أستفسار هام بخصوص بيجو

**amrelsaqqa** · 17-10-2013 01:55 PM

المشاركة الأصلية كتبت بواسطة هانى القناوى

انا كنت بجيب بال505 130 الى 140 وكانت ثابته بس ده كان اخرى علشان الطريق ماكنشى يسمح بازيد من كده
بس كلام حضرتك مظبوط فرق التكنولوجيا بتفرق
طالما الصاج والفرامل جامدين يبقى كويس دول مهمين
يعنى ESP ماينفعشى يركب ؟
هى فيها abs بس ؟

abs+ebd+eba
2 airbags

**هانى القناوى** · 17-10-2013 02:00 PM

المشاركة الأصلية كتبت بواسطة amrelsaqqa

abs+ebd+eba
2 airbags

ده فى اعلى فئه ؟

**amrelsaqqa** · 17-10-2013 02:03 PM

من اول فئة زي اللى معايا المانيوال اللى بـ 108 :)

**د.عماد صلاح** · 17-10-2013 02:05 PM

العربيه ممتازه ...واي شئ احتمال وجود عيوب فيه وارد بس اهم حاجه مش عيب خطير او مزمن

**هانى القناوى** · 17-10-2013 02:09 PM

المشاركة الأصلية كتبت بواسطة د.عماد صلاح

العربيه ممتازه ...واي شئ احتمال وجود عيوب فيه وارد بس اهم حاجه مش عيب خطير او مزمن

كلام حضرتك مظبوط
اهم حاجه الثبات والفرامل والصاج الفيتيس تاثير التكيف على الماتور اعتقد دول شئ مهم

**amrelsaqqa** · 17-10-2013 02:16 PM

المشاركة الأصلية كتبت بواسطة هانى القناوى

ربنا يباركلك فيها
عامله كام كيلو لحد دلوقتى
هل فى اى ملاحظات من يوم ماجبتها
طيب اخبار المطبات ايه معاك
طيب اجمل لون ايه
حضرتك اشترتها من مين واستنيت قد ايه

امين يارب

عاملة لحد دلوقتى 1500 وشوية ومستلمها بقالى شهر بالظبط وكنت حاجز مع التوكيل يوم 1/9 يعنى استلمت بعد 15 يوم فقط ما شاء الله ، بس ده لانى حاجز مانيوال وهم وفروها بسرعة ولانى ما اتمسكتش بلون معين ، فاللى جت خدتها ..

الالوان اللى كانت عاجبانى الشامبين والسلفر، حجزت بالرغبتين دول ، اللى جت كانت سلفر ، كلمونى قالولى تستلم ؟
فكرت شوية وبعدين قلت ماشى سيلفر سيلفر الخيرة فيما اختاره الله ، وتوكلت على الله ورحت كملت المبلغ واستلمتها اخر اليوم من توكيل ابو رواش

بالنسبة للمطبات العربية عالية 16.6 سم عن الارض ، يعنى وانا لوحدي مش بتحك نهائيا في اي مطب الحمد لله
لو راكب ناس معايا ورا ، بتحك بسيط اوى لو كلت مطب عالى اوى (المطبات الرخمة اوى بتاعت الفلاحين ، مش اي مطبات ) بس العربية الحمد لله مصفحة من اسفل والموضوع ده حصل مرتين بس في الاول وبعد كدة اتعلمت ازاى استعد للمطب صح لو الحمولة كبيرة .. ( يعنى اداء العربية في المطبات تقريبا قريب اوى من الـ 504 اللى كانت معانا زمان والتويوتا كرولا اللى متركبلها علايات )

اول ما جبت العربية كانت طلقة في السحب بتكييف وبدون بعدها في اول 500 كيلو كنت بحس احيانا العربية تقيلة شوية في الطلعة بعد المطبات ع التانى والتكييف شغال ، بس دلوقتى الحمد لله تمام لما عدت الـ 1000 ، او يمكن من نوع البنزين ، لانى فولت اول مرتين من التعاون ، وبعد كدة جربت شيل اللى في احمد عرابى واخر مرة شيل اللى في شارع دمشق مصر الجديدة

المهم التكييف مش بيأثر على السحب الحمد لله ، يعنى انا لسة جاي حالا من مشوار للمطار رايح جاي لحد المنوفية ومشغلين التكييف وماشي 110-140 اغلب الوقت ، والحمد لله العربية تمام جدا جدا جدا

في ملاحظة بس في الاوتوماتيك العربية صوتها عالي شوية بعد 140 ، وفي صوت ونة هوا كدة بسيط جدا ( زي اي عربية في الفئة دى ) بتسمعه بعد 100 او 110 ، حسب الطريق واتجاه الهوا ..

**هانى القناوى** · 17-10-2013 03:15 PM

المشاركة الأصلية كتبت بواسطة amrelsaqqa

امين يارب

عاملة لحد دلوقتى 1500 وشوية ومستلمها بقالى شهر بالظبط وكنت حاجز مع التوكيل يوم 1/9 يعنى استلمت بعد 15 يوم فقط ما شاء الله ، بس ده لانى حاجز مانيوال وهم وفروها بسرعة ولانى ما اتمسكتش بلون معين ، فاللى جت خدتها ..

الالوان اللى كانت عاجبانى الشامبين والسلفر، حجزت بالرغبتين دول ، اللى جت كانت سلفر ، كلمونى قالولى تستلم ؟
فكرت شوية وبعدين قلت ماشى سيلفر سيلفر الخيرة فيما اختاره الله ، وتوكلت على الله ورحت كملت المبلغ واستلمتها اخر اليوم من توكيل ابو رواش

بالنسبة للمطبات العربية عالية 16.6 سم عن الارض ، يعنى وانا لوحدي مش بتحك نهائيا في اي مطب الحمد لله
لو راكب ناس معايا ورا ، بتحك بسيط اوى لو كلت مطب عالى اوى (المطبات الرخمة اوى بتاعت الفلاحين ، مش اي مطبات ) بس العربية الحمد لله مصفحة من اسفل والموضوع ده حصل مرتين بس في الاول وبعد كدة اتعلمت ازاى استعد للمطب صح لو الحمولة كبيرة .. ( يعنى اداء العربية في المطبات تقريبا قريب اوى من الـ 504 اللى كانت معانا زمان والتويوتا كرولا اللى متركبلها علايات )

اول ما جبت العربية كانت طلقة في السحب بتكييف وبدون بعدها في اول 500 كيلو كنت بحس احيانا العربية تقيلة شوية في الطلعة بعد المطبات ع التانى والتكييف شغال ، بس دلوقتى الحمد لله تمام لما عدت الـ 1000 ، او يمكن من نوع البنزين ، لانى فولت اول مرتين من التعاون ، وبعد كدة جربت شيل اللى في احمد عرابى واخر مرة شيل اللى في شارع دمشق مصر الجديدة

المهم التكييف مش بيأثر على السحب الحمد لله ، يعنى انا لسة جاي حالا من مشوار للمطار رايح جاي لحد المنوفية ومشغلين التكييف وماشي 110-140 اغلب الوقت ، والحمد لله العربية تمام جدا جدا جدا

في ملاحظة بس في الاوتوماتيك العربية صوتها عالي شوية بعد 140 ، وفي صوت ونة هوا كدة بسيط جدا ( زي اي عربية في الفئة دى ) بتسمعه بعد 100 او 110 ، حسب الطريق واتجاه الهوا ..

طيب الصوت العالى هايكون شبه ال 505 والواحد قافل الزجاج ؟؟
طيب يعن الصوت ده ملحوظ ومزعج ولا لا ؟؟
طيب صوت الماتور بيكون مزعج زى ال 55 و 504 ولا لا ؟؟
معلشى اصل ماركبتش غير ال 505

**eleanor** · 17-10-2013 03:25 PM

المشاركة الأصلية كتبت بواسطة هانى القناوى

طيب انا كانت معايا بيجو 505 موديل 90 وبعتها الاسبوع اللى فات وعايز اجيب عربيه زيرو
فعجبانى ال301 الهاى لاين بس من كلام الموجود هنا فى المنتدى
بس كنت عايز اعرف

هل ثباتها ومتانه الصاج زى ال 505 اللى كانت معايا ولا لا ؟
طيب هى فيها ESP ولا لا طيب ينفع يركب لها لو مانزلاش بيه ؟؟
يعنى الحاجات اللى ممكن اكون عايزها زياده تركب ولا ماينفعشى ؟؟
مرايات تعتيم وتتقفل بالكهربا وحدات رفع و ESP و شاشه dvd وكاميرا

بص حضرتك متانه وقوه صاج ال505 مايتقرنوش بالجديد
اما بالنسبه للثبات فانا معايا ال505 الحمد لله لحد سرعه 170 و175 وثابته وبسافر بيها من الاقصر للاسكندريه وزى الفل مافيش اى مشاكل بس ماعرفش ثبات ال 301 ايه بس اكيد مش هايبقى اقل من ال505 كمان مع فرق التكنولوجيا اكيد ال301 هاتبقى اثبت من ال505 واى عربيه فيها abs يبقى فيها esp لانهم مشتركين مع بعض
اما بالنسبه للمرايات الضم ملاكها ممكن يفيدوك فى وجودها من عدمه
وشاشه الدى فى دى والكاميرا تركب بكل سهوله مافيش مشاكل
وتحت امر حضرتك فى اى ستفسار