109/112 حصان-139/140 نيوتن تقريبا (الأقوى) وده يابانى وبينزل فقط mated مع الفتيس الـcvt
- والتانى 99 حصان-134 نيوتن (de-tuned لتقليل إستهلاك البنزين) وده بينزل mated مع فتيسات cvt أو 4-سرعات أوتو!!

الأخير بتاع مصر-الهند manufactured-in-india والكلمة دى معناها:
ان قطع aichi اليابانية internals الموتور (بلوك-وش-كامات-كرنك-بساتم-بيلات-كاتينة-كارتيرة-injection-وكنترول) كلها يابانى
- لكن الـaccessories (دينامو-كمبريسور-سيور وشدادات-طلمبات-قواعد) هندى؟!!!

يعنى الموتور assembled تجميع هندى، وفيه مكونات مش يابانى -هندى زى معظم مكونات العربية اللى بتتجمع فـ مصر؟؟!!!

وعشان محدش يقول بيفتى، خدوا الـparagraph ده:

since last year, nissan is manufacturing the 1.5-liter petrol engine (hr15de) at the renault-nissan alliance plant in oragadam, chennai.

وكمان ده من press-release لرينو الهند:

the sunny sedan uses the hr15de four cylinder petrol engine good for a peak power of 99 bhp and peak torque of 134 nm. This move from renault india could have something to do with the 1.5 liter hr15de engine already being readily available and manufactured in india by long-time alliance partner, nissan.

معروف طبعا ان renault-nissan عندهم مصنع فـ الهند؟!!!

rgds،"

و ده لينك عن فتيسات jatco اليابانية اللى هى الحاجة الوحيدة اليابانى 100% فى العربية
list of jatco transmissions - wikipedia, the free encyclopedia


أما بالنسبة للمكونات المصرى فا معروف لأى متابع لسوق العربيات المصرى ان العربيات اللى بتتقفل فى مصر ليها معايير و نسب محددة للمنتج المحلى فى العربيات المجمعة محلياً و النسب بتتراوح من 35 % ل 55 % طبقاً لنوع المركبة (ملاكى - نقل خفيف - نقل ثقيل - أوتوبيسات) و المكونات المحلية دى بتكون زى الزجاج ، الكراسى ، بعض مكونات الصالون كفرش و زراير ، الصاج و بعض المكونات الكهربائية زى الضفيرة و البطارية فى حالة الصنى...

و أخيراً ياريت الموضوع يرجع للهدف منه و هو ارشاد الأخ اللى عايز يجيب عربية جديدة و ربنا يباركلكم فى عربياتكم....

برضه شكرا للتقرير ومش هانشكك فيه وكله كلام علمى ومظبوط ومدعم بالمصادر كمان .. بس انا ركبت العربية وحاسس انها مريحانى فى ركوبها ومريحانى ماديا ومستمتع بيها فى السواقة .. أن شاالله تكون مصنوعة فى كوالالمبور أيه المشكلة ؟
فى عربيات أعلى منها فئة ومشاكلها اكتر منها المانى ويابانى وفرنساوى ومن كل نوع .. انت راجل معاك عربية ربنا يباركلك فيها ويكفيك شرها يابانى وبراند محترم انت اخدت قرار شراها بنفسك اكيد بعد تفكير وريفيوهات ومقارنات وفى الآخر اقتنعت بيها وجبتها .. غيرك فكر فيها وماجابهاش لأنها مش مقنعة بالنسبة له ودى وجهات نظر ولو الناس كلها اتفقت على حاجة واحدة كنا مش هانشوف فى الشوارع غير 4 او 5 أنواع بالكتير .. اعتراض الناس هنا على اسلوب النقد .. كلمة احسن وأنضف بالف مرة فيها شىء من عدم اللياقة فى وصف العربية او اى شىء يمتلكه غيرك وكمان تقولهاله فى وشه !! ممكن نقول فيها مشاكل كذا وكذا او غير اعتمادية اوقطع غيارها غالية او توكيلها وحش اى حاجة بأسلوب علمى .. لكن كده هاتزعل الناس منك واحنا هنا اخوات وبنفيد بعض .. وضحلى عيوبى وأنصحنى بس بأسلوب كويس وياريت أكون وصلتلك أنا عايز أقول ايه وياريت تقرا الموضوع اللى فى الرابط ده وانت تفهمنى أكتر :
http://www.nilemotors.net/Nile/305262-a.html

وتحياتى ليك

فرق كبير بين النقد العلمى الموضوعى و السخرية المستفزة

بعيدا عن الدفاع الاعمى من ملاك السيارة و الهجوم المستفز الغير مبرر من غير ملاكها
احب اقولك ان المقاييس و المعايير اللى على اساسها الناس بتختار العربية فى مصر مختلفة تماما عن بره
و ال reviews بتاعت بره ليها كل الاحترام و لكن متاكلش معانا عشان لا الطرق بتاعتهم زى بتاعتنا و لا جوهم زى عندنا و لا اشاراتهم و طريقة سواقتهم زى عندنا
كل سوق مختلف عن التانى مصر غير الخليج غير اوروبا غير امريكا و احب اقولك ان العربيات اللى احنا عمالين نفصفص فيها دى كلها ملهاش اى وجود فى الخليج مثلا و لو سألت حد هناك ممكن يكون مسمعش عنهم اصلا
يا سيدى الفاضل القصة عندنا مختلفة تماما
المتحكم الاول فى اختيار العربيات عندنا هو سعر العربية و مدام احنا بنتكلم عن عربيات فى نطاق ال ١٠٠ الف و لغاية ال ٢٥٠ الف يبقى تستحمل بعض العيوب و المشاكل الفكرة انك تشوف انت تقدر تتعايش مع المشاكل دى ولا لا و هل المميزات تتجاوز العيوب ولا لا
و فى ظل الاحوال الاقتصادية المتردية و الغلاء الفظيع الغير مبرر للعربيات الاختيارات عمالة بتقل مع الوقت و ممكن تلاقى صاحبك اللى طول عمره بيفكر فى اللانسر مثلا و بيشتم فى الصينى جاب عربية صينى معفنة و اظن من الذوق انك تقوله مبروك و متعدش تقطمه بمشاكلها اللى هو عارفها بس الظروف هى اللى حكمت بكدة
باختصار اى اسرة مصرية متوسطة بتفكر فى حاجات مهمة قبل الشراء اولا سعر السيارة و بعدين ارتفاعها من الارض و وسعها من جوه و الشنطة و استهلاك البنزين و عوامل الامان و توافر قطع غيار بسعر معقول و ميكانيكية فاهمين فيها عشان كدة لازم تبقى منتشرة و توكيل محترم و سعر بيع ميخسرش و اخر حاجة ممكن يفكروا فيها هى التسارع و الشد و الاتزان على سرعات فوق ال. ١٤٠ و قوة الموتور عشان كدة صعب جدا تلاقى شاب جايبها و فى الغالب بيجيبوا الجين ٢ اللى بالعكس صعب جدا تلاقى اسرة جايباها
و لو حضرتك فكرت بدون تحيز فى النقط دى هتلاقى ان الصنى الجديدة افضل عربية فى نطاق السعر دة
و دة المبرر اللى بيخلى كل الناس بتجيب العربية دى و مبتجبش البيرسونا اللى ملهاش وجود فى الشارع برغم انها اقدم
القصة مش سياسة قطيع و قفل مخ و متقنعنيش انك انت الوحيد اللى فاهم و كل الناس اللى بالهبل اللى اشترت العربية و عمالة تشترى فيها بهايم
احنا جبناها و عارفين مشاكلها و لكن باختصار مشاكلها بالنسبالنا مقارنةً بمميزاتها متستاهلش الهرى دة كله
فى الاخر كل واحد حر فى رأيه و ليه دماغه و تفكيره و مبسوط بيهم و لولا اختلاف الاذواق لبارت السلع
سمعنا بقى كلمة مبروك على العربية
و الله كل العربيات اللى عمالين نقارن بينها دى عربيات تعبانة و متستهلش الاسعار دى و لا المقارنات دى اصلا بس نعمل ايه هو دة حال البلد
ربنا يستر طريقنا كلنا
و عذرا للإطالة

اتمنى مكنش ضيعتلك وقت اكتر من اوقاتك الثمينة

مع الأحترام لجميع الأراء الموضوعية عن العربية وأيضاً النقد الموضوعي

أنا قمت اليوم بتجربة العربية الصني الجديدة ( الأتوماتيك )
وأيضاً قمت بتجربة العربية الصني القديمة
حتى أحكم بنفسي عن العربيتين
وجدت التالي بعد مناقشة أصدقائي مالكي النيسان صني القديمة والجديدة وركوب العربيتين بنفسي
أولاً الصني الجديدة
عيوب الصني الجديدة
1- الصاج بالمقارنة بالقديمة ولكن أتضح ان كل العربيات الجديدة كده.
2- العربية أخف من القديمة .
3- خامات التابلوه ودي نفس الخامات.

مميزات الصني الجديدة
1- الوسع الداخلي للصالون.
2- توفير البنزين الجيد جداً
3- الشكل العصري الجديد.
4- العفشة أنعم من القديمة.
5 - عربية محققة مبيعات مهولة 17 ألف عربية في مصر خلال العام الماضي فقط والمشتري المصري اللي بيحسب 100 مرة قبل الشراء مش هيخلط في عربية تحقق المبيعات دي كلها.
6- عربية منافسة واقل في الفئة السعرية للعربيات المنافسة بحوالي من 10 إلى 15 ألف.
ثانياً الصني القديمة
عيوب الصني القديمة
1- استهلاك البنزين العالي
2- الشكل الكلاسيكى القديم اللي اتغير خارج مصر من عام 2006 واللى انا شايف انه احسن من الجديد
3- الباور التقيل لأنه زيت.
4- ضيق الكنبة الخلفية بالصالون.
5- العفشة أنشف من الجديدة بس أقوى.


مميزات الصني القديمة
1- ثبات على الطريق أحسن من الجديدة بكتير.
2- صاج العربية محمل في حدود 30 % زيادة عن القديمة.
3- الخامات الداخلية والخارجية أفضل من الجديدة .
4- التابلوه أفضل من الجديدة.
5- توفر قطع الغيار خارج التوكيل بأسعار جيدة.
6- الكوتش ياباني


ورغم كل الأنتقادات اللي على العربية النيسان الجديدة إلا أنها محققة أعلى المبيعات في مصر.
أعتقد أن أي شركة عربيات تتمني أن يكون هناك كلام على العربيات بتاعتها وحوارات بس تحقق المبيعات الخيالية دي.

كلامك كله صح