أستفسار هام بخصوص بيجو

**amrelsaqqa** · 16-10-2013 06:00 PM

المشاركة الأصلية كتبت بواسطة silent~dream

لا الكترو هيدروليك

عندي انا المرة دى :d

وفعلا اول مرة اعرف المعلومة دي ، كل اللى قريته قبل كدة انه كهربا

المهم انه مش هيدروليك تماما ، وفعلا احساسه مش زي بعض العربيات ( اللى تحس بيها انك بتلعب بلايستيشن )

**medori** · 16-10-2013 08:15 PM

المشاركة الأصلية كتبت بواسطة Ahmed Y

كل سنة وأنتم طيبين و بخير يارب و مبروك للاستاذ أحمد منسق القسم

أنا الحمد الله حجزت البيجو ٣٠١ هاي لاين بصراحة ربنا يكرمك منتدي نشيط جدا و مفيد لكل الناس
الكلام هنا هو اللي خلاني احجزها حجزتها من توكيل بيجو صلاح سالم و يارب بس سعرها يفضل ثابت
وأنت طيب، مبروك مقدما و ربنا يديك خيرها و يكفيك شرها
بعد أذنكم كان عندي استفسارات بخصوص العربية لو أمكن:
1-هو البور هيدروليك ولا كهرباء أنا سألت و أنا بحجز قالوا كهرباء بس في الصورة اللي بتوضح الفرق بين البيزلاين و الهاي لاين مكتوب هيدروليك.
أول مرة اعرف انة electrohydraulic كان من الكومنتات، كنت فاكرة كهرباء
2- ممكن حد يشرحلي الفتيس عشان انا متعملتش مع فتيس أتوماتيك قبل كده و أيه التيب ترونيك ده
أكيد مفيش كلام يتقال بعد شرح استاذ احمد أمين منقسنا الجامد

3-لو حد مأمن علي العربية ممكن أعرف مأمن بكام و في نسبة تحمل ولا لأ
انا مأمن مع قناة السويس،4% على ما اتذكر بدون تحمل و بدون تكلفة اخطار، لما عملت حادثة، قالولى صلح فى المكان اللى انت عايزة، لو هتصلح فى التوكيل هيبقى في تحمل 10% و دة النظام فى كل شركات التأمين، بتروح انت للشركة قبل الاصلاح تعمل أخطار حادثة و بيجى مهندس يعمل معاينة قبل الاصلاح و بترجع تانى الشركة بعد الاصلاح يتأكدوا من الاصلاح و تديهم قطع الغيار و بيطلع الشيك بعديها بحوالى 3 اسابيع، لو عايز ممكن اكلملك حد هناك يكملك و يظبط معاك معاينة العربية او الوثيقة من غير معاينة لو امنت قبل الترخيص زى ما انا عملت
4- أنا بصراحة مش لاقي حد في المنتدي الحمد الله بيشتكي من العربية هي فعلا مفيهاش عيوب?? أنا كنت فكرت في الستروين بس لما لقيت الناس بتشتكي من التكيف روحت للبيجو وسألتهم في توكيل بيجو علي المشكلة دي قالوا أكيد سوفت وير. بس الحمد الله محدش أشتكي منها في بيجو
لأ هى الحمد للة مفيهاش عيوب جوهرية ظهرت مع حد لحد دلوقتى، لابنا يسهل و تفضل كدة إن شاء الله
شكرا جدا و أسف علي الإطالة

**Akram.Gamal** · 17-10-2013 12:11 AM

ايوه ايه الفكره فى ال الكترو هيدروليك

بيشتغل ازاي فهمونى :d

**eleanor** · 17-10-2013 05:08 AM

الكترو هيدروليك
يعنى باور بيشتغل بالزيت عادى جدا زى الباور العادى بس بيشتغل بموتور بدل من السير
يعنى الباور العادى بتلاقى سير واصل بين طرمبه الباور والتقسيمه اما الالكترو هيدروليك مافيش سير طرمبه الباور فيها موتور كهرباء هو المسئول عن الدوران وضغط وسحب الزيت

**Ahmed Y** · 17-10-2013 09:56 AM

أنا متشكر جدا لكل أعضاء القسم شكرا وإن شاء استلم قريب علي خير يارب

**هانى القناوى** · 17-10-2013 01:30 PM

طيب انا كانت معايا بيجو 505 موديل 90 وبعتها الاسبوع اللى فات وعايز اجيب عربيه زيرو
فعجبانى ال301 الهاى لاين بس من كلام الموجود هنا فى المنتدى
بس كنت عايز اعرف

هل ثباتها ومتانه الصاج زى ال 505 اللى كانت معايا ولا لا ؟
طيب هى فيها ESP ولا لا طيب ينفع يركب لها لو مانزلاش بيه ؟؟
يعنى الحاجات اللى ممكن اكون عايزها زياده تركب ولا ماينفعشى ؟؟
مرايات تعتيم وتتقفل بالكهربا وحدات رفع و ESP و شاشه dvd وكاميرا

**amrelsaqqa** · 17-10-2013 01:40 PM

المشاركة الأصلية كتبت بواسطة هانى القناوى

طيب انا كانت معايا بيجو 505 موديل 90 وبعتها الاسبوع اللى فات وعايز اجيب عربيه زيرو
فعجبانى ال301 الهاى لاين بس من كلام الموجود هنا فى المنتدى
بس كنت عايز اعرف

هل ثباتها ومتانه الصاج زى ال 505 اللى كانت معايا ولا لا ؟
طيب هى فيها esp ولا لا طيب ينفع يركب لها لو مانزلاش بيه ؟؟
يعنى الحاجات اللى ممكن اكون عايزها زياده تركب ولا ماينفعشى ؟؟
مرايات تعتيم وتتقفل بالكهربا وحدات رفع و esp و شاشه dvd وكاميرا

ثباتها بالتأكيد افضل من 505 و 504 gl دى مفيهاش كلام طبعا
لان دى تكنولوجيا ودى تكنولوجيا تانية وزمن تانى ، انا في الـ 504 كنت اجيب 120 احس انى مش لامس الاسفلت اساسا واخرك في اي ملف 70 ولو انت جامد اوى 80 وتحس ان العربية هتقلب بيك
طبعا 301 مش كدة

الصاج جامد جدا ما شاء الله ، والفرامل ممتاااااااااااااازة وواسعة بشكل رهيب ودول اكتر حاجات عاجبيننى في العربية الحمد لله

الـ esp ما اعتقدش ينفع يتركب بسهولة
بقية الكماليات تركب لاي عربية بس الفكرة في نظام التوكيل والضمان في الحالة دى ..

**هانى القناوى** · 17-10-2013 01:50 PM

المشاركة الأصلية كتبت بواسطة amrelsaqqa

ثباتها بالتأكيد افضل من 505 و 504 gl دى مفيهاش كلام طبعا
لان دى تكنولوجيا ودى تكنولوجيا تانية وزمن تانى ، انا في الـ 504 كنت اجيب 120 احس انى مش لامس الاسفلت اساسا واخرك في اي ملف 70 ولو انت جامد اوى 80 وتحس ان العربية هتقلب بيك
طبعا 301 مش كدة

الصاج جامد جدا ما شاء الله ، والفرامل ممتاااااااااااااازة وواسعة بشكل رهيب ودول اكتر حاجات عاجبيننى في العربية الحمد لله

الـ esp ما اعتقدش ينفع يتركب بسهولة
بقية الكماليات تركب لاي عربية بس الفكرة في نظام التوكيل والضمان في الحالة دى ..

انا كنت بجيب بال505 130 الى 140 وكانت ثابته بس ده كان اخرى علشان الطريق ماكنشى يسمح بازيد من كده
بس كلام حضرتك مظبوط فرق التكنولوجيا بتفرق
طالما الصاج والفرامل جامدين يبقى كويس دول مهمين
يعنى ESP ماينفعشى يركب ؟
هى فيها abs بس ؟