أستفسار هام بخصوص بيجو

**amrelsaqqa** · 17-10-2013 03:27 PM

المشاركة الأصلية كتبت بواسطة eleanor

بص حضرتك متانه وقوه صاج ال505 مايتقرنوش بالجديد
اما بالنسبه للثبات فانا معايا ال505 الحمد لله لحد سرعه 170 و175 وثابته وبسافر بيها من الاقصر للاسكندريه وزى الفل مافيش اى مشاكل بس ماعرفش ثبات ال 301 ايه بس اكيد مش هايبقى اقل من ال505 كمان مع فرق التكنولوجيا اكيد ال301 هاتبقى اثبت من ال505 واى عربيه فيها abs يبقى فيها esp لانهم مشتركين مع بعض
اما بالنسبه للمرايات الضم ملاكها ممكن يفيدوك فى وجودها من عدمه
وشاشه الدى فى دى والكاميرا تركب بكل سهوله مافيش مشاكل
وتحت امر حضرتك فى اى ستفسار

حضرتك تقصد ebd مش esp ؟

**هانى القناوى** · 17-10-2013 03:41 PM

المشاركة الأصلية كتبت بواسطة amrelsaqqa

لالا انا لما بقول صوت هوا وصوت موتور بقارن بالعربيات الجديدة يعنى بقارن بالانترا وسيراتو ولانسر وتويوتا واوكتافيا!

طبعا انت هتحس ان شاء الله بفرق جامد جدا ، انا اساسا كان معايا بعد الـ 504 تويوتا 2001 1300 ، ورغم انها عربية محترمة وناعمة جدا ، بس حاسس برضه بفرق جامد في كل حاجة خصوصا التسارع والثبات والفرامل والامان وكفاية بس فرق الزيرو ..

اصل انا ماجربتش العربيات الحديثه فا دى اول مره ادخل عالم العربيات الحديثه
علشان كده هتلاقينى مش قوى فى معلومات الحديث

**amrelsaqqa** · 17-10-2013 03:45 PM

المشاركة الأصلية كتبت بواسطة هانى القناوى

اصل انا ماجربتش العربيات الحديثه فا دى اول مره ادخل عالم العربيات الحديثه
علشان كده هتلاقينى مش قوى فى معلومات الحديث

اانا فاهمك ، عشان كدة اي عربية من الجديد في النعومة هتعجبك ، يتبقى لك الثبات والفرامل والمتانة والامان ووسع العربية ، دول اللى مش في كل الجديد ، ودول الـ 301 تتفوق فيهم بجدارة

**هانى القناوى** · 17-10-2013 04:13 PM

المشاركة الأصلية كتبت بواسطة amrelsaqqa

اانا فاهمك ، عشان كدة اي عربية من الجديد في النعومة هتعجبك ، يتبقى لك الثبات والفرامل والمتانة والامان ووسع العربية ، دول اللى مش في كل الجديد ، ودول الـ 301 تتفوق فيهم بجدارة

يعنى احسن من الانسر و الرينو لوجن و اوبترا

طيب التقفيل اخباره ايه ؟؟ تحس بالفخامه ولا تحس انك راكب عربيه بلاستك من جوه ؟؟

**Haitham G** · 17-10-2013 07:00 PM

المشاركة الأصلية كتبت بواسطة eleanor

الكترو هيدروليك
يعنى باور بيشتغل بالزيت عادى جدا زى الباور العادى بس بيشتغل بموتور بدل من السير
يعنى الباور العادى بتلاقى سير واصل بين طرمبه الباور والتقسيمه اما الالكترو هيدروليك مافيش سير طرمبه الباور فيها موتور كهرباء هو المسئول عن الدوران وضغط وسحب الزيت

حضرتك متأكد من الكلام ده عشان انا كنت دورت على مكان زيت الباور و مش موجود طب بيكون فين عشان كده عندى غلط فى معلوماتى .

**Ahmed Amin** · 17-10-2013 07:04 PM

المشاركة الأصلية كتبت بواسطة haitham g

حضرتك متأكد من الكلام ده عشان انا كنت دورت على مكان زيت الباور و مش موجود طب بيكون فين عشان كده عندى غلط فى معلوماتى .

لما تفتح الكبوت هتلاقيه علي أيديك الشمال تحت المكان اللي بتزود منه قربة مياة المساحات,,
هتلاقي غطاء أسود تحت كدا, هوا دا اللي بتزود منه زيت الباور,,

**eleanor** · 18-10-2013 04:56 AM

المشاركة الأصلية كتبت بواسطة haitham g

حضرتك متأكد من الكلام ده عشان انا كنت دورت على مكان زيت الباور و مش موجود طب بيكون فين عشان كده عندى غلط فى معلوماتى .

تمام يافندم الالكترو هيدروليك بيبقى زيت باور عادى بس الاختلاف ان مافيش سير الطرمبه على موتور كهرباء وعندى فى ال508 كده

**eleanor** · 18-10-2013 05:10 AM

المشاركة الأصلية كتبت بواسطة amrelsaqqa

حضرتك تقصد ebd مش esp ؟

بس البروشور فيه esp وواضحه ومتفصله فيه
http://www.peugeot.hha.com.sa/media/...862-3c1097.pdf
شوف كده البروشور واتاكد يا استاذ عمرو
وده الجزء الخاص بيه فى البروشور
ESP®
The Electronic Stability Program* groups together 5 features: ABS brakes,
Electronic Brakeforce Distribution (ABFD) and Emergency Brake Assist (EBA),
plus Anti-Slip Regulation (ASR) and Dynamic Stability Control (DSC), which help
the driver get the vehicle back on course within the limits of physics.