الموضوع: أيهما أفضل: Renault Fluence 2014 و لا Opel Astra Sedan 2013

المشاركة الأصلية كتبت بواسطة monamize4

عارف يا باشا ,,
اعتقد ان معظمنا ان ماكنش كلنا بنتحط كل فترة ف موقف ع الطريق
ينبقى فيه ف اشد الحاجة لل esp و ساعتها بنحس ان ياريت نتنازل عن
حاجات كتيييييير ف مقابل ان العربية يبقى فيها esp ف الموقف دا

لكن المشكلة ان احنا بننسى يمكن عشان الموقف بيتكرر كل فين و فين
و الحمد لله ربنا بيستر ,, لكن للاسف الجماعة اللى مش بتتستر معاهم ,
بيندموا ف وقت مينفعش فيه الندم

و للاسف لسه فى ناس مش مقتنعين بفاعليته و ان وجوده ضرورى جدا

الخلاصة ,,
لو بتطلع كتير ع الطرق السريعة يبقى استرا من غير تفكير

أشكر لك إهتمامك كثيرا.

أنا بالفعل أغلب شغلى على الطريق الصحراوى و لا استخدم السيارة داخل القاهرة لشدة الزحام، و كلام حضرتك بالضبط وصف ما أعنيه بإهتمامى بال ESP و أنا جربت هذه المشكلة من سنتين عندما أصطدمت بسيارة أخرى على الصحراوى و لو كان معى فرامل ABS فى السيارة وقتها ما حدثت الحادثه و من هذا الوقت أصبح إهتمامى منصبا على عوامل الأمان أكثر من أى كماليات أخرى.

اليوم ذهبت فى زيارة لمعرض السبع فى ألماظه لمشاهدة الفلوانس و بالصدفة شاهدت عنده أيضا الفورد فوكاس 2013 موديل ال Trend Plus و سعرها 189000 و بها ال ESP و سمعت فيها (شعر) من المندوب و أكد أنها (ألمانى) 100% و أن توكيلها أصبح مع (عبد اللطيف الجميل) وكيل دايهاتسو و هو توكيل محترم جدا.

بالمناسبة الأوبل أسترا صناعة بولندى.

رجعت الى المنتدى و هو مرجعى الوحيد فى الشراء فوجدت المشاركات عليها قليله و لكن من يمتلكها يمدح فيها كثيرا.

ما رأيك؟

انا سهران لحد الآن لمتابعة المقارنات و (صلاة الفجر طبعا).

غالبا الموضوع الآن بدأ فى التبلور فى دماغى كالتالى:

170,000 - 190,000 : فلوانس. E3 أو E3 SL+

200,000 - 225,000 : كيا سبورتاج أو هيونداى iX-35

240,000 : بيجو 508

ما رأيكم فى الإختيارات؟